Behin betiko zerrenda
Egilea: trek
ONDARE ARETOAK BOS-EN 90. URTEURRENAREN OSPAKIZUNEKO ERAKUSKETA JASOTZEN DU
“Bilbao Orkestra Sinfonikoa 1922-2012” erakusketa aurkezteko da datorren asteartean, otsailak 12, Bizkaiko Foru Aldundiaren Ondare Aretoan.
Ondare Aretoan
Maria Díaz de Haro,11
48013 Bilbo
Ordutegia:
Astelehenetik ostiralera: 10:00etatik-13:00etara; 17:00etatik-21:00etara
Larunbatak: 10:00etatik-14:00etara
Igande eta jaiegunetan: Itxita
Eraskin bat erantsi da hemen
Konzertino 2. hautatzeko deialdi publikoa. Behin-behineko onartuen eta baztertuen zerrenda
Behin-behineko onartuen eta baztertuen zerrenda
BOSen sarreren salmenta sisteman izango diren aldaketei buruzko informazioa
Urtarrilaren 1etik aurrera, BBK-k aldatu egingo du orotarako kutxazain, Internet eta telefono bidez sarrerak saltzeko sistema.
Egun horretatik aurrera, Kutxabanken sistema horien bidez sarrerak erosi nahi dituzten pertsonek honakoa hartu beharko dute kontuan:
1. Kutxabanken orotarako kutxazainetan eta webgunean sarrerak eskuratu ahal izango dira, eta komisio hauek kobratuko dira:
a. Erosketa Kutxabanken txartelekin egiten bada: 0,60 euroko komisioa, erositako sarrera bakoitzeko.
b. Erosketa beste finantza-erakunde batzuen txartelekin egiten bada: 0,90 euroko komisioa, erositako sarrera bakoitzeko.
2. Telefono bidezko erosketa. Kutxabanken sarrerak telefonoz saltzeko sistema desagertu egingo da urtarrilaren 1etik aurrera.
BOS Kutxabankek eskaintzen zuen zerbitzua ordezkatuko duen telefono bidezko salmenta zerbitzua abian jartzeko negoziazio-prozesuan ari da.
Sarrerak BOSen webgunetik erostea. Inplementatuko den sistema berriari esker, sarrerak zuzenean eros daitezke BOSen webgunetik. BOSen webgunetik erositako sarrera bakoitzak 0,90 euroko komisioa izango du, erabilitako kreditu-txartela igorri duen erakundea gorabehera. Sistema hau ez dago erabilgarri une honetan, nahiz eta luze barik abian jartzea espero dugun.
Aipatutako sistemen bitartez sarrerak saltzeko komisio guztiak ez daude BOSen menpe, eta, beraz, ez diote diru-sarrerarik ekarriko.
Azkenik, gure bezeroei gogorarazi nahi diegu txartel-leihatiletako salmenta orain arteko baldintza berberetan mantenduko dela: Euskalduna Jauregiko txartel-leihatiletan, astelehenetik larunbatera, 17:00etatik 20:00etara, eta kontzertu egunetan, baita 12:00etatik 14:00etara ere.
Zorionak eta Urte Berri On
BOSek 2013 bikaina opa dizu
Video
BOSek KULTURA BONUA kanpainarekin bat egin du berriro
Beste urte batez, Bilbao Orkestra Sinfonikoak (BOS) bat egin du Eusko Jaurlaritzak sustatutako KULTURA BONUA kanpainarekin.
Gogorarazi nahi dugu, ekimen honen bitartez, KULTURA BONUA eskuratu daitekeela (ikusi baldintzak) 25 euroren truke; horri esker, 40 euroko gastua egin daiteke. Bonuarekin, BOSen kontzertuetarako sarrerak erosi ahal izango dira. Bonua 2012ko abenduaren 10etik 2013ko urtarrilaren 5era bitartean egongo da salgai (edo izakinak agortu arte), Kutxabanken orotarako kutxazainen bitartez.
BOSek kultura sustatzeko programa honetan kolaboratu nahi du, eskaintza berezia sortuz: KULTURA BONU batekin (40 euroko balioa du), 43,8 €-an baloratutako (14,6 €, sarrera indibidual bakoitza) C eremurako hiru sarrera erosi ahal izango dira. Horrela, bada, 3,8 €-ko aparteko deskontua egingo dugu.
KULTURA BONUA erabiliz beraien buruei nahiz gainerakoei BOSen sarrerak oparitzea erabakitzen dutenek abenduaren 10etik 2013ko urtarrilaren 18ra bitartean eskuratu ahal izango dituzte sarrerak Euskalduna Jauregian.
BOS-EK ATHLETICEN HIMNOA JOKO DU SAN MAMES FUTBOL ZELAIAN, BERE 90. URTEURRENA OSPATZEKO
Azaroaren 25ean arratsaldeko 17:00etan, Athletic Club eta Deportivo de la Coruña taldeek jokatuko duten partiduaren hasieran, hain zuzen, Bilbao Orkestra Sinfonikoak, Bizkaiko 60 abeslari lagun, Athleticen himnoa joko du. Horrez gainera, kontzertu laburra emango du atsedenaldian; besteak beste, «Ospe martxa eta 1. zirkunstantzia» joko du. Ekitaldi hori BOSen 90. urteurrena (1922-2012) ospatzeko programaren barruan dago.
Eraskin bat erantsi da hemen
Haurtxoentzako kontzertuak
Azken bi denboraldietan lortutako arrakastaren ondoren, MUSICALMENTE konpainia portugaldarra, Paulo Lameirok zuzenduta, berriro itzuliko da gure Kontzertuak Familian ekimenera, Haurtxoentzako Kontzertuak txalotuekin.
Haurtxoen, beraien familien eta artisten arteko konplizitate-esperientzia ahaztezina. Bertan, soinuek eta isiltasunek den-denak harrituko dituzte.
Kontzertuak 0 eta 3 urte bitarteko haurtxoei daude zuzenduta; senideak lagunduta etor daitezke, baina, gehienez ere, 3 pertsona haurtxo bakoitzeko.
SARREREN SALMENTA
Euskaldunako leihatila: 17:00etatik 20:00etara
Prezioa: 7€ orokorra – 6€ (BOSen abonatuak)
Eraskin bat erantsi da hemen
BOSEK LAU KONTZERTU DIDAKTIKO ESKAINIKO DITU BIZKAIAN
Orkestra Lurralde Historiko osora hurbilarazteko filosofiari eutsiz, BOSek, urriaren amaiera aldera, bira bat egingo du Bizkaiko lau udalerritatik, "Moldava – Musikak ibai handi baten ibilbidetik eramango gaitu" kontzertu didaktikoa interpretatuz
Bilbao Orkestra Sinfonikoak, 2012-2013 denboraldiaren hasieran, jarduera berria abiaraziko du, gazteenei zuzenduriko egitarauaren barruan: Kontzertu Didaktikoak Bizkaitik
Gure Orkestraren helburu nagusienetako bat da bere jarduera Bizkaiko bazter guztietara hurbilaraztea. Horretarako, gure Bilboko egoitzan egin ohi ditugun jarduerak Lurralde osotik egiten ditugunekin uztartzen ditugu. 2006az geroztik, Orkestra Bizkai osoan ikusi eta entzun ahal izan da, Ganbera Bizkaitik izeneko programari esker. Izan ere, horren bitartez, eta gure Lurraldeko udalerriekin lankidetzan, formatu txikiko errezitaldiak eskaintzen ditugu, gure orkestrako musikariek interpretatuta. Era berean, ohikoa da urtean zehar BOS orkestra sinfonikoaren formatuan aritzea Bizkaiko zenbait udalerritan. Orain abiarazten dugun jarduera didaktiko honen bitartez, gure Orkestraren kontzertuen eskaintza handitzen dugu, jarduera didaktikoa sartuz.
Urriaren 24, 29, 30 eta 31n Bizkaitik egingo ditugun kontzertuak urrats bat gehiago dira, BOS herritar guztiengana hurbilarazteko konpromisoaren barruan. Urrats hori, gainera, gure jarduera gogokoenetako batean emango dugu, hain zuzen ere, gazteenei zuzenduriko jarduera batean.
4 kontzertu hauetan, lehen hezkuntzako ikasle diren Bizkaiko 2.000 gazte BOSen kontzertu batera joan ahal izango dira. Kontzertu horretan, programa didaktikoa interpretatuko dugu, hain zuzen ere, egin ditugun guztietatik arrakastarik eta harrerarik onena izan duena.
Osagarri gisa, jarduera honetan parte hartuko duten ikastetxeei aldez aurretik bidali zaien gida didaktikoa prestatu da, BOSen kontzertu hauetara etorriko diren ikasleekin aldez aurretiko prestakuntza ahalbidetzeko
Eraskin bat erantsi da hemen
BOSEN 2012-2013KO DENBORALDIAREN IREKIERA KONTZERTUA
BOSek, aste honetan, 2012-2013ko denboraldi sinfonikoa abiaraziko du. Aurtengo denboraldiari "bikaina" adjektiboa jarri nahi izan diogu. Bikaina, gure 90. urteurrena ospatzen jarraitzen dugulako, eta bikaina, denboraldi bakana eta apartekoa eskaini nahi diogulako gure publikoari.
Eraskin bat erantsi da hemen