Bilbao Orkestra Sinfonikoa ONCEren 5,5 milioi kupoitan

Datorren asteazkenean, martxoaren 9an,  zozketatuko den kupoiak Bilbao Orkestra Sinfonikoa izango du protagonista, eta ONCEren 5,5 milioi kupoitan agertuko da estatu osoan, erakunde sinfoniakoaren sorreraren mendurrenarekin bat eginik.

Kupoiaren xehetasunak Juan Carlos Andueza ONCEren Euskadiko Lurralde Ordezkariak; Usue Vallejo ONCEren Euskadiko eta Kantabriako Joko Buruak; Javier Martínez Pozuelo ONCEko agente saltzaileak eman dute ezagutzera. Eta haiekin batera Lorea Bilbao Bizkaiko Kultura Foru Diputatuak, eta Ibon Aranberri Bilbao Orkestra Sinfonikoaren zuzendari nagusiak.

Kupoia 1923ko argazki batek ilustratzen du, eta bertan Bilbao Orkestra Sinfonikoa osatu zuten lehen irakasleak ageri dira, Armand Marsicken gidaritzapean, Arriaga Antzokiko agertokira igota. Kupoia datorren asteazkenean, martxoaren 9an zozketatuko da beraz, Eguneroko kupoia denez, 1,5 euroan eskaintzen da, 35.000 euroko 55 sari bost zifratan. Beste 0,5 euroren truke, seriean ere jokatuz, hilean 3.000 euroko “paga” bat 25 urtez irabaztea eskaintzen du, 35.000 eurokoa.

ONCEk Euskadiko ekitaldirik esanguratsuenetako batzuk jasotzen eta islatzen jarraitzen du, eta herritarrek ONCEren jokoetan jartzen duten konfiantza eskertzen du; izan ere, horiei esker, EAEko erakundean afiliatuta dauden 3.400 pertsona itsu eta/edo ikusmen urria dutenek beharrezko prestazio sozial eta teknikoak jasotzen dituzte, erabat gizarteratzearen alde eginez.

Pandemiaren ondorioak gorabehera, saltzaileek, 2020ko konfinamenduan lan-jarduerarik gabe egon ondoren, ONCEren joko-produktuak eskaintzen jarraitu dute 2021ean, baita Euskadiko kale eta plazetan ere, eta era berean ekin diote urte berri honi ere.

ONCEren kupoiak erakundearen loteria sozial, seguru, arduratsu eta solidarioko produktuen parte dira; izan ere, diseinutik merkaturatu arte, kontrolik gabeko kontsumoak neutralizatzeko kontrolak ezartzen ditu, eta berariaz debekatzen du adingabeei saltzea edo kreditu bidez kontsumitzea, besteak beste. Erakundeak herritarrekiko erantzukizuna du, eta joko arduratsuko politika sustatzen du, Munduko Loteria Elkarteak eta Estatuko Loteria eta Totoen Europako Elkarteak definitutako ebaluazio- eta jarraipen-sistema zorrotzenekin.ONCEren kupoiak ONCEren 19.000 saltzaile inguruk merkaturatzen dituzte. Gainera, www.juegosonce.es webgunean eta baimendutako establezimendu laguntzaileetan eros daitezke.

100 urte musikaz blai

Bilbao Orkestra Sinfonikoak 1922ko martxoaren 8an eman zuen lehen kontzertua Arriaga Antzokian, Armand Marsicken gidaritzapean. Bizkaiko gizarte zibilaren beraren bultzadatik sortu zen. Lurralde horrekin harreman estua du, eta bertan egiten du bere jardueraren zatirik handiena.

Sortu zenetik, zuzendari titular izan ditu Armand Marsick, Vladimir Golschmann, Jesús Arámbarri, José Limantour, Antoine de Babier, Rafael Frühbeck de Burgos, Alberto Bolet, Pedro Pirfano, Urbano Ruiz Laorden, Theo Alcántara, Juanjo Mena, Günter Neuhold eta 2015etik Erik Nielsen.

BOSek etapa ezberdinak bizi izan ditu, bere birengatik penintsulako iparraldeko orkestratzat hartzen zen urteetatik hasi eta San Petersburgon edo Tokion, Japonian biran, eta Frantziako jaialdi garrantzitsuetan aldizka aritzera eraman duen nazioarteko hedapen berrieneraino. 2019ko urtarrilean, Omango Royal Opera Housen eskainitako «Madama Butterfly» antzezpenetan parte hartu zuen.

2012an bere 90. urteurrena ospatu zuen Schönbergen Gurreliederrak interpretatuz, Günter Neuholden zuzendaritzapean, kontzertuak zuzenean grabatu ziren eta Thorofonek CDan editatuta ere.

Orkestraren egoitza den Euskalduna Jauregian egiten duen kontzertu-denboraldi erregularraz gain, BOSek ganbera-musikako denboraldiak eskaintzen ditu Bilbon eta Bizkaian, lan pedagogiko garrantzitsua Kontzertu didaktikoen eta En familia delakoen bidez, eta musikaren bidez gizarteratze-jarduerak garatzen ditu. OLBEren operetan parte hartzen du aldizka fosoko orkestra gisa, eta lankidetza-ildoak mantentzen ditu Guggenheim Museoarekin, Bilboko Arte Ederren Museoarekin, Deustuko Unibertsitatearekin eta Bilboko Arriaga Antzokiarekin batera.

Bere katalogo diskografikoaren barruan, BOSek euskal musikaren bilduma interesgarria egin du Naxosentzat, Arambarri, Guridi, Arriaga, Isasi, Usandizaga, Sarasate eta Escuderori eskainia. J. Rodrigo eta T. Takemitsu konpositoreen lanak ere grabatu ditu EMI JAPAN disketxerako, Kiyoshi Shomura gitarrista japoniarrarekin eta Juanjo Mena maisuaren zuzendaritzarekin.

BOSen jarduera bere zale ugarien laguntzari eta Bizkaiko Foru Aldundiaren eta Bilboko Udalaren ekarpenei esker garatzen da.

 

Amancio Prada BOSen denboraldian

Esan dezakegu abenduko datorren astea “Amancio Pradaren astea” izango dela BOSen denboraldian. Joan den denboraldian ezin izan zen gurera etorri, COVIDak eragindako murrizketak zirela eta. Aurtengoan, ordea, bere musikaz gozatu ahal izango dugu, ez bakarrik denboraldi sinfonikoan, baita ganberakoan eta BOSek eta Deustuko Unibertsitateak antolatutako solasaldi batean ere.

Astelehenenean gurekin egongo da ganberako denboraldian “solista handiak errezitalean” izeneko saioan, Teresa Valente gure txelo solistarekin batera.

Asteartean “Kantu Espirituala” izeneko solasaldian hartuko du parte. Deustuko Unibertsitateko areto nagusian izango da 18:00etan (doako sarrera, edukiera bete arte).

Ostegunean eta ostiralean gure denboraldi sinfonikoaren parte izango da eta Ondarretako abesbatzarekin batera “Joan Gurutzekoaren Kantu espirituala” interpretatuko du. Víctor Pablo Pérezek zuzendutako programa da, non, halaber, César Francken “Sinfonia Re minorrean” ere interpretatuko duten.

 

Larunbat honetan, azaroaren 21ean, 21: 00etan, eser zaitez eta piztu gure YouTubeko kanala, eta senti zaitez Bilbao Orkestra Sinfonikoaren bihotzean

Larunbat honetan gure Denboraldiko bosgarren egitaraua ikusteko aukera emango diegu Euskalduna Jauregira joan ezin duten pertsona guztiei. Kontzertuaz gozatzeko aukera izango dute, agertokiaren erdian “kokatuta” eta gure musikariek inguratuta baleude bezala.

BOSen eta Fair Saturday Fundazioren arteko lankidetzari esker, osteguneko 12.00erako kontzertuaren 360º-ko grabazio honek, interpretazioa etxetik disfrutatzea ahalbidetzen du eta momentu bakoitzean nahi duzuen ikuspuntua aukeratu, orkestraren erdian bazeundete bezala, musikariak eta zuzendaria ikusteko biratuz.

21:00ean hasiko da kontzertuaren emanaldia, eta gure YouTubeko orritik  jarraitu ahal izango da. Bertara errazago sartzeko, lotura zuzenak egongo dira gure Facebook eta Twitterreko orrietan.

Proba ezazu gure orkestraz gozatzeko modu berri hau.

 


Programa 05. Beethovenek etxea bedeinkatu du.

LUDWIG VAN BEETHOVEN (1770 – 1827)

txearen Sagarapena, Obertura Op. 124

RAMÓN LAZKANO

Hitzaurre Bi, piano eta orkestrarako kontzertua

LUDWIG VAN BEETHOVEN

8. sinfonia Fa Maiorrean Op. 93

 

Alfonso Gómez, pianoa
Erik Nielsen,
zuzendaria.

.

 

Dur: 60’ (aprox.)

Gaurko Ganbera-kontzertua bertan behera geratu da (otsailaren 4a, astelehena)

Philippe Quint biolin-jotzaile bakarlariak jakinarazi berri duenez, osasun-arazoak direla-eta, ezingo du gaurko aurreikusita zegoen BOSen Ganbera Denboraldiko kontzertua eskaini

 

Bilbon, 2019ko otsailaren 4an

 

Philippe Quint biolin-jotzaileak bertan behera utzi berri du arratsalde honetan bertan, 19:30ean, eskaintzekoa zen BOSen Ganbera Denboraldiko ganbera-kontzertua.

Kontzertua bertan behera geratu da artistaren osasun-arazoen ondorioz, artistak berak Bilbao Orkestra Sinfonikoari jakinarazi dionez.

Bai biolin-jotzaileak (joan den ostegunean eta ostiralean Denboraldi Sinfonikoaren egitarauan parte hartu zuen) bai Orkestrak berak kontzertua bertan behera geratu izana sentitzen dute, eta barkamen zintzoenak helarazten dizkiete errezitaldira joatea pentsatuta zuten entzuleei.

Sarreren zenbatekoa itzuli egingo da, eskuratu ziren bide beraren bitartez. Informazio gehiagorako, gure bulegoetara jo dezakezue bihartik aurrera.

BOSen bulegoen ordutegia: 09:00etatik 14:00etara.

Telefonoa: 94 403 52 05

 

tailer musikalak – Musikaz Bizi

Musikaz Biziz
4 tailer musikal haurrekin, BOSen entseguetarako Aretoan

Tailer hauen helburua da haurren sormen-gaitasuna suspertzea musika-jardueraren bitartez; izan ere, beraiek izango dira, inguru familiarrean, euren musiken protagonista eta sortzaileak.

Alaitz Zabalo Gidoia eta zuzendaritza
Irantzu Pérez Laguntzailea

4 – 8 urte

16 abendua (euskera)
3 otsaila (castellano)
17 de martxoa (euskera)
12 de maiatza(castellano)

Tailer bakoitzaren prezioa neska/mutikoko:
– Orokorra 4 €
– BOSeko abonatuak 3 €
Larunbat goizetan, 11:30etan
Iraupena, gutxi gorabehera: 75’
Gehienez 25 neska-mutiko, tailer bakoitzeko

Izen-ematea, 944 035 205

STRADIVARIUS BATEN SOINUA IZANGO DUGU BOSEKIN BATERA, MUSIKA-MÚSICA PROGRAMAN

BOSek Musika-Música 2017 jaialdian eskainiko dituen kontzertuetan, II biolinen ataleko lehenengo atrilean izango da noizbehinka gurean gonbidatu gisa izaten dugun musikari bat: Vicente Cuevas.

Baina oraingoan, BOSera egindako bisitak oso balio berezia dauka: BOSeko gainerako kideekin batera, Mahler eta Dvorák interpretatuko ditu, eskuetan harribitxi mitiko bat duela: 1691ko Antonio Stradivari “Auer” biolina.

 1691ko Antonio Stradivari “Auer” biolina
1691ko Antonio Stradivari “Auer” biolina

Instrumentua Roger eta Huguette Duboisek laga diote, Partita Shoah Biolin Solorako eta Tenplu Sakratua obra grabatzeko. Duboistarrak Canimex Taldearen jabeak dira, eta Quebecen (Kanada) dute egoitza. Holokaustoaren oroimenari eskainitako diskoa da; helburu bakar horrekin egiten den lehen lana da. Musika Jorge Grundmanena da; izan ere, musikari madrildar horren aitona-amonak Varsoviako ghettoan hil zituzten naziek. Obra horretako mugimendu bakoitza kontzentrazio-eremu eta ghetto bakoitzari eskainita dago.

Apirilean aurkeztuko den diskoa grabatu ondoren, Vicente Cuevasek biolin hori erabili ahal izango du hainbat hilabetetan. 1691ko Antonio Stradivari “Auer” biolinak izen hori dauka, zeren, tradizioari jarraiki, 300 urteko instrumentu paregabe horiei beren jabe edo erabiltzailerik ospetsuenaren izena jartzen zaie. Leopold Auer biolin-jotzaile juduarena izan zen aipatutako biolina. Errusiako eskolaren aitzindaria izan zen, eta, gainera, XX. mendeko biolin-jotzaile judu handi askoren irakaslea ere izan zen.

Bilbon lehen aldiz gozatu ahal izango dugu bere soinuaz, BOSek Musika-Música programaren barruan eskainiko dituen hiru kontzertuetan: Gustav Mahlerren 2. sinfonia (osteguna eta larunbata) eta Dvoráken Biolontxelorako kontzertua (larunbata).

 

MUSIKA HURBILETIK – IX. zikloa – Musika XX. mendean: aniztasuna eta kolorea

la musica de cerca cabecera

MUSIKA HURBILETIK

IX. zikloa

Musika XX. mendean: aniztasuna eta kolorea

Irakaslea: Mercedes Albaina

 

Ikastaroaren edukia

XX. mendea baliabide musikalen zabalkunde handi baten lekuko izan da: ehundura irekiak, melodia berriak, inspirazio tribaleko erritmo zorrotzak, ausardia harmonikoak, esperimentazio tinbrikoa, fusio estilistikoak, esparru arkaikora itzultzea eta berrikuntzara jauzi egitea. Gauzak ez errepikatzeko gogoak biderkatu egin zituen musikaren kontzepzio berriak, eta horrek eragin handia izan zuen garai hartako kontzientzia artistikoan. Ondorioz, helburu estetikoen eta soinu-profilen sorta ia infinitua agertu zen.

Hitzaldi-ziklo honen bitartez, hizkera musikalak XX. mendean izandako dialekto nagusietako batzuetara hurbilduko gara: posterromantizismoa, estetika inpresionista, espresionismoa, jazza, zinemarako musika, ekialdeko sentsualtasuna, neoklasizismoa, minimalismoa, esperimentalismoa, mundu erdiko folkloreak… Azken batean, musika hainbat eratara agerrarazi zuen guztia: amorratua eta utopikoa, basatia eta hunkigarria, sutsua eta futurista, nazionalista eta kosmopolita; paradoxikoki, independentea eta bere garaiaren gatibu.

 

Egunak, ordutegia, lekua eta prezioa

  • 6 saio, astelehenetan: urriaren 24 eta 31n; azaroaren 7, 14 eta 28an; eta abenduaren 5ean.
  • 19:00etatik 20:15era.
  • Bilboko Arte Ederren Museoko auditoriuma.
  • Izena emateko eguna: urriaren 10etik (astelehena) aurrera.
  • Prezioa:
  • 45 € (BOSen abonatuak eta Bilboko Arte Ederren Museoaren lagunak)
  • 65 € (jendearentzat, oro har)

Plaza-kopurua bete arte.

 

Informazio gehiago eta izen-emateak

BOSen bulegoak. Euskalduna Jauregia. Abandoibarra etorbidea 4

Tel.: 94 403 52 05 – Ordutegia: astelehenetik ostiralera, 09:00etatik 14:00etara

 

 

BOS-EK UDAKO BIRA HASIKO DU BIZKAIAN ZEHAR – IRAILA

“Kontzertuak Bizkaian” jarduerak Lurraldeko bost udalerritara eramango du Orkestra abuztuan eta irailean

Orkestra Lurralde Historiko osora hurbiltzeko filosofiari eutsita, eta Bizkaiko Foru Aldundiak udan antolatutako jardueren barruan, BOSek “Kontzertuak Bizkaian” programa hasiko du astelehenean Plentzian, eta Lurraldeko bost udalerritan izango da abuztuan eta irailean.

Gure Orkestraren helburu nagusienetako bat da bere jarduera Bizkaiko bazter guztietara hurbilaraztea. Horretarako, gure Bilboko egoitzan egin ohi ditugun jarduerak Lurralde osotik egiten ditugunekin uztartzen ditugu.

Orain dela hainbat denboraldi, eta Bizkaiko Foru Aldundiak antolatutako jardueren barruan, “Kontzertuak Bizkaian” jarduera jarri genuen abian, abuztuan eta irailean Lurraldeko hainbat udalerri bisitatzeko asmoz, orkestra osoaren formatuan eta bakarlari eta zuzendari gazteek lagunduta. Ekimenak izan duen harrera onak, hala udalerrien aldetik nola publikoaren aldetik, udako hitzordu ohikoa bihurtu du, luzaroan irauteko asmoarekin.

Kontzertuak iralian

Udalerriak

2016/09/7         Getxo, Areetako Geltoki Plaza, 19:30
2016/09/9         Santurtzi, Serantes Kultur Aretoa, 20:30

 

Egitaraua

F. Chopin: 1. kontzertua piano eta orkestrarako mi minorrean, Opus 11

I. Tchaikovsky:  4. sinfonia fa minorrean, Op. 36, TH 27 

J. Brahms:  1. dantza hungariarra sol minorrean 

 

Adrian Hodorpianoa

Unai Urrecho, zuzendaria

 

 

 

Donostiako Musika Hamabostaldia – BOS KOPROTAGONISTA IZANGO DA 400 INTERPRETETIK GORAKO KONTZERTUAN

Datorren asteazkenean, abuztuaren 31n, BOSek Musika Hamabostaldiaren itxiera-kontzertuan hartuko du parte, Euskadiko Orkestra Sinfonikoarekin, Donostiako Orfeoiarekin, Iruñeko Orfeoiarekin, Easo Eskolaniarekin eta Araoz Gazte Abesbatzarekin batera. Denak Víctor Pablo Pérezen zuzendaritzapean egongo dira.

 

Asteazkenean, abuztuaren 31n, hainbat arrazoiengatik apartekoa izango den kontzertua egingo da Kursaalean. Izan ere, 400 interpretek hartuko dute parte, eta, beraz, une berezia izango da. Era berean, gutxitan gozatzeko aukera dugun tamainako eta mailako abesbatza-oldea elkartuko da baterako ahaleginean. Gainera, BOS eta EOS elkarrekin arituko diren bigarren aldia izango da, eta guztira, 140 musikari egongo dira agertokian.

Programa ere ohiz kanpokoa da. Obra nagusia 1855ean Parisen estreinatu zen Berliozen Te Deum izenekoa izango da; estreinaldian, 900 musikarik eta koristek hartu zuten parte, eta mende hartan musika monumentala izendatu zen mugimenduaren eredu bikaina da.

Programan, euskal konpositoreen bi obra izango dira: Madinaren Aita Gurea eta Sorozabalen Gernika.

Halaber, Musika Hamabostaldiaren itxiera-kontzertua Donostia 2016 egitasmoaren barruan sartzen da, hain zuzen ere, Donostia 2016ko Elkarrizketak atalaren barruan. Lerro horren programazioa kulturaren arloko inguruko ordezkariekin loturak ezartzeko eta Hiriburutzako balioei buruzko programak babesteko diseinatuta dago.

Topaketak

Bilbao Orkestra Sinfonikoa eta Euskadiko Orkestra Sinfonikoa batera arituko dira bigarren aldiz. Bi une horietan, gure herrialdea nazioartean proiektatzeko estrategikotzat har daitezkeen ekitaldiei esker batu dira. 1997. urtean, Bilboko Guggenheim Museoa irekitzeko kontzertuan elkartu ziren. Orain, ia 20 urte geroago, bi talde sinfonikoek berriro egingo dute topo, Donostia 2016 mailako proiektu garrantzitsuan.

Kontzertuak balio oso berezia dauka BOSentzat, azkenik, 2009an parte hartu zuen Musika Hamabostaldira itzuliko baita.

 

Kursaaleko Auditoriuma – 2016/08/31 – 20:00etan

 

Bilbao Orkestra Sinfonikoa
Euskadiko Orkestra Sinfonikoa
Donostiako Orfeoia
Iruñeko Orfeoia
Easo Eskolania
Araoz Gazte Abesbatza
Víctor Pablo Pérez, zuzendaria
Christian Elsner, tenorea
Thomas Ospital, organoa
Markel Murillo, tiplea

Víctor Pablo Pérez, zuzendaria

 

           Egitaraua

Berlioz, Te Deum op. 22 (60’)
F. de Madina Aita Gurea (5’)
P Sorozabal,Gernika (10’)

 

 Donostiako Musika Hamabostaldia

Donostia 2016