Beste denboraldi batez, BOSen formakuntza programa aitzindaria itzuli da, musikari amateurrentzako ganbera musikaren hastapen, praktika eta hobekuntzari buruzkoa. Bilbao Orkestra Sinfonikoaren helburua, BOSlarisen bitartez, eszenatokiaren eta publikoaren arteko bereizketa haustea da, eszena profesionala ez den gizarteko beste esparru batzuetan musikaren praktika sustatuz, BOSeko irakasleen eta zaletuen arteko loturak ezarriz. Informazio gehiago eta izen-emateak
Salvador Cors, tronpen ataleko kidea, erretiroa hartu du 42 urtez BOSen parte izan ondoren. Zorterik onena opa diogu hasi berri duen etapa honetan, eta bihotz-bihotzez eskertzen diogu zortzi bosturteko pasatxo hauetan egindako lana, izan ere, eskaintzeko zuen onena eman baitigu Orkestra hazten laguntzeko.
Ura Bere Bidean bueltan da, euskal errepertorioa formatu sinfonikoan berrinterpretatzeko asmoz hainbat belaunalditako musikariak elkartzen dituen proiektu berritzailea. Fair Saturday fundazioaren gidaritzapean eta Fernando Velázquez konpositore sarituaren orkestra-moldaketekin, tradizioaren eta modernitatearen arteko topagunea izango da. Euskarazko musika-ondarea biziberritzea du helburu proiektuak, eta aurten zuzeneko bi kontzertu eskainiko ditu urriaren 25ean eta 26an BEC!-en, honako artista … Jarraitu irakurtzen “Ura Bere Bidean 2024: Belaunaldien arteko musika topaketa”
2024-2025 denboraldi berriaren hasiera ospatzeko, BOSen musikari berria aurkezten dizuegu, Carlos Roda, trompeta bakarlaria. Energia berria ekarriko dio gure orkestrari. Arrakasta handia opa diogu BOSekin hasiko duen etapa berri honetan.
Aurtengo denboraldian ere, BOSek hitzaldi-sorta bat eskainiko du kontzertuen aurretik. Horri esker, bertaratuek ikuspegi osoago bat izango dute interpretatuko diren obren inguruan, eta, beraz, kontzertuko esperientzia guztiz aberasgarriagoa izango da. Hona hemen 2024-2025 denboraldirako aukeratutako programak: Programa Data Ordua Tokia 3. programa 18/10/2024 18:00 Euskalduna 5H aretoa, terraza 7. programa 19/12/2024 18:00 Euskalduna 5H aretoa, … Jarraitu irakurtzen “KONTZERTUEN AURREKO HITZALDIAK 2024-2025”
Irailaren 16tik aurrera salgai jarriko dira 2024-2025 denboraldiko kontzertu sinfonikoetarako eta ganbera-kontzertuetarako sarrerak. Eman begiratu bat sarrerak erosteko aukera eta deskontuei gure webgunean. Egun horretatik aurrera, halaber, CrediBOS txartela erosteko aukera egongo da, zeinak aukera ematen baitu, deskontu interesgarri bat baliatuta, sei sarrera erosteko, zuk nahi duzun moduan eta unean erabil ditzazun. Informazio gehiago hemen: … Jarraitu irakurtzen “Irailaren 16an salgai jarriko dira BOSen 2024-2025 denboraldirako sarrera solteak (eta CrediBOS txartelak)”
