Egilea: trek

Bilboko itxiera perimetrala. 2021-04-13

Indarrean dagoen araudiak aurrikusitako osasun parametroak gainditu direnez, Bilboko udalerrian pertsonak sartzea eta ateratzea  murriztu egin da 2021-04-13tik aurrera.  Ondorioz, aipatutako murrizketak irauten duten bitartean, bizilekua Bilbotik kanpo finkatuta duten pertsonek ezin izango dira Orkestrak programatutako kontzertuetara etorri.

Murrizketa-aldian, abonatuei eragindako kontzertuei dagokien abonamenduaren zatia ez diegu kobratuko, eta beraien sarrerak baliogabetuko ditugu. Libre geratutako sarrerak salgai jarriko dira.

Egoera aldakorra denez, nahitaezkoa da  aldiro gure webgunea kontsulta ezazuen, azken berriei buruzko informazioa bertan emango baitugu.

ETB2k gure 11. egitaraua emango du larunbat honetan

Larunbat honetan, apirilaren 17an, 11: 00etan. ETB2k martxoaren 18an eman genuen kontzertua eskainiko du, gure denboraldiaren 11. Egitarauari dagokiona.

Ondoren, bideoa partekatuko dugu Youtubeko gure kanalean.

Egitaraua

F. Mendelssohn, Kontzertua biolin eta orkestrarako mi minorrean Op. 64.
F. Poulenc, Sinfonietta.

Soyoung Yoon, biolina.
Johannes Debus, Zuzendaria.

Apirilaren 19an eskainiko da azaroan bertan behera geratu zen lehenengo Ganbera-kontzertua

Bere garaian iragarri genuen bezala, Ganbera Denboraldiko azaroaren 9ko kontzertua bertan behera geratu zen, bertan parte hartu behar zuen musikarietako bat berrogeialdian zegoelako.

Horiek horrela, apirilaren 19an berreskuratuko dugu bertan behera geratu zen kontzertua, aurreikusitako parte hartzaile eta programa berberekin

Carlos Miguel Prieto zuzendariak JoAnn Falletta zuzendaria ordezkatuko du

Carlos Miguel Prieto maisua Bilbao Orkestra Sinfonikoko burua izango da gure denboraldi sinfonikoaren 13. programan (apirilaren 22a eta 23a). JoAnn Falletta zuzendaria ordezkatuko du, pandemiaren gaur egungo egoeraren ondorioz nazioarteko joan-etorriak egiteko ezarritako mugak direla-eta ezingo baitu programan parte hartu.

Egitaraua

J.Brahms:
Bariazioak Haydnen gai baten gainean
F. Liszt:
1. kontzertua piano eta orkestrarako
A.Ginastera:
Bariazio kontzertanteak op. 23

Daumants Liepins, pianoa
Carlos Miguel Prieto, zuzendaria

Informazio gehiago

Azken orduko sarrerak gure denboraldi sinfonikoaren 11. eta 12. abonuetarako

Denboraldi sinfonikoan azken orduko sarrerak saltzeko sustapena luzatu dugu.

Azken orduko sarrerak deskontu handia dute,  jatorrizko prezioaren % 50 ingurukoa.

Orain, hauek dira sustapenean sartzen diren denboraldi sinfonikoko egitarauak:

  • Abonua (martxoak 18 eta 19)
  • Abonua (martxoak 25 eta 26)

Aipatu egitarauetan, saio bakoitzeko, gehienez 100 azken orduko sarrera jarriko ditugu salgai.

Sarrerak saio bakoitza hasi baino 24 ordu lehenagotik  erosi litezke.

Saio bakoitzeko pertsona bakoitzak gehienez 2 sarrera eros ditzake.

Azken orduko sarrerak txarteldegian erosi daitezke eta, online erosteko, gure webgunera jo beharko da.

Webgunean deskontuarekin erosteko , ondorengo sustapen-kodeak erabili behar dira:

11 Abonua

  • Osteguna 12:00etan: BOSORK1101
  • Osteguna 19:30etan: BOSORK1102
  • Ostirala 17:00etan: BOSORK1103
  • Ostirala 19:30etan: BOSORK1104

12 Abonua

  • Osteguna 12:00etan: BOSORK1201
  • Osteguna 19:30etan: BOSORK1202
  • Ostirala 17:00etan: BOSORK1203
  • Ostirala 19:30etan: BOSORK1204

Egungo egoera sanitarioa ikusirik , eta erosketa-prozesua arintzeko , online erostea eta kreditu/zordunketa txartel bitartez ordaintzea gomendatzen dizuegu.

Etorkizuneko sustapenei buruzko informazioa gure webgunearen bitartez emango dugu.

ETB2k gure 10. egitaraua emango du larunbat honetan.

Larunbat honetan, martxoaren 13an, 11: 00etan. ETB2k otsailaren 18an eman genuen kontzertua eskainiko du, gure denboraldiaren 10. Egitarauari dagokiona.

Ondoren, bideoa partekatuko dugu Youtubeko gure kanalean

Egitaraua

B. Bartók: 3. kontzertua piano eta orkestrarako
P.I Tchaikovksy: 4. sinfonia fa minorrean, op. 36

Denis Kozhukhin, pianoa
Erik Nielsen, zuzendaria

Soyoung Yoon biolin-jotzaileak Fumiaki Miura ordezkatuko du

Soyoung Yoon biolin-jotzaileak bakarlari lanak egingo ditu gure denboraldi sinfonikoaren 11. egitarauan (martxoaren 18an eta 19an). Fumiaki Miura ordezkatuko du, pandemiaren egungo egoeraren ondorioz nazioarteko joan-etorriak egiteko ezarritako mugak direla-eta ezingo baitu programan parte hartu.

Bi “opari” gure publikoarentzat, gure 99 urteengatik

BOSek 99 urte bete ditu txerto onenaz gozatzen: publikoaren txalo zaparrada. Eta “dama agurgarri” honek bi opari jaso nahi ditu. Musikaren historiako bi “nueves” ospetsuei dagozkien bi une musikal.

Ludwig van Beethovenen 9. mugimenduaren azken mugimendua, 2019ko abenduaren 19ko zuzeneko bertsioan, Mirjam Mesak, Sofia Pavone, Richard Cox, Milan Siljanov eta Bilboko Koral Elkartearen ahotsekin, Erik Nielsenen gidaritzapean.

Eta Antonín Dvořáken 9. sinfonia, Jordi Francesen zuzendaritzapean, Fair Saturdayren lagunen FS Next plataforman eskuragarri dagoen 360º-ko teknologia ikusgarrian.

Ludwig van Beethovenen 9. mugimenduaren azken mugimendua

Antonín Dvořáken 9. sinfonia

Udal-konfinamendua bukatu da

Lehendakariaren martxoaren 6ko 13/2021 Dekretuak udal-konfinamendua indargabetu du.

Horrela , martxoaren 9tik aurrera, Euskal Autonomia Erkidegoan bizilekua duten pertsonak BOSeko kontzertuetara etor daitezke iada.

Egoera aldakorra denez, nahitaezkoa da aldiro gure webgunea kontsulta ezazuen, (www.bilbaorkestra.eus) azken berriei buruzko informazioa bertan emango baitugu.

Gaur 99 urte bete ditugu

1922ko martxoaren 8an, Bilbao Orkestra Sinfonikoak (BOS) bere lehenengo kontzertua eskaini zuen Arriaga Antzokian, lehenengo zuzendari titularra izandako Mr. Armand Marsicken zuzendaritzapean. Hain zuzen ere, Marsick jauna Bilboko Kontserbatorio sortu berria zuzentzera etorri zen Bilbora.

XIX. mende amaieraren eta XX. mende hasieraren artean, bilbotar haiek gaur egun Bilbon eta Bizkaian dugun egitura kulturalaren/musikalaren oinarriak sortu zituzten, eta, orain, gure lehen mendeurrenera hurbiltzen ari garen honetan, eutsi egiten diogu eurek markatutako bidean jarraitzeko konpromisoari. Zehazki, Sociedad Filarmónica de Bilbao
, Bilboko Koral Elkartea, Juan Crisóstomo de Arriaga Musika Kontserbatorioa, edo Bilbao Orkestra Sinfonikoa bera dira garai hartan sortutako kultur erakundeetako batzuk.

Garena gara, eta eurei esker existitzen gara, bai eta, bide luze honetan eta oso egoera konplikatuetan, BOSek aurrera segi dezan lortu duten guztiei esker ere. Bide hori egitea ezinezkoa izango litzateke, gure patronoen babesik gabe: Bizkaiko Foru Aldundia eta Bilboko Udala, hain zuzen ere.

Bultzatzaileei, ikusleei, musikariei, langileei, erakundeei eta Bilbao Orkestra Sinfonikoa den errealitate hau posible egin duten guztiei Eskerrik asko!!!