Egilea: trek

ESKERRIK ASKO, HIRU MUSIKARI MAITERI

Kontzertu hauek abonamenduko azken kontzertuak dira, eta, bertan, gure orkestrako hiru biolin-jotzaile historikok parte hartuko dute. Emakumezko bi irakaslek eta gizonezko irakasle batek erretiratzeko adina izango dute denboraldiaren amaieran, eta, beraz, erabil bitez lerrook gure agur beroa emateko.

ESKERRIK ASKO, HIRU MUSIKARI MAITERI
Kontzertu hauek abonamenduko azken kontzertuak dira, eta, bertan, gure orkestrako hiru biolin-jotzaile historikok parte hartuko dute. Emakumezko bi irakaslek eta gizonezko irakasle batek erretiratzeko adina izango dute denboraldiaren amaieran, eta, beraz, erabil bitez lerrook gure agur beroa emateko.
MARÍA MADRU
1982. urtean orkestrarekin lehen harremana izan ondoren, jaioterrira (Errumania) itzuli behar izan zuen, arazo pertsonalak zirela-eta. 1987. urtean hasi zen berriro BOSen behin betiko, zailtasunez beteriko egoera batean. Concertinoa jotzen orkestraren buru izan da ia azken 20 urteotan, eta hurrengo hitzak utzi dizkigu, agur gisa:
“Nire ibilbide profesionalaren amaierara heldu naiz, nire familiaren maitasunik, laguntzarik eta ulermenik gabe urratu ezin nezakeen ibilbidearen amaierara. Pedro Goiricelayari, Anton Amanni, Juan María Betanzosi eta Alicia Gonzálezi nire esker ona eman nahi diet, posible egin baitzuten ni Bilbao Orkestra Sinfonikora itzultzea. Halaber, une latzetan lagundu zidaten eta lagundu didaten aspaldiko eta gaurko lankideei ere eskerrak eman nahi dizkiet, baita Bilboko ikus-entzuleei ere, izan ere, beraien berotasuna beti izan dut lagun eta beti animatu naute.
Eskerrik asko, eta ez adiorik."
ANA ROSA ILLORO
Orkestraren historia bizia. Biolin-jotzaile gisa zuen eserlekutik, BOSen bizitzako 42 urte iragaten ikusi du. Berrogeita hamargarren urteurrenean egon zen, eta, orain urtebete, gure 90. urteurrena ospatu zuen.
Irakasle moduan izan duen bizitza luze-luzean, bost zuzendari titular ezberdinekin aritu izan da: Pedro Pírfano, Urbano Ruiz Laorden, Theo Alcántara, Juanjo Mena eta Günter Neuholdekin, alegia, eta ezin konta ahala aldiz jo du errepertorio handia: adibidea baino ez bada ere, 36 aldiz jo du Dvoráken “mundu berriaren" sinfonia. Ana Rosa da Orkestra 1982. urtean beste herrialde batzuetako musikariei ireki baino lehenagoko etapako azken irakaslea.
RICARDO TALLEDO
Perutarra jaiotzez eta bilbotartzat hartua, bere lagun askorentzat Richi izenaz ezagutzen dena irudi nahastezina izan da azken 30 urteotan lehen biolin-jotzaileen sekzioan, bere adats luzea motots elegante batean jasoa beti. Biolinaz erabat maitemindurik, musikarekiko eta bizitzarekiko gogo bizia bere inguruan zeudenei kutsatzen jakin izan du, baita zuzendari eta bakarlari gonbidatuei ere, beti ematen baitizkiote goraintziak.
Gure eskerrik zintzoena hiruroi, arte eta profesionaltasun urte hauengatik guztiengatik.
 

ELISABETH LEONSKAJAK BERTAN BEHERA UTZI BEHAR IZAN DU EMANALDIA. NIKOLAI DEMIDENKOK ORDEZKATUKO DU.

Piano-jotzaile errusiar ospetsua Elisabeth Leonskajaren ordezkoa izango da programa honetan. Programan ez da inolako aldaketarik egingo.

Osasun-arazoak direla eta, Elisabeth Leonskajak bertan behera utzi behar izan du bakarlari moduan eskaini behar zuen emanaldia, BOSek aste honetako ostegun eta ostiralerako antolatutako kontzertuetan. Bere ordez, Nilolai Demidenko piano-jotzaile errusiar ospetsuak joko du gure denboraldi sinfonikoko programa honetan.
 
Nilolai Demidenkoren biografia
Nikolai Demidenkok Dimitri Bashkirovekin ikasi zuen Moskuko Kontserbatorioan. 1976an, Montrealgo Nazioarteko Piano Lehiaketan saritu zuten, eta, 1978an, Tchaikovsky Lehiaketan. Gaur egun, Surreyko Unibertsitateko irakasle gonbidatua da, eta 2008. urteaz geroztik bizi da Espainian.
Nikolai Demidenkok munduko orkestra nagusiekin jo izan du, eta, euren artean, honako hauexek nabarmentzen dira: Londresko Filarmonikoa, Londresko Sinfonikoa, Israelgo Filarmonikoa, Eskoziako BBCko Sinfonikoa, Danimarkako Errege Orkestra, Sao Pauloko Sinfonikoa, Singapurreko Sinfonikoa, Suediako Irratiko Sinfonikoa, San Petersburgeko Filarmonikoa, Salzburgeko Kamerata Akademikoa eta Varsoviako Sinfonikoa. Horrez gain, honako zuzendari hauen zuzendaritzapean lan egin du: Sir Andrew Davis, Andrey Boreyko, Vladimir Fedoseyev, Thierry Fischer, Daniel Harding, Manfred Honeck, Mariss Jansons, Gianandrea Noseda, Gerad Schwarz, Yuri Termikanov eta Osmo Vanska.
Era berean, honako hiri hauetan eskaini ditu emanaldiak: Amsterdam, Toronto, Virginia, Praga, Hong Kong, Sydney, Adelaida, Brisbane, San Francisco, San Petersburg, Vancouver eta Zagreben, besteak beste. Bestetik, honako leku hauetako jaialdietan parte hartu du: Salisbury, Sintra, Cambridge, Hanty Mansijsk, Pariseko Chopin, Dusznicki eta Valldemossa, baita Osloko Ganbera Musikaren Jaialdian ere. Gainera, Nikolai Demidenkok Municheko Herkulessaalen jotzen du urtero. 2001. urtean, errezitaldiaren bidez egin zuen New Yorkeko debuta, eta Los Angeles Performing Arts Centerren eskaini zuen emanaldia. Londresen, ordea, sarritan jotzen du Wigmore Hallen. Bertan, hainbat emanaldi egin ditu, eta, euren artean, “Gramophone Sarietako Irabazleen Jaialdian”, “Chopin Zikloan” eta Barbicanen eskainitakoak nabarmentzen dira.
Nikolai Demidenkok honako musikagile hauen lanen diskoak grabatu ditu Hyperion disko-etxearekin: Bach-Busoni, Chopin, Clementi, Liszt, Medtner, Mussorgsky, Prokofiev, Rachmaninov, Schubert eta Schumann. Horrez gain, Chopin, Medtner, Scriabin, Chaikovski eta Weber musikagileek piano zein orkestrarako sortutako kontzertuak ere grabatu ditu, baita Prokofieven kontzertuen integrala ere, Londresko Orkestra Sinfonikoarekin. Beethovenen Diabelli bariazioak. Bere grabazioek Grammophone Saria (Medtner, piano eta orkestrarako 2. kontzertua) eta Classic CD Saria (Tchaikovsky eta Scriabinen kontzertuak) irabazi dituzte. Chopinen lanen inguruan egin duen grabazioak Diskoen Kritikako Sari Alemaniarra jaso du. 2008. urtean, Chopinen 24 preludioak eta si minorreko 3 sonata grabatu zituen Onyx Classicsentzat, eta Grabazio Berrirako Chopin Sari Berezia eman diote horregatik.
Bere azken konpromisoen artean, honako emanaldi hauek nabarmentzen dira: Salzburgeko Kamerata, Deutsche Kammerphilharmonie, Royal Philarmonic, Frantziako Orkestra Nazionala, Galesko BBC, Londresko Orkestra Sinfonikoa, Sao Pauloko Orkestra Sinfonikoa, Hallé Orchestra eta Erromako Santa Zezilia Orkestra. Era berean, honako hauexekin eman ditu kontzertuak: Bournemoutheko Sinfonikoa, Israelgo Filarmonikoa, Helsinkiko Filarmonikoa, Royal Liverpool eta San Petersburgeko Filarmonikoarekin, Termikanovekin batera.
Denboraldi honetan, honako hauexekin jo du: BBC Walesko Orkestra Nazionala, Budapesteko Jaialdiko Orkestra, Danimarkako Sinfoniko Nazionala, San Petersburgeko Filarmonikoa, Melbourneko Sinfonikoa, Frantziako Orkestra Nazionala eta Singaporeko Sinfonikoarekin, besteak beste. Halaber, Ingalaterran eta Irlandan egin du bira, Pragako Sinfonikoarekin.
 
Nikolai Demidenko – Chopin Piano Concerto No.1 in E minor Op. 11 (Mvt 2)

BOS- 2013-2014 Denboraldia

Hitzak amaitzen diren lekua

Goetheri egokitzen zaion esaldia ezaguna da: “Hitzak amaitzen diren lekuan, musika hasten da”. Pentsamendu hori izan daiteke, beharbada, soinu-hizkuntzaren atributu antzemanezin eta garrantzi handikoa ondoen definitzen duena, eta hori bera da hemen aurkezten dizuegun Bilbao Orkestra Sinfonikoaren 2013-2014 denboraldiaren ideia egituratzailea.
Hain zuzen ere, kontzeptu hori presente dago urte honetako gure abonu tematikoa osatzen duten lau kontzertuetan: “Hitzak baino harago”; kontzertuek badute faktore bat komunean: euren esangura hitzen hizkuntza-eremua baino harago joan da, baita musikarena berarena baino harago ere. Bokazio unibertsaleko lanak dira, oso espiritualak, eta ondo ulertzen ez dugun baina absolutu edo transzendente bezalako hitzekin identifikatzen dugunarekin konektatzen gaituzte nola edo hala. Denboraldiaren ardatz egituratzaile horretan, honakoak aurki daitezke: Wagnerri eskainitako monografikoa (bere jaiotegunaren bigarren mendeurrenean), Beethovenen Bederatzigarren sinfonia, Brucknerren Laugarren sinfonia (bere sinfoniak “hitzik gabeko mezak” bezala definitu dira), eta Mahlerren Lurraren abestia. Azken hori bizitzak duen lurreko izaerari eta edertasunari agur esateko abesti polita da, eta egitarau bikain batekin uztartzen da, Schuberten “Bukatu gabea” Sinfoniarekin, alegia.
Soinu-monumentu hauen zerbitzura, ospe handiko artistak izango ditugu. Anja Kampe eta Stuart Skelton, bikainak Wagnerren errepertorioan; ahozko laukote orekatua eta Bilboko Koral Elkartea, Bederatzigarrenerako; gure zuzendari titularra, Brucknerren aditua; eta, azkenik, Mahlerrentzat, Lilli Paasikivi, joan den urteko Gurreliederrengatik gogoratzen duguna, eta Michael Weinius tenorra.
Gure egitarauan, lau mugarri hauek are lurtarragoak diren musiketatik igarotzera eramango gaituzte, eta, horregatik, bizitzaren gozamen hutsean gozarazteko egokiagoak izan daitezke. Modu horretan, Mendelssohnen “Eskoziarra” Sinfonia, Bizeten Sinfonia Don, Tchaikovskyren Laugarrena, Beethovenen Zortzigarrena, eta errepertorioko beste lan handi batzuk, Berliozen Fantastikoa, Mahlerren Bosgarrena eta Manuel de Fallaren musika kasu.
Berritasunen atalean, uste dugu zinez erakargarria egin dakiokeela publikoari Philip Glassen tinbal birentzako Kontzertua; erritmo menperatzailea duen lana da, eta Luciano Beriok Brahmsen Sonata klarinetearentzat lanaren gainean egindako orkestrazioa ere badu. Gure sormen-lan hurbilenetatik, Haizorratz lanaren estreinaldia da aipatzekoa, Zuriñe Gerenabarrena gipuzkoar konpositorearen lana, alegia.

Eraskin bat erantsi da hemen

Musika – Musica 2013

Viernes 1 de marzo 
Auditorio Brigitte Engerer
19:00 h.
Bilbao Orkestra Sinfonikoa
Ravel : Ballet en tres partes “Daphnis et Chloé"

Ravel : Poema para orquesta “La Valse”
Coral de Bilbao
Günther Neuhold zuzendaria
—————————————————————————-
 

Sábado 2 de marzo 
Auditorio Brigitte Engerer
11:00 h.
Bilbao Orkestra Sinfonikoa
               
                  Guridi: Diez melodías vascas 

                  Falla:“El Sombrero de Tres Picos”, suite nº1 y suite nº2
 
Günther Neuhold Zuzendaria
————————————————————————–
 

Sábado 2 de marzo 
Auditorio Brigitte Engerer
18:30 h.

  Bilbao Orkestra Sinfonikoa
              
Ravel: Pavana para una infanta difunta, versión para orquesta  

Ravel: Concierto para la mano izquierda y orquesta en re mayor   
Ravel: Bolero     
 
Bertrand Chamayou pianoa
Günther Neuhold Zuzendaria

 

Eraskin bat erantsi da hemen

ONDARE ARETOAK BOS-EN 90. URTEURRENAREN OSPAKIZUNEKO ERAKUSKETA JASOTZEN DU

“Bilbao Orkestra Sinfonikoa 1922-2012” erakusketa aurkezteko da datorren asteartean, otsailak 12, Bizkaiko Foru Aldundiaren Ondare Aretoan.
 
Ondare Aretoan
Maria Díaz de Haro,11
48013 Bilbo

Ordutegia:
Astelehenetik ostiralera: 10:00etatik-13:00etara; 17:00etatik-21:00etara
Larunbatak: 10:00etatik-14:00etara
Igande eta jaiegunetan: Itxita

Eraskin bat erantsi da hemen

BOSen sarreren salmenta sisteman izango diren aldaketei buruzko informazioa

Urtarrilaren 1etik aurrera, BBK-k aldatu egingo du orotarako kutxazain, Internet eta telefono bidez sarrerak saltzeko sistema.
Egun horretatik aurrera, Kutxabanken sistema horien bidez sarrerak erosi nahi dituzten pertsonek honakoa hartu beharko dute kontuan:
1.     Kutxabanken orotarako kutxazainetan eta webgunean sarrerak eskuratu ahal izango dira, eta komisio hauek kobratuko dira:
a.     Erosketa Kutxabanken txartelekin egiten bada: 0,60 euroko komisioa, erositako sarrera bakoitzeko.
b.     Erosketa beste finantza-erakunde batzuen txartelekin egiten bada: 0,90 euroko komisioa, erositako sarrera bakoitzeko.
2.     Telefono bidezko erosketa. Kutxabanken sarrerak telefonoz saltzeko sistema desagertu egingo da urtarrilaren 1etik aurrera.
BOS Kutxabankek eskaintzen zuen zerbitzua ordezkatuko duen telefono bidezko salmenta zerbitzua abian jartzeko negoziazio-prozesuan ari da.
Sarrerak BOSen webgunetik erostea. Inplementatuko den sistema berriari esker, sarrerak zuzenean eros daitezke BOSen webgunetik. BOSen webgunetik erositako sarrera bakoitzak 0,90 euroko komisioa izango du, erabilitako kreditu-txartela igorri duen erakundea gorabehera. Sistema hau ez dago erabilgarri une honetan, nahiz eta luze barik abian jartzea espero dugun.
Aipatutako sistemen bitartez sarrerak saltzeko komisio guztiak ez daude BOSen menpe, eta, beraz, ez diote diru-sarrerarik ekarriko.
Azkenik, gure bezeroei gogorarazi nahi diegu txartel-leihatiletako salmenta orain arteko baldintza berberetan mantenduko dela: Euskalduna Jauregiko txartel-leihatiletan, astelehenetik larunbatera, 17:00etatik 20:00etara, eta kontzertu egunetan, baita 12:00etatik 14:00etara ere.

BOSek KULTURA BONUA kanpainarekin bat egin du berriro

Beste urte batez, Bilbao Orkestra Sinfonikoak (BOS) bat egin du Eusko Jaurlaritzak sustatutako KULTURA BONUA kanpainarekin.
Gogorarazi nahi dugu, ekimen honen bitartez, KULTURA BONUA eskuratu daitekeela (ikusi baldintzak) 25 euroren truke; horri esker, 40 euroko gastua egin daiteke. Bonuarekin, BOSen kontzertuetarako sarrerak erosi ahal izango dira. Bonua 2012ko abenduaren 10etik 2013ko urtarrilaren 5era bitartean egongo da salgai (edo izakinak agortu arte), Kutxabanken orotarako kutxazainen bitartez.
BOSek kultura sustatzeko programa honetan kolaboratu nahi du, eskaintza berezia sortuz: KULTURA BONU batekin (40 euroko balioa du), 43,8 €-an baloratutako (14,6 €, sarrera indibidual bakoitza) C eremurako hiru sarrera erosi ahal izango dira. Horrela, bada, 3,8 €-ko aparteko deskontua egingo dugu.
KULTURA BONUA erabiliz beraien buruei nahiz gainerakoei BOSen sarrerak oparitzea erabakitzen dutenek abenduaren 10etik 2013ko urtarrilaren 18ra bitartean eskuratu ahal izango dituzte sarrerak Euskalduna Jauregian.