Mesias partizipatiboa

”la Caixa”ren Gizarte Ekintzak, urtero Espainiako zenbait hiritan antolatzen dituen kontzertu partizipatiboen bidez, esperientzia gogoangarri bat bizitzeko gonbita luzatzen die abesbatzazaleei kalitate handiko ikuskizun musikal kolektibo batean parte hartzeko. Ekimen honen bidez, abeslari askoren ametsak egia bihurtuko dira, aukera izango baitute gertutik lan egiteko orkestra eta zuzendari profesionalekin eta errepertorio sinfoniko-koraleko obra erreferente bat auditorium handi batean interpretatzeko.

Kontzertu partizipatibo bat kontzertu bat baino gehiago da, bai parte hartzen duten zaleentzat ‒zeinek harmailetatik barruti osoa musikaz betetzen duten koru harrigarri bat osatzen baitute‒, bai ikusleentzat, zeinak, amateurrez inguratuta, sentsazioz betetako esperientzia paregabe eta zirraragarri batean murgiltzen baitira eta polifonia barrutik ezagutzeko aukera izaten baitute. Zaila da esperientzia hori deskribatzea ez bada bizi.

Kontzertu partizipatiboen bidez, agertokiaren eta publikoaren arteko oztopoak desagertu egiten dira. Eta, aldi berean, integraziorako espazio berri bat sortzen da, abeslari amateur asko bilduko dituena ‒adin, ezagutza-maila eta jatorri desberdinetakoak‒, musikari profesionalekin eta bertaratuko diren guztiekin parteka dezaten musikaospakizun kolektibo zirraragarri hau.

Proiektu honen atzean ‒1995ean sortu zen, Bartzelonan, kantuaren praktika soziala sustatzeko‒ lan asko dago, prestaketa-ordu asko eta urtero-urtero hura posible egiten duten konplizitate-bateratze bikain bat. Alde batetik, abeslariek nolabaiteko prestakuntza musikal bat izan behar dute deialdietara aurkezteko, eta aurrez landu behar dituzte programako piezak. Bestetik, proiektuak hiri bakoitzean kalitate bikaineko profesionaltalde ezagun baten laguntza du, eta hura arduratzen da, gogo
handiz, parte-hartzaileak prestatzeaz.

Gaur emango diogu amaiera proiektu luze honi. Ekimen hau sortu zenetik, 51.500 abeslari amateurrek parte hartu dute ”la Caixa”ren Gizarte Ekintzaren kontzertu partizipatiboetan. Dagoeneko, Espainiako geografiako hogeita hamar herritan baino gehiagotan antolatu dira.