Abonu motak
2024-2025 DENBORALDI SINFONIKOA
Denboraldi osorako abonua (17 kontzertu)
Denboraldi osorako abonuak aukera ematen du deskontu handia izateko (txartel solteekin alderatuta), BOSek denboraldian eskaintzen dituen 17 kontzertu sinfonikoez gozatzeko.
Abonu tematikoa: Mitoak (4 kontzertu)
Egitarauak: 5, 6, 11, 16
Mitoak istorio sakratuak dira, kontakizun ohoragarriak, gizarteak munduaren jatorria eta bilakaera azaltzeko baliatzen dituen narrazioak, memoria kolektiboan hurrengo belaunaldiei transmititzen diegun oinordetza kultural gisa geratzen direnak. Grezian, mythos hitzak obra poetiko edo antzezlan baten “argumentua” ere esan nahi zuen. Hala, artista antzinako mitoen esanahia berritzera eta mito berriak sortzera gonbidatzen zuen, beren jatorri erlijiosoetatik aske. Beraz, pertsonaia eta heroiei forma ematen zaie, gizarteak bere sentitzen dituen desirak islatuz. Antton Zubikarai estimatuaren hitzetan, “ez dira iraganaren azalpen soil bat, ezpada kolektiboaren barrualdean dagoen sare antzeko bat baizik, giza ibilbidearen barruan beti presente jarraitzen duena”.
Ekialde urrunetik, adimenak eta irudimenak sultanaren ankerkeria gainditu dezaketela irakasten digu Sherezadek. Europan, Nietzsche-k Zaratustra profeta persiarraren irudia hartzen du, Supergizakiak gobernatuko duen mundu berri bat predikatzeko. Richard Strauss-ek dimentsio sinfoniko zoragarria eman zion diskurtso horri. Ofelia pertsonaiak beste ahots bat hartzen du Hans Abrahamsen konpositorearen Let me tell you obran. Eta, azkenik, Berlioz-ek artista erromantikoaren arketipoa ekartzen du bere Symphonie fantastique ospetsura.
Mitoaren ideiak denboraldi osoko hitzorduak zeharkatuko ditu, hala nola Eraztunen Jaunaren bigarren partea: Bi dorreak lana, askoren ustez Howard Shore konpositorearen trilogiako emanaldirik onena dena, Espainiako Orkestra Nazionalaren bisita Mahler-en 1. sinfonia (Titan) izugarriarekin, eta Guridiren Amaya operaren Plenilunio.
Hori guztia artista zerrenda oparo baten eskutik. Honako hauek izango ditugu zuzendari: Erik Nielsen, Nuno Coelho, Lorenza Borrani, Pablo González, Giancarlo Guerrero eta Masaaki Suzuki. Gainera, ilusioz beteriko estreinaldiak ere izango dira: Kristiina Poska, Elena Schwarz, Joana Carneiro, Jaume Santonja, Luis Toro, Eduardo Strausser, Tatsuya Shimono, Marcus Stenz, eta Wayne Marshal zuzendari-pianista. Bakarlarien artean, bereziki espero ziren batzuk berriz etorriko dira, hala nola Frank Peter Zimmermann, Nobu zoragarria, eta Sergey Khachatryan musikaria, Bomsori, Sergei Dogadin, Julia Hagen, Vadym Kholodenko, Lauren Snouffer eta Juan Manuel Cañizaresen lehenengo bisitarekin batera. Azken horrek Al-Ándalus kontzertua eskainiko du, Paco de Luciaren oroimenez, bere heriotzaren 10. urteurrenagatik.
Auditoriumeko edozein eserlekutan erabil daiteke, A+ zonako eserlekuetan izan ezik.
Hastapeneko abonua (6 kontzertu)
Egitarauak: 3, 7, 11, 12, 14, 16
Era askotako 6 kontzertu biltzen ditu, berehalako gozamena bilatzen dutenak eta musika sinfonikoaren mundurako sarrera gisa balio dutenak.
Auditoriumeko edozein eserlekutan erabil daiteke, A+ zonako eserlekuetan izan ezik.
Abonua nahierara – 6 (6 kontzertu)
Abonu honek malgutasun handiena eskaintzen du, neurrira egindako 6 kontzertu hautatzeko aukera ematen baitu.
Auditoriumeko edozein eserlekutan erabil daiteke, A+ zonako eserlekuetan izan ezik.
Abonua nahierara – 9 (9 kontzertu)
Abonu honek malgutasun handiena eskaintzen du, neurrira egindako 9 kontzertu hautatzeko aukera ematen baitu.
Auditoriumeko edozein eserlekutan erabil daiteke, A+ zonako eserlekuetan izan ezik.
