Kategoria: albistea

BOSek Gabon Zoriontsuak eta musikaz eta alaitasunez betetako Urte Berri Oparoa opa dizue.

Berriro elkartzeko eta itxaropena izateko garai honetan, gogoan dugu zein garrantzitsua den harmonia gure bizitzetan, ez bakarrik eszenatokian, baita gure maiteekin partekatzen ditugun uneetan ere.

2024an zehar gure historiaren funtsezko parte izan zarete, kontzertu bakoitza bizitzaz eta esanahiz betez. Eskerrik asko gure inspirazioa izateagatik eta musikaren magia bizirik mantentzeagatik.

2025ean oroitzapen ahaztezinak sortzen jarraitzea espero dugu, elkartzen gaituzten melodien konpasean.

Musika zurekin joan dadila gaur, bihar eta beti.

Pozarren adierazten dizuegu 2024-2025 denboraldiaren 6. egitarau honetan BOSen musikari berri bat izango dugula, José Eduardo Canto, biolin tutti. Energia berria ekarriko dio gure orkestrari. Arrakasta handia opa dizugu BOSekin hasiko duzun etapa berri honetan.

Salvador Cors, tronpen ataleko kidea, erretiroa hartu du 42 urtez BOSen parte izan ondoren.

Zorterik onena opa diogu hasi berri duen etapa honetan, eta bihotz-bihotzez eskertzen diogu zortzi bosturteko pasatxo hauetan egindako lana, izan ere, eskaintzeko zuen onena eman baitigu Orkestra hazten laguntzeko.

Ura Bere Bidean bueltan da, euskal errepertorioa formatu sinfonikoan berrinterpretatzeko asmoz hainbat belaunalditako musikariak elkartzen dituen proiektu berritzailea. Fair Saturday fundazioaren gidaritzapean eta Fernando Velázquez konpositore sarituaren orkestra-moldaketekin, tradizioaren eta modernitatearen arteko topagunea izango da.

Euskarazko musika-ondarea biziberritzea du helburu proiektuak, eta aurten zuzeneko bi kontzertu eskainiko ditu urriaren 25ean eta 26an BEC!-en, honako artista hauekin: Jorge Drexler, Celtas Cortos, Reincidentes, Izaro, Mikel Urdangarin, Zetak, Doctor Deseo, Su Ta Gar, Bulego, Zea Mays eta ETS, besteak beste.

LORTU ZURE SARRERAK HEMEN

2024-2025 denboraldi berriaren hasiera ospatzeko, BOSen musikari berria aurkezten dizuegu, Carlos Roda, trompeta bakarlaria. Energia berria ekarriko dio gure orkestrari. Arrakasta handia opa diogu BOSekin hasiko duen etapa berri honetan.

Irailaren 16tik aurrera salgai jarriko dira 2024-2025 denboraldiko kontzertu sinfonikoetarako eta ganbera-kontzertuetarako sarrerak.

Eman begiratu bat sarrerak erosteko aukera eta deskontuei gure webgunean.

Egun horretatik aurrera, halaber, CrediBOS txartela erosteko aukera egongo da, zeinak aukera ematen baitu, deskontu interesgarri bat baliatuta, sei sarrera erosteko, zuk nahi duzun moduan eta unean erabil ditzazun. Informazio gehiago hemen: CrediBOS.

Gogoratu denboraldi honetan CrediBOS txartela erabili ahalko dela denboraldi sinfonikoko programa guztietarako, laugarrena salbu.

Horrez gain, ekainaz geroztik eskuragarri dituzu gure bost abonu-motak. Horiek aukera ematen dizute abonuan sartutako kontzertu guztietara joateko, deskontu handi bat baliatuta eta eserleku bera gordeta.

Hainbat aukera ditugu denboraldi honetaz gozatu ahal izan dezazun hobekien datorkizun moduan.

Horregatik, abuztuan eta irailean “bira” bat egingo dugu. Hala, Santanderrerako bidaiarekin hasiko gara eta bertan Santanderreko Nazioarteko 73. Jaialdian hartuko dugu parte. Abentura zoragarri hori Kontzertuak Bizkaian zehar ekimenarekin jarraituko dugu eta uda honetan Bermeo, Gorliz, Bilbo eta Getxo bisitatuko ditugu. Horrela, udako ibilbideari amaiera emateko, RenHacer Jaialdian hartuko dugu parte eta jaialdiak Donostiara, Bilbora eta Oñatiko Arantzazu Santutegira eramango gaitu.

BOS uda