Egilea: trek

Generoa: Opera

Maiatzak 15tik 16ra

Txekiar Errepublikako Leos Janácek konpositorea XX. mendeko musikaren ordezkaririk aipagarrienen artean agertzen da, eta “Diario de un desaparecido” estreinatu zuen Brnoko Antzokian, 1921. urteko apirilaren 18an kontzertu bertsioan eta, 1926ko urrian bertsio eszenikoan, Liublianan. Tenore, mezzosoprano, emakumeen koru (3 ahots) eta pianorako egindako abestien zikloa da, Ozef Kaldaren poemetan oinarritua. Orain eskainiko dizuegun produkzioa Madrilgo Errege Antzokian estreinatu zen 2008an, bertsio eszenikoan.

Bilbon, 2010eko apirilaren 22an

Orkestraren 2010-2011 denboraldi sinfonikoa aurkezteko prentsaurrekoan, Bilbao Orkestra Sinfonikoaren zuzendaritzak jakinarazi du akordioa lortu duela Neuhold maisuarekin, BOSen zuzendari artistiko eta titular gisa egiten duen lana hiru urte gehiagoz luzatzeko, gaur egun daukan kontratuaren hiru urteez gain.
Maisua oso pozik agertu da, bai BOSen arduradun politiko eta teknikoekin lortutako koordinazioagatik, bai zuzendaritza lanetan daramatzan ia bi urteetan Orkestrarekin egin duen lanagatik; era berean, taldearen eta zuzendariaren artean lortutako elkar ulertze handia nabarmendu du. Bere hitzetan, Orkestran egin nahi duen lana, eraginkorragoa izan dadin, “su geldoan” egin beharrekoa da; izan ere, hori da orkestra sinfonikoa bezalako erakunde baten helburuak lortzeko era bakarra.

Günter Neuholden curriculuma:
http://www.bilbaorkestra.com/esp/prensa.php

Iker Sánchez, zuzendaria
Irunen jaio zen 1976an, eta bertan hasi zen tronpeta-eskolak jasotzen. Donostian, Bordelen eta Munichen espezializatu zen, eta, besteak beste, Euskadiko eta Bilboko Orkestra Sinfonikoekin edo Müncher Symphoniker-ekin kolaboratu du. 2004an, orkestra-zuzendaritzari ekitea erabaki zuen.
 
2007tik 2009ra, Bilbao Orkestra Sinfonikoaren zuzendari laguntzailea izan zen. Harrezkero, egitarau askotan zuzendu du BOS, kontzertu didaktikoetatik hasi eta abonuko denboraldian egindako aurkezpenera arte.
 
BOS ez ezik, Euskadiko Orkestra Sinfonikoa, Tenerifeko Orkestra Sinfornikoa, Donostiako Ganbera Orkestra (orkestra honekin Talde Gazteen bigarren sari nazionala jaso zuen 2007an), eta Gasteizko Ganbera Orkestra zuzendu ditu, eta bakarlari moduan ere aritu da, Terence Blanchard edo Paty Austinen mailako bakarlariekin batera. Denboraldi honetan, halaber, Asturiasko Printzerriaren Orkestra Sinfonikoa zuzenduko du, bai eta JONDE ere.
   
Zuzendari arloan, prestakuntza handia dauka; izan ere, ikastaro ugari egin ditu maisu handiekin, besteak beste, Jesús López Cobos, Arturo Tamayo eta Enrique García Asensiorekin. Era berean, Parisko IRCAMek antolatutako ikastaroa ere egin du, Peter Eötvos eta Szolt Nagy zuzendariekin, Luxenburgoko Philarmonique Orchestrerekin.
 
 
2008/09 denboraldiaz geroztik, EIO (Euskalherriko Ikasleen Orkestra) Orkestra Sinfonikoaren zuzendaria da. EIO Euskal Herriko Kontserbatorioetako ikasleek osatutako orkestra da.

Tailerrak non egingo diren: BOSen entseguetarako aretoa
Ordutegia: 11:30etik 12:45era
 
Egunak:

2010eko apirilaren 17a: HARIA
2010eko maiatzaren 8a: EGUR-HAIZEA
2010eko maiatzaren 22a: Metal-haizea
2010eko ekainaren 5a: PERKUSIOA

 
Merceses Albaina irakasleak zuzenduko ditu tailerrak.
 
Hartzaileak: 5 eta 9 urte bitarteko neska-mutikoak. Aita eta/edo ama bertan izatea gomendatzen da.
 
Gehienezko haur kopurua tailer bakoitzeko: 25 neska-mutiko.
 
Tailer bakoitzaren prezioa: 3 € (BOSeko abonatuak), 4 € (jendea oro har), neska/mutiko bakoitzeko
 
Izena emateko epea: 2010eko martxoaren 22tik aurrera.
 
Informazio gehiago eta izen-emateak:
BOSen bulegoak
Tel.: 94 403 52 05
Euskalduna Jauregia
Abandoibarra etorbidea 4
Ordutegia: astelehenetik ostiralera, 09:00etatik 14:00etara

bonoBOS txartela Bilbao Orkestra Sinfonikoaren (BOS) produktu berri gisa sortu da, eta helburu nagusi bi ditu:
•    Sarrera-sorta bat eskaintzea, sarrera solteen prezioaren %15eko deskontuarekin.
•    Erosleei BOSen kontzertuetara joateko askatasuna ematea, egun jakin batzuetarako konpromisoa hartu beharrik gabe.

Anonimoa denez eta lekua erreserbatzeko konpromisorik ez denez hartu behar, oso prezio lehiakorra eskaintzen du, eta, ondorioz, guztiz errentagarria da musika sinfonikoa maite dutenentzat.

Entzun musika nahi duzunean, nahi duzunarekin eta gogokoen duzun denboraldiko kontzertuarekin. Horretarako BOSek bonoBOSa eskaintzen dizu, 4 txartel ditu eta 4 kontzertu desberdinetara joateko aukera izango duzu, edo 3 lagun gonbidatzeko, edo bikotearekin bi kontzertuetara joateko… eta prezio ezin hobean.
Eskura ezazu BOSen bulegoetan eta aukera ezazu gustukoena musika onenen artetik.

Begiratu prezioak eta baldintzak http://www.bilbaorkestra.com/eus/abonos.php web orrian

Duela 4 hilabete, BOSek Gizartearekin komunikatzeko ildo berriak ireki zituen. “Gizarte-sare” deiturikoek duten gero eta garrantzi handiagoa dela-eta, BOSek komunikazio-kanalak sortu zituen Facebook, Twitter, Flickr eta Youtube-n. Ondoren, beste kanal bat sortu da, duela hilabete inguru, Tuenti-n; kanal berriaren erabiltzaile gehienak, gazteenak, lehentasuneko helburua dira Orkestrarentzat.

Lau hilabete hauetan zehar, BOS ohartu da beharrezkoa zela Interneten foro horietan guztietan egiten ari den lana bilduko zuen egitura bat izatea, BOSen jarduera guztien inguruan sortzen diren informazio-elementu guztien historikoa sortzeko baliagarri izateaz gainera.

Zalantzarik gabe, elementu integratzaile hori BOSen WEB orria bera izan behar zen. Orain arte oinarrian informazio-emailea zen orria, helburu horretarako ezin hobeto egokitzen zen egitura zuena. Izan ere, hori erakusten du orrialdeak izan duen bisita kopuru handi eta gero eta ugariagoak: 17.107 bisita 2009an, hau da, 2008an baino %39,5 gehiago.

Informazioaren gaineko alderdia osatzeko eta informazioaren ikuspuntutik egin den guztiaren “biltegi” bihurtzeko, orrialdea sakon berritu da. Prozesu honetan, era berean, duela lau urte sortu zenetik Internetek bereganatu dituen ezaugarri berrietara egokitzeko aprobetxatu da.

Eraskin bat erantsi da hemen

Dia: 24 de febrero
Hora: 10,30
Lugar: Sala B-1 del Palacio Euskaduna

Mañana, miércoles 24 de febrero, a las 10,30 horas en la sala B-1 del Palacio Euskalduna, la Diputada foral de Cultura de Bizkaia, Josune Aristondo y el Director general de la BOS, Ibon Aranbarri, presentarán en rueda de prensa, la nueva pagina web de la BOS y los resultados de la presencia en las Redes Sociales de la Orquesta tras 4 meses de actividad en las mismas.
Los extraordinarios resultados de esos cuatro meses de andadura en las Redes sociales (Facebook, Tuenti, Youtube, Flickr o Twitter) así como el continuo crecimiento de usuarios de la WEB (incremento del 39,5% en 2009 con relación a 2008) han impulsado una reforma en la pagina web de la BOS en que la que, entre otras novedades, se incorporan los contenidos generados para los otros canales de internet.

Eraskin bat erantsi da hemen

16. orrian:
Denboraldiaren aurrerapenak A3ra bitarteko diseinua eta neurria izan ahal izango ditu, eta hori kasu bakoitzean zehaztuko da. Gutxienez orrialde 1, kuadriptikoa, distiradun couche paperean inprimatuta (gutxienez 150 gramokoa), 4 + 4 tintarekin.

Ordezkatzen du:
Denboraldiaren aurrerapenak A4ra bitarteko diseinua eta neurria izan ahal izango ditu, eta hori kasu bakoitzean zehaztuko da. Gutxienez orrialde 1, kuadriptikoa, distiradun couche paperean inprimatuta (gutxienez 150 gramokoa), 4 + 4 tintarekin.

Otsailaren 25ean eta 26an izango den denboraldiko 12. kontzertuko egitarauan Enrico Dindo arituko da Truls Mork ordezkatuz; izan ere, gaixorik dagoela-eta, bertan behera utzi behar izan ditu denboraldi honetarako saio guztiak.