Baldintza Orokorrak

1. ATARIKO XEDAPENAK

Honako Erosketa Baldintza Orokorrek www.bilbaorkestra.eus webgunearen erabilera arautzen dute, FUNDACIÓN JUAN CRISÓSTOMO DE ARRIAGA – ORQUESTA SINFÓNICA DE BILBAO / JUAN CRISOSTOMO DE ARRIAGA – BILBAO ORKESTRA SINFONIKOA FUNDAZIOA (aurrerantzean, BOS); helbidea: Abandoibarra 4 -48011 (Bizkaia, Espainia); IFK: G95449021; eta Eusko Jaurlaritzaren Fundazioen Erregistroan F-223 zenbakiarekin inskribatuta dagoena. Eskainitako edo kontrataturiko ondasun nahiz zerbitzuen inguruan kexa edo erreklamaziorik edukiz gero, edota informazioa eskuratzeko, +34 94 40 35 205 telefono-zenbakia edota abonados@bilbaorkestra.eus posta elektronikoa erabil daitezke.

Webgune honek eskaintzen duen online zerbitzuaren bidez sarrera eta abonuak erosten dituzten bezeroek berariaz onartzen dituzte honako Erosteko Baldintza Orokorrak, erosketa-agindua ematearekin batera, eta BOSek argitaratutako bertsio eta baldintzetan. Horregatik, erosketaren bat egin orduko, bezeroek honako Baldintza Orokorrak irakurtzea komeni da. Honako Erosteko Baldintza Orokorrak webgune honen bidez egindako salmenta guztiei aplikatuko zaizkie.

Eskabidea egitean, hemezortzi urte baino gehiago dituzula eta kontratu lotesleak burutzeko legezko gaitasuna daukazula bermatzen diguzu.

Honako erosteko baldintza orokorrak noiznahi aldatu ahal izango ditugu, Legezko Oharra – Pribatutasun Politika bezalaxe. Testu horien bien bertsio eguneratua kontsultatu edo inprimatu nahi izanez gero, sakatu “Erosketa Baldintzak” eta “Legezko Oharra – Pribatutasun Politika” esteketan.

1.1. Erabiltzailearen betebeharrak.

Erabiltzailea zaren aldetik, gure webguneak eskaintzen dituen zerbitzuak kontsultatu eta erabiltzeko beharrezkoak diren datu guztiak jakinarazi behar dizkiozu BOSi. Datu horiek erabili ahalko ditugu zurekin kontaktuan jarri behar garenean, edota legezko oharra/datuak babesteko politika atalean zehazturiko helburuetarako, helburu horietarako bat berariaz ezeztatzen duzun kasuetan izan ezik.

Informazio hori guztia ezinbestekoa da guretzat, datu horiek gabe ezingo baitugu zure eskaera bideratu. Daturen bat falta dela-eta edo datu horietan akatsen bat dagoela-eta entrega txarto edota atzerapenarekin egingo balitz, ez dugu horren gaineko inolako erantzukizunik izango.

Erabiltzaileak modu egokian erabili beharko ditu webgune honek eskaintzen dituen zerbitzu guztiak, ordenamendu juridikoaren arabera, betiere; zentzu horretan, ezingo du webgunearen ohiko funtzionamendua oztopatu edota kaltetzen duen jarduerarik gauzatu.

1.2. Segurtasun-neurriak

Eskura ditugun arrazoizko mekanismo guztiak baliatuko ditugu zure datu pertsonalak modu seguruan artatzeko. Horretarako, webgune honetako legezko oharra/pribatutasun politika atalean jasotako edukia aplikatuko dugu, une oro. Hala ere, honakoa onartzen duzu: ezin daiteke bermatu Internet bidez datuak guztiz modu seguruan eskualdatu daitezkeenik, hau da, berariazko baimenik ez duen beste inork eskuratu gabe. Segurtasunean akatsen bat gertatuz gero, beraz, ezingo diguzu horren gaineko erantzukizunik eskatu, akatsa gure arduragabekeriaren ondoriozkoa izan denean izan ezik.

2. ESKAEREI APLIKATZEKO MODUKO BALDINTZAK

Erabiltzaileak honako hizkuntzetan sinatu ahalko du kontratua: Euskara, Gaztelania eta Ingelesa.

2.1. Erosketa Prozedura

Webgune honen bidez eskaintzen diren ikuskizun eta/edo ekitaldien ezaugarri nagusiak kontsultatu nahi izanez gero, ekitaldi bakoitzaren azalpen-fitxan egin daiteke. Nabigatu lasai webgunean, nahi duzun ekitaldi, data, ordu eta eserlekua aurkitu arte. Behin hori eginda, sakatu bertan, erosketari buruzko informazio guztia eskuratzeko: prezioa, zergak, gastuak, sarrera-kopurua… Aukeratu zuk nahi dituzunak, ata gehitu itzazu erosketa-saskira.

2.2. Eskaeraren baieztapena.

Eskaera eginez gero, derrigorrez ordaindu beharko da. Sarrerak aukeratu eta erostea erabaki ondoren (ikusi adibidea hurrengo pantaila-irudian),

Bezeroak eskuratutako sarreren eta horien zenbatekoaren baieztapena lortuko du (ikusi adibidea hurrengo pantaila-irudian

Eta eskaera berretsi ahal izango du, “ORDAINDU” botoia sakatuta (ikusi adibidea hurrengo pantaila-irudian), nahi duen kreditu-txartelaren bidez.

Konfirmazio horretatik aurrera, eskaera irmoa da eta modu automatikoan geratuko da erregistratuta, eta BOSek bidali edota entregatu egingo du, bezeroak aukeratutako moduan.

Egindako eskaeraren erregistro automatikoak frogarako balioa dauka, izaerari, edukiari eta datari dagokienez. Bezeroak eskaera konfirmatzen badu, onartu egingo ditu prezioak, eskainitako produktuen deskribapenak, gastu gehigarriak eta produktuaren salmentari dagozkion gainerako baldintzak, erosketa-prozesuan jasota daudenak.

On-line erako eskaera egiaztatu ondoren, mezu elektronikoa bidaliko da zeuk emandako helbidera. Mezu elektroniko horretan, eskaera konfirmatuko da eta erosketa-prozesua behar bezala amaitu dela egiaztatuko da, eta sarrerak erosi dituzun kontzertuari, sarrera-kopuruari eta erreserbatutako lekuei buruzko informazioa ere bidaliko da, bai eta eskaeraren erreferentzia-zenbakia ere. “Home ticket” modalitatea aukeratuz gero, helbide elektroniko horretan jasoko dituzu sarrerak, etxean bertan inprimatzeko.

Erreferentzia-zenbaki horrek modu bakarrean identifikatzen du webgunearen bitartez egindako erosketa, eta BOSeko langileek modu horretan identifikatu ahal izango du zure erosketa, kontsultaren bat egin behar baldin badiguzu.

Soilik une horretan geratuko da formalizatuta zure eta gure arteko kontratua, eta soilik bidalketa-konfirmazio horretan agertzen diren produktuetarako. Paperezko faktura jasotzeko eskubidea duzu, inolako kostu gehigarririk gabe; horretarako, zure IFZ, izen-abizenak edo egoitza soziala, eta fakturaziorako helbidea jarri beharko dituzu. Modu osagarrian, bezeroak berariaz adierazten du ados dagoela faktura elektronikoa bidaltzearekin; edonola ere, adostasun hori baliogabetu ahal izango du, eta, horretarako, mezu elektroniko bat bidali beharko du hori adieraziz, baldintza hauen aurretiazko xedapenen atalean adierazitako harremanetarako helbidera.

2.3. Prezioa, moneta eta zergak.

Eskaera egiterakoan webgunean zehazten diren prezioak izango dira unean-unean aplikatuko direnak. Produktu bakoitzaren ondoan zehaztuko da dagokion prezioa, eurotan (€), eta zergak barne. Unean-unean legearen arabera indarrean dagoen BEZ aplikatuko da.

Kontrakoa adierazi ezean, prezio horiek ez dute bidalketa-gasturik barne hartzen. Bai sarrerak, bai sarrerekin lotutako bestelako zerbitzuak Erabiltzaileari posta arrunt bidez bidaltzeagatiko gastuak gastu gehigarriak izango dira, eta erosketa-prozeduran bertan zehaztuko da horien zenbatekoa.

Indarreko legeriarekin bat etorriz, gure webgunean egindako erosketa guztiei balio erantsiaren gaineko zerga aplikatuko zaie.

Behin erosketa-agindua beteta, eta eskaera ordaindu aurretik, azken laburpena aurkeztuko da, eta bertan identifikatuko d(ir)a eskuratutako produktua(k) eta bere(n) guztirako prezioa (zergak eta gastuak barne).

BOSek nahi beste aldaketa egiteko eskubidea dauka, noiznahi, eta inolako aurre abisurik gabe. Zentzu horretan, nahi izanez gero, egunero eguneratu ditzake produktu eta prezioak, sor litezkeen berrikuntzen arabera.

2.4. Zehaztapen eta baldintza orokorrak:

Hauek dira FUNDACIÓN JUAN CRISÓSTOMO DE ARRIAGA – ORQUESTA SINFÓNICA DE BILBAO / JUAN CRISOSTOMO DE ARRIAGA – BILBAO ORKESTRA SINFONIKOA FUNDAZIOAk (aurrerantzean, BOS) antolaturiko ikuskizun eta ekitaldiei unean-unean aplikatuko zaizkien indarreko zehaztapen eta baldintza orokorrak:

  • – Webgune honetan azaltzen diren data, egitarau eta prezio guztiak zuzenak dira, akats tipografiko nahiz materialen bat dagoenean salbu.
  • Egitarau-aldaketak: arrazoi desberdinek (iragarritako artisten gaixoaldia, arazo teknikoak, ezinbestekoak, edota bestelako gertaerak) hala eskatuko balute, BOSek dagokion erabakia hartu ahalko du: kontzertuak atzeratzea, edota data, ordutegi, egitarau zein interpretatzaileak aldatzea.
  • Eserleku-aldaketa: antolaketa arrazoiak, arrazoi teknikoak edota produkziokoak direla-eta, eta behar bezala justifikatuta dagoenean, BOSek ikusleren bat lekuz aldatzeko eskubidea izango du. Kasu horretan, antzeko beste eserleku bat edota hobea eskainiko zaio ikusle horri.
  • Ez ordaintzea: abonamendua osorik edo zati batean ez ordaintzeak, abonatu izaera galtzea dakar.
  • Gazteentzako eskaintzak: gazteei eskainitako eserlekuak adin hori gainditzen dutenek eskuratuz gero, BOSek Aretora sartzea galaraziko die. Abonamenduen kasuan, abonamendu horiek automatikoki ezeztatuko dira.
  • Egiaztatzea: Aretora sartu aurretik, abonatu-txartela edota dagokion sarrera aurkeztu beharko da, nahitaez.
  • Adin txikikoak: 5 urtetik beherakoek debekatuta dute sarrera, haurrentzako ikuskizunetan izan ezik.
  • Puntualtasuna: izan zaitez abegitsua beste ikusleekiko eta artistekiko, eta iritsi ordurako, mesedez. Behin ekitaldia hasita, ezin da Aretora sartu, atsedenaldietan izan ezik.
  • Grabazioak eta argazkiak: Euskalduna Jauregi barruan debekatuta dago argazkiak ateratzea, edo filmaketa nahiz grabaketak egitea.
  • Telefono mugikorrak: Aretora sartu aurretik, itzali telefono mugikorrak eta alarmak.
  • Kerik gabeko gunea: Euskalduna Jauregi barruan ezin daiteke erre.
  • Sarrera ukatzea: BOSek erreserbatuta dauka sarrera ukatzea.
  • Laguntza-txakurrak: Laguntza-txakur batekin ibiltzen diren ahalmen-urriko pertsona guztiak, aretoan txakurrarekin sartzeko eta egoteko eskubidea dute. Hauek dira sartzeko baimena duten animalia bakarrak.

2.5. Zehaztapen eta baldintza bezeziak:

Denboraldi sinfonikorako eta ganbera denboraldirako sarrera nahiz abonamenduen zehaztapen eta baldintza zehatzak kontsultatu nahi izanez gero, joan zaitez webgune honetako “Sarrerak” , “Abonuak eta “sarrerak” atalera.

2.6. Ordainbidea eta segurtasuna

Ordainketa guztiak kreditu edota zordunketa bidezko banku-txartelekin egingo dira. Ordainketa-datuei buruzko orrian zehazten dira zer txartel erabil daitezkeen: Visa eta MasterCard.

Egin berri den erosketa baieztatzeko unean, erosleak zenbait datu eman beharko ditu: txartelaren zenbakia, txartel mota (onartutakoen artean), amaiera-data, eta txartelaren atzealdean dagoen hiru zifrako kriptograma.

Ordainketa denbora errealean egingo da, Redsys ordainketa-pasabide horren bidez. Ordainketa ezin izango balitz (arrazoi desberdinengatik), eskaera ezeztatu egingo da, automatikoki.

Kreditu-txartelak jaulkitzen dituzten erakundeek, bestalde, dagozkion egiaztatze eta baimenak gauzatzen dituzte. Hori horrela, erakunderen batek ordainketa baimenduko ez balu, eta entregatzeko orduan eragozpenik egonez gero, ez dugu horren gaineko erantzukizunik, eta, beraz, ezingo dugu zurekin inolako Kontraturik gauzatu.

Oharra: kreditu-txartelen bidez iruzur egitea delitua da. BOSek dagozkion legezko ekintzak abiaraziko ditu gure online denda baliatuz iruzurrezko transakzioak gauzatzen dituztenen kontra.

2.7. Sarrera eta abonamenduak bidali/jasotzea.

Sarrerak: Erabiltzaileak hemen jaso ditzake sarrerak:

  • Aurrez aurre Euskalduna Jauregiko lehiatilan kontzertuko egunera arte.
    Kasu honetan, erabiltzaileak erosketa baieztatzeko emailean bidalitako informazioa aurkeztu beharko du erabilitako kreditu-txartelarekin batera.
    Leihatila ordutegia hemen: (https://www.euskalduna.eus/es/pag/faq#horario)
    Ilarak eta itxaronaldiak saihesteko, leihatilara denboraz hurbiltzea aholkatzen dizugu.
  • Baliabide informatikoen bidez; hauek dira dauden aukerak:
    • Etxean inprimatzea (Home ticket): Sistema honetan, zuk inprimatuko dituzu sarrerak etxean. Sarrerak eskari inprimakia betetzean jakinaraziko diguzun helbide elektronikora bidaliko dizkizugu. Home ticketa zure gailu mugikorrean deskargatu ahalko duzu (Smartphone edo Tableta), eta sarreran gailuaren pantailan agertuko den QR kodea erakutsiz sartu.
    • PassBook: Gailu mugikorretan bakarrik erabiltzeko balio duen modalitatea. Modu honetan, sarrerak zuzenean zure gailu mugikorrean deskargatu ahalko dituzu (eskuragarri baldin badago). Garrantzitsua: sarrerak jasotzeko modu hau Passbook irakurketa app-a duten Smartphone eta tabletentzako bakarrik da, eta ez du PCetarako balio.

Abonamenduak:

  • Helbideraturiko abonamenduak posta bidez bidaliko zaizkio abonatuari, azken horrek emandako helbidera (beste zerbait adierazi ezean), eta inolako bidalketa gasturik gabe. Kasu honetan, BOSek ez du bere gain inolako erantzukizunik hartuko, baldin eta erabiltzaileak datu oker nahiz faltsuak eman izanagatik abonamenduak iristen ez direnean, edota hartzailea etxean ez zegoela-eta entregatu ezin izan direnean. Kasu horretan, erabiltzaileak berak jaso ahalko ditu abonamenduak BOSen bulegoetan.
  • Helbideratu gabe dauden abonamenduak jasotzeko, BOSen bulegoetara joan beharko da zuzenean, ordutegi barruan.

Abonamenduak emateko epea aldakorra da, bestelako gorabeherek baldintzatzen dutelako: eserleku-aldaketak izapidetzea; alta, baja eta berriztatzeak izapidetzea; edota denboraldiko kartela behin betiko bukatuta edota leloa aukeratuta egotea (abonamendu-txarteletan agertzen baita). Edozein kasutan, abonatuek denboraldiko lehendabiziko kontzertua baino hogei egun lehenago jasoko dute abonamendu-txartela. BOSek epe hori bete ezean, erabiltzaileak abonamendu-txartela erreklamatu, eta emate-data berria adostu beharko du. Behin epe gehigarri hori agortuta BOSek abonamendua eman gabe jarraituko balu, kontsumitzaileak kontratua suntsitzeko eskubidea izango du.

Abonamendua jaso ostean, abonamendu hori erabiltzailearen jabetzapekoa izango da, eta, beraz, azken hori izango da abonamendua narriatu, galdu eta abarren ondoriozko erantzule bakarra.

2.8. Uko egitearen eta itzulketen inguruko politika.

Saltzen diren produktuen ezaugarriak ikusirik (data edota betearazteko epealdi zehatza duten sarrerak eta abonamenduak), erabat aplikatu daiteke Kontsumitzaile eta Erabiltzaileen Babeserako Lege Orokorraren 103.l) artikuluan xedatzen dena. Horren arabera, ez legoke uko egiteko eskubiderik, eta, beraz, behin erosketa onartu ostean, sarrera edo abonamendu horiek ezingo dira aldatu, eta horien zenbatekoa ezingo da berreskuratu, ikuskizuna bertan behera geratzen denean izan ezik (hori da erositako sarrera nahiz abonamenduen zenbatekoa berreskuratzeko modu bakarra).