BILBOKO ORKESTRA SINFONIKOAK  ISO 9001:2008 EGIAZTAGIRIA BERRIZTATU DU

ISO 9001:2008 egiaztagiria lortzen duen Estatuko lehenengo orkestra, eta, ditugun informazioen arabera, Europako lehenengo orkestra bihurtu eta  hiru urtera, BOSek AENORen hirurteroko ikuskapena izan du, eta aldeko emaitza lortu. Eskuratutako  eta orain beste hiru urteetarako berritutako ISO egiaztagiriak ,oinarrizko bi alde ditu, herritarrei zerbitzu zuzena eskaintzen dien kultur erakunde batentzat: kontzertuen kudeaketa eta abonu eta salmenten kudeaketa.

Operazio-prozesu bi horietako lehenak Orkestraren jarduerak, hau da, kontzertuak antolatzeko orduan eman beharreko urrats guztiak eta aintzat hartu beharreko alde guztiak aztertzen ditu. Bigarrenak, berriz, orkestra baten oinarrizko harremanetako bat jasotzen du, bezeroekiko harremana, alegia. Bi kasuetan, zenbait mekanismo sortu dira, betearazpenaren kalitatea etengabe aztertu ahal izateko eta kalitate handiagoko zerbitzu eraginkorragoa eskaintzea ahalbidetuko duten hobekuntzak egin ahal izateko; izan ere, zerbitzu horrek, gainera, BOSen bezeroen itxaropenak ase behar ditu, bai Orkestra kontratatzen duten erakunde publiko edo pribatuena, zein BOSen kontzertuetara joaten den jendearena.

Oinarrizko prozesu bi horiek laguntza-prozesuak dituzte atzean, eta prozesu horiek ere aztertu eta baloratu egiten dira ikuskaritzan. Laguntza-prozesu horiek Orkestraren barne-prozesuak (Giza baliabideak eta langileen prestakuntza; erosketak eta azpikontratazioak; dokumentazioaren kontrola; baliabide teknikoak; barne-ikuskaritzak; eta hobekuntzak egiteko kontrol sistema) eta bezeroen asebetetzea ebaluatzeko sistemak dira, hala barne-bezeroena (gure jardueretako ikus-entzuleak) nola kanpokoena (kontratatzen gaituzten erakundeak).
 

Aldaketa Ganbera kontzertuetarako sarreretan

Euskalduna Jauregia handitzeko hasi berri diren lanak direla-eta, urtarriletik aurrera, Ganbera kontzertuetara 2. atetik sartu beharko da (Casilda Iturrizar Parkeko semaforoen aurreko zelaigunean dagoena)

Euskalduna Jauregia handitzeko hasi berri diren lanak direla-eta, urtarriletik aurrera, Ganbera kontzertuetara 2. atetik sartu beharko da (Casilda Iturrizar Parkeko semaforoen aurreko zelaigunean dagoena)

BOSek bat egin du Kultura Bonuaren kanpainarekin, oso eskaintza bereziarekin

BOSek bat egin du Eusko Jaurlaritzaren Kultura Bonua programarekin, oso eskaintza berezia sartuz; izan ere, aparteko deskontua duten sarrera-paketeak sortu ditu. Horrela, bada, Kultura Bonuak duen 25 euroko kostuaren truke, beraien buruei edo beste batzuei BOSen sarrerak oparitzea erabakitzen dutenek prezio ofizialean 49,4 eta 52 euroko kostua izango luketen sarrerak lortu ahal izango dituzte. Horrenbestez, Kultura Bonu batekin, A eremuko sarrera bi, B eremuko hiru sarrera eta C eremuko lau sarrera eskuratu ahal izango dira.

Eskainitako sarrera-paketeak:
A eremuko sarrera bi. Prezio ofiziala: 24,7 € x 2 = 49,4 €. 9,4 €-ko aparteko deskontua.
B eremuko hiru sarrera. Prezio ofiziala: 17,2 € x 3= 51,6 €. 11,6 €-ko aparteko deskontua.
C eremuko lau sarrera. Prezio ofiziala: 13 € x 4=52 €. 12 €-ko aparteko deskontua.
Kultura Bonua kutxazainek ematen dituzten sarreren antzeko agiriak dira; berarekin, 40 euro kontsumitu daitezke kultur produktuetan establezimendu bakar batean, 25 euro baino ez badira ordaindu ere. Bonua abenduaren 13tik 2011ko urtarrilaren 5era arte eskuratu daiteke (edo izakinak agortu arte) Kutxaren orotarako kutxazainetan (Gipuzkoa) eta BBKren orotarako kutxazainetan (Bizkaia); Arabaren kasuan, Caja Vital Kutxak interneten duen salmenta elektronikorako zerbitzuaren bitartez eskuratu daiteke.
KULTURA BONUA BOSek eskainitako sarrera-paketeak eskuratzeko edo Euskalduna Jauregiko Txartel-leihatiletan BOSen Denboraldi Sinfonikoko edo Ganbera Denboraldiko kontzertuetara sarrerak eskuratzeko erabili daiteke.

Eraskin bat erantsi da hemen

BOSen 2010-2011ko Kontzertuak Familian

Juanito Arriagaren bidaiak
(Juan Crisóstomo de Arriagaren musika)

Lekua: Euskalduna Jauregiko Antzoki aretoa
Eguna: 2010eko azaroaren 20a
Ordua: 12:30 Prezioa: 4 € (3 €, BOSen abonatuentzat)

Gure konpositore unibertsalaren jaiotzaren bigarren mendeurrena ospatzeko, BOSek bilbotarrari buruzko kontzertu didaktikoa prestatu du. Fernando Palacios musika-pedagogian adituak idatzitakoa da ipuina, lehenago ere Sherezade, Pulcinella edo Animalien inauteria lanetarako testuak ere idatzi dituena. Juanito Arriagaren bidaiak izenburua duen (horrela deitzen zuten senitartekoek) ipuin honek, besteak beste, musikari gazten abenturak kontatzen dizkigu, 16 urte baino ez dituela Parisera ikasketak osatzera doan mutiko baten abenturak, alegia. Abentura handiak, XIX. mendearen hasiera aldera.

Ipuin musikalen helburua gazteenak narrazioari adi egotea eta hitzekin batera musika entzun dezaten lortzea da. Kasu honetan aukeratutako musika txatalak Esklabo zoriontsuak oberturakoak, Obertura op.1-ekoak eta Orkesta handirako Sinfonia Ren lanetakoak dira.

Ipuin honekin disko-liburua kaleratu da, AgrupArte euskal argitaletxearen disko-liburuen bilduman.

BOSek erabaki du obra honexekin hasiera ematea aurtengo Kontzertuak Familian denboraldiari. Aukera paregabea da neska-mutikoek Arriaga izandako beste ume horren musika entzun dezaten.

Familian entzuteko kontzertu hau datorren larunbatean izango da, azaroaren 20an, 12:30etan, Euskalduna Jauregiko Antzoki aretoan. Sarreraren prezioa 4 euro da, eta BOSen abonatuentzat 3 euro. Sarrerak salgai daude dagoeneko (BBK-n, BOSen ganberako kontzertuen sailean).

Zuzendaria Pether Thomas izango da, eta narratzailea Ana Hernández.

Egilea: Juan Crisóstomo de Arriaga bilbotarra duela 200 urte jaio zen, eta Parisen hil zen, 20 urte bete aurretik. Haren obrak argi erakusten digu Parisko Kontserbatorioko irakasle izatera heldu zen gaztearen baitan konpositore handi bat bazela.

Arriagak, bizitza laburrean, edertasunez eta goxotasunez betetako obrak utzi zizkigun. Haien artean, koartetoak dira nabarmenenak, erreferentziako obrak ganbera-musikan.

Hackerrek eraso egin diote BOSen web orriari

Ostegunean, azaroaren 11n, BOSen webgunearen zerbitzariak hacker kurdu batzuen erasoa jasan zuen. Eraso horrek, Orkestraren webguneaz gain, beste webgune askori eragin zien, eta, hain zuzen ere, ekintza hauek egin zituzten:
•                Webgune horietako guztietako artxiboak hondatu zituzten, eta, ondorioz, erabiltzaileak ezin ziren orrialdeetara sartu.
•                Hackerrek log-artxibo guztiak ezabatu zituzten, arrastorik ez uzteko.
Log-artxiboak eta beste artxibo kritiko batzuk ezabatzerakoan, zerbitzariaren sistema eragilea ezin erabiltzeko moduan utzi zuten, eta, beraz, zerbitzuek ez zuten funtzionatzen.
Erasoa gertatu zen unetik, webgunearen arduradun teknikoak lanean aritu izan dira sortutako arazoak konpontzeko, eta atzo, asteazkena, hilaren 17an, BOSen webgunearen zerbitzua berriz jarri zen martxan.
Horrelako eraso gehiago gerta ez dadin, beste zerbitzari bat prestatzen ari gara, webgunearen migrazioa egiteko; izan ere, oraingoa ezin da segurtasun osoz konpondu, eta laster beste zerbitzari horretara eramango ditugu edukiak. Une horretara arte, gure webguneak ezegonkortasun eta moteltasun arazoren bat izan dezake, baina gure bisitariek ez dute inongo segurtasun arazorik izango.
Gure webgunera sartzen diren erabiltzaileei barkamena eskatzen diegu, azken egunotan gure web orria “desagertu” egin delako eta, webgunea zerbitzari berrian instalatu arte, zerbitzuak zenbait gorabehera izan ditzakeelako.
BOSen webguneak 23.598 bisita izan ditu aurten, eta 75.000 orrialde baino gehiago bistaratu dira. Atzo, lineatik kanpora 5 egun igaro ostean, zerbitzua berriz martxan jartzen hasi zenean, bisiten kopurua 120ra heldu zen.

Musika hurbiletik 2010 – HELDUENTZAKO PRESTAKUNTZA ZIKLOA – MUSIKAREN KOLOREAK

Zer nahi dugu?

Musikagileek musikari kolore jakin bat emateko erabiltzen dituzten tresnak ezagutzea: harmonia, melodia, erritmoa, tonalitatea, tinbrea. Horiei esker, musika era bizian, nostalgikoan, sutsuan, poetikoan… hartzen dugu.
Entzunaldi aktiboa ahalbidetzea, musikaz gehiago gozatzeko.
Kontzeptu horien bitartez, estetika musikalari buruzko gaiak aztertzea, Bilboko Arte Eder Museoaren lanen proiekzioetan oinarrituz

Nori dago zuzenduta?

Musika zaletasuna duen eta zaletzeko interesa duen edozeini. Ez da behar prestakuntza berezirik.
Musikaren mundua hobeto ezagutu eta mundu horretaz gehiago gozatu nahi izatea baino ez da behar.

Nola antolatzen sa Zikola?

6 saio, urriaren 27an, azaroaren 3, 10 eta 17an eta abenduaren 1 eta 15an (asteazkenak) Mercedes Albaina adituaren eskutik.
Ordutegia: 19:15etik 20:30era.
Lekua: Bilboko Arte Eder Museoko auditorioa.
Gonbidapena BOSen entsegu orokorretara.

Inskripzioa

Urriaren 13tik (asteazkena) aurrera.
6 saioen prezioa:

40 €: BOSen abonatuak eta Bilboko Arte Eder Museoaren lagunak.
60 €: publikoa orokorrean.

Plaza-kopurua bete arte.

Informazio gehiago eta inskripzioa

En las oficinas de la BOSen bulegoak
T.: 94 403 52 05
Palacio Euskalduna Jauregia
Abandoibarra etorbidea 4
Ordutegia/Horario 9:00 – 14:00 BOSen eta Bilboko Arte Eder Museoaren arteko lankidetza

Zer nahi dugu?

Musikagileek musikari kolore jakin bat emateko erabiltzen dituzten tresnak ezagutzea: harmonia, melodia, erritmoa, tonalitatea, tinbrea. Horiei esker, musika era bizian, nostalgikoan, sutsuan, poetikoan… hartzen dugu.
Entzunaldi aktiboa ahalbidetzea, musikaz gehiago gozatzeko.
Kontzeptu horien bitartez, estetika musikalari buruzko gaiak aztertzea, Bilboko Arte Eder Museoaren lanen proiekzioetan oinarrituz

Nori dago zuzenduta?

Musika zaletasuna duen eta zaletzeko interesa duen edozeini. Ez da behar prestakuntza berezirik.
Musikaren mundua hobeto ezagutu eta mundu horretaz gehiago gozatu nahi izatea baino ez da behar.

Nola antolatzen sa Zikola?

6 saio, urriaren 27an, azaroaren 3, 10 eta 17an eta abenduaren 1 eta 15an (asteazkenak) Mercedes Albaina adituaren eskutik.
Ordutegia: 19:15etik 20:30era.
Lekua: Bilboko Arte Eder Museoko auditorioa.
Gonbidapena BOSen entsegu orokorretara.

Inskripzioa

Urriaren 13tik (asteazkena) aurrera.
6 saioen prezioa:

40 €: BOSen abonatuak eta Bilboko Arte Eder Museoaren lagunak.
60 €: publikoa orokorrean.

Plaza-kopurua bete arte.

Informazio gehiago eta inskripzioa

En las oficinas de la BOSen bulegoak
T.: 94 403 52 05
Palacio Euskalduna Jauregia
Abandoibarra etorbidea 4
Ordutegia/Horario 9:00 – 14:00 BOSen eta Bilboko Arte Eder Museoaren arteko lankidetza

Eraskin bat erantsi da hemen

2010-2011 DENBORALDIA. Abonu berrien eta sarrerak salmenta

ABONU BERRIEN SALMENTA
Denboraldi osorako abonuak:
Ekainaren 21etik aurrera

Hastapeneko abonuak / Abonuak Nahierara / “Emoiztazuz musutxuek” abonua / “BOS on the Rocks” abonua:
Irailaren 13tik aurrera

SARREREN SALMENTA

 Irailaren 13tik aurrera izango dira salgai kontzertuetarako sarrera solteak:

• Euskaldunako txartel-leihatilak
• BBKren telefono bidezko salmenta: 944 310 310
• BBKren orotarako kutxazainak
• Internet bidezko salmenta: www.bbk.es

Eraskin bat erantsi da hemen

Suspendido el Concierto de Paquito d’Rivera del dia 19 de octubre en el Arriaga

Paquito D’Rivera ha aplazado su gira europea. Por lo tanto el concierto que tenía previsto ofrecer junto con la BOS el próximo 19 de octubre en el Teatro Arriaga de Bilbao ha sido suspendido.

Para aquellos que ya hayan adquirido entradas para este concierto, informarles que el importe de las mismas será devuelto en la propia taquilla en el caso de haber sido alquiridas en ésta, mientras que el importe de las adquiridas por otros canales de venta será reembolsado automáticamente en la cuenta bancaria en la que fue cargado.

El horario de las taquillas del Teatro Arriaga es de lunes a domingo de 11:30 h a 14:00 horas por la mañana. Por las tardes, abren lunes, martes, sábados y domingos de 17:00 a 19:00 h, y miércoles, jueves y viernes, de 17:00 h a 20:30 horas.

Bartzelonarako bidaiaren zozketaren emaitzak

Sariaren irabazlea: Natividad Buruaga Larrauri andrea

Manuel López Pardiñas Euskal Herriko Elkargoko notario jaunak egindako zozketan, “Bidaiatu Bartzelonara BOSekin” promozioaren irabazlea eta hiru ordezkoak zehaztu dira.
Emaitzak honakoak izan dira:
•    Sariaren irabazlea: Natividad Buruaga Larrauri andrea (parte-hartzaileen zerrendako 104. zenbakia)
•    Lehenengo ordezkoa: José Ramón Urrutia Aguirre jauna (parte-hartzaileen zerrendako 503. zenbakia)
•    Bigarren ordezkoa: Joseba A. Irusta Goietxe jauna (parte-hartzaileen zerrendako 264. zenbakia)
•    Hirugarren ordezkoa: María del Carmen Larburu Sánchez jauna (parte-hartzaileen zerrendako 284. zenbakia)
BOS irabazlearekin harremanetan jarriko da, eta irabazleak sariari uko egiten badio, ordezkoekin jarriko da harremanetan, hurrenkerari jarraituz, bidaia honetan gurekin etorriko den pertsona aurkitu arte.
Promozioaren baldintza nagusiak gogorarazten dizkizuegu:
Sari bat (1) zozketatuko da. Bartzelonarako bi lagunentzako bidaia bana izango dira, hiru egun eta bi gauekoak. Saria BOSeko abonatuentzat izango da soilik.   
Hauek dira bidaiaren ezaugarriak:
   
•    Joan-etorriko 2 txartel, turista-mailan, Bartzelonarako hegaldi erregularrean, Bilboko aireportutik irtenda.
•    2 gau Bartzelonako NH PODIUM hotelean, ohe eta gosari erregimenean, gela bikoitzean.
•    2 sarrera BOSek Bartzelonako L’Auditorin emango duen kontzerturako (maiatzaren 29an, 19:00etan).    

Hauek dira bidaiaren baldintzak:

1)    Bidaia 2010eko maiatzaren 28tik 30era bitartean egingo da.
2)    Titular irabazleak eta bidaide gisa berak izendatutako pertsonak baino ez dute izango bidaia egiteko aukera.
3)    Sarian sartutako kontzeptuetatik at dagoen eta sariarekin erlazionatuta dagoen beste edozein gastu gehigarri irabazleak berak ordainduko du.
4)    Irabazleak bere identitatea egiaztatu beharko du BOSen aurrean, hala eskatzen badiote.
5)    BOS salbuetsita geratzen da parte-hartzaileek bidaian izan dezaketen edozein ustekaberen gaineko erantzukizunetatik.
6)    BOSek hegaldiaren erreserba edota ostatu mota aldatzeko eskubidea dauka.
7)    Irabazleak, hala nahi izanez gero, sariari uko egin ahal izango dio. Irabazleak sariari uko egiten badio, ez du inongo konpentsaziorik jasoko horren truke.
8)    BOSek erabakiko du sariak ekitaldi publikoan emango diren eta gertakari hori grafikoki jasoko den. Kasu horretan, ekitaldiko irudiak www.bilbaorkestra.com webgunean edo beste komunikabide edo komunikazio-euskarri batzuetan argitaratu ahal izango lirateke (BOS arduratuko litzateke horretaz), eta irabazleak onartu egin beharko luke hori.   
9)    Irabazleari modu nominalean emango zaio saria. Titular irabazleak eta laguntzaile gisa berak izendatutako pertsonak baino ez dute izango sarirako aukera. Sariaren titularrak ezin izango dio saria beste inori laga edo trukatu.
10)    Parte-hartzaile bakoitzak sari bakarra baino ezin izango du irabazi, formularioa behin baino gehiagotan bete badu ere.

Kontzertua Familian “Harien artean”

Zortzi roundeko boxeo borroka baten itxurak eginez, larunbat honetan, BOSek Kontzertua Familian aurkeztuko du. Bertan, era dibertigarri eta didaktikoan errepasatuko dira zortzi egileren lanak, BOSek hari taldeak interpretatuta eta Belén Otxotorenak kontatuta

Ring batek osatutako eszenatokian arituko da BOSen hari taldea, 6 urtetik gorakoentzat gomendatutako Kontzertua Familian honetan. Alegiazko boxeolariak zortzi musikagile handi izango dira; izan ere, beraien lan ederrenetako batzuen zatiak interpretatuko dira:

Antonio Vivaldi: Alla rustica (Presto)
Benjamin Britten: Sinfonia sinplea (Pizzicatto)
Wolfgang Amadeus Mozart: Divertimento in D- KV 136 Allegro (c. 13 – 36)
Johann Sebastian Bach: Brandemburgoko kontzertua, 3. zk., 1. mugimendua
Béla Bartok: Dantza errumaniarrak (II. Brâul, I. Joc Cu Bâta, IV- Buciumeana, V – Poarga Românesca)
Astor Piazzolla: Tangoa
Pablo Sarasate: Zapateado
Edvuard Grieg: Suite Holberg (V Rigaudon, Praeludium)

Musika-borroka honen narratzailea Belén Otxotorena izango da, eta Javier Irigoienek eta Belén Otxotorenak berak idatzitako testua aurkeztuko dute.