Kategoria: albistea

Urtarrileko kontzertu bereziak

2021 era onean hasi nahi dugu, hau da, emanaldiekin. Hori dela eta, urtarrilerako hiru hitzordu prestatu ditugu entzuleekin, eta 25erako aurreikusita dagoen ganbera kontzertuari gehituko zaizkio.

Hiru kontzertu dira, eta hiru agertokitan egingo ditugu.

Kontzertu berezia Elkarte Filarmonikoan

Urtarrilaren 15eko 19:15ean, Bilboko Elkarte Filarmonikoaren egoitzan, bi erakundeen artean antolatutako kontzertu bat eskainiko dugu.
Kontzertu horretarako ez da sarrerarik izango, eta bi erakundeetako bazkide edo abonatuak gonbidapen bidez sartu ahal izango dira.
BOSek 170 gonbidapen jarriko ditu abonatuen eskura, eta hemen adierazten diren oinarrien arabera banatuko dira.

W.F. Bach: Sinfonia re minorrean (Adagio eta Fuga)
J.S. Bach: Kontzertua oboe eta biolinerako do minorrean, BWV 1060
Mendelssohn: 10. hari-sinfonia si minorrean
Mendelssohn: 7. hari-sinfonia re minorrean

Nicolas Carpentier, oboea
Giulia Brinckmeier, bakarlaria eta zuzendaria

Informazio gehiago

Kontzertu berezia Euskalduna Jauregian

Urtarrilaren 20ko 19:30ean, Euskalduna Jauregiko gure egoitzako Auditoriumean, kontzertu berezia eskainiko dugu. 400 eserleku izango dira, 6 euroko prezio bakarrean.

F. Schubert: Rosamunda, obertura 
P.I. Tchaikovsky: 1. kontzertua piano eta orkestrarako, Op. 23
Z. Kodaly: Galantako dantzak 

Adrian Hodor, pianoa
Jaume Santonja, zuzendaria

Informazio gehiago

Kontzertuak Bizkaian. Muxikebarri Zentroa (Getxo)

Urtarrilaren 21ean, 19:00etan Getxoko Udaleko Kultura Etxeko jardueren barruan, aurreko eguneko kontzertuko egitarau bera eskainiko dugu. Sarrerak Getxoko Kultura Etxeko webgunean eskuratu ahal izango dira.

Informazio gehiago

BOSen kontzertuak YouTuben: Gabonetako egitaraua

Gure YouTubeko orrian eskuragarri dago jada Bilbao Orkestra Sinfonikoaren Gabonetako Kontzertuaren emanaldia. 2020ko abenduaren 17an (osteguna) grabatutako 7. kontzertua da; amaieran interpretatu zen Hator Hator kanta aurreratu genuen jada, Gabonetako zorionak emateko formatuan.

Kontzertura joaterik izan ez bazenuen, edo esperientzia errepikatu nahi baduzu, L.V. Beethovenen lau obraz gozatzeko aukera eskaintzen dizugu:

·      1. sinfonia Do Maiorrean, Op. 21
·      2. erromantza biolin eta orkestrarako Fa Maiorrean, Op. 50
·      Fantasia piano, koru eta orkestrarako do minorrean, Op. 80
·      Kristo olibondoen mendian, Aleluia, Op. 85

Gainera, jakinarazten dizugu gure egitarauetako bideoak igotzen jarraituko dugula Youtubeko gure kanalera, haietaz gozatu dezazun.

BOSen kontzertuak YouTuben

Aste honetan hasiko gara Bilbao Orkestra Sinfonikoak denboraldi sinfonikoan interpretatutako obren bideoak YouTubeko gure kanalean ikusgai jartzen.

Esperientzia honi ekiteko, bi bideo jarriko ditugu: Euskalduna Jauregian abenduaren 3an eta 4an eman genuen gure Denboraldi Sinfonikoko 6. egitarauko bi lan dira. Egitarau horretan, Lars Vogt pianista eta zuzendari ospetsuak zuzendu zuen Orkestra, zeinak Mozarten eta Beethovenen bi sorkuntza nagusienak interpretatu zituen: 21. kontzertua piano eta orkestrarako Do Maiorrean K. 467 eta 6. sinfonia Fa Maiorrean Op. 68 “Pastorala”, hurrenez hurren.

Kontzertura ezin izan bazenuen joan edo esperientzia errepikatu nahi baduzu, aukera eskaintzen dizugu errepertorioko funtsezko bi obraz gozatzeko.

Gainera, jakinarazi nahi dizugu gure egitarauen bideoak igoko ditugula aurrerantzean ere gure YouTubeko kanalera, horiez goza dezazun.

Joan gure YouTubeko kanalera kontzertuen bideoak ikustera

Bizkaiko udalerrien arteko mugikortasun murrizketak kentzen dira

Abenduaren 12tik aurrera Bizkaiko udalerrien arteko mugikortasun murrizketak kentzen dira, eta ondorioz  Bizkaian bizi diren gure ikusle guztiek gure kontzertuetara etortzeko aukera izango dute.
Eserlekua esleituta duten abonatu guztiek erabil ditzakete berriz ere helarazi genizkien sarrerak. Gainerakoei gogorarazten diegu eskura daudela sarrera solteak; abonatua izanez gero, tarifaren % 20ko deskontuarekin eskuratu ahal izango dira.
Gure desira da laster edukiera-mugak kentzeko aukera egotea, eta gure kontzertuetan elkartzea berriz ere.

Larunbat honetan, azaroaren 21ean, 21: 00etan, eser zaitez eta piztu gure YouTubeko kanala, eta senti zaitez Bilbao Orkestra Sinfonikoaren bihotzean

Larunbat honetan gure Denboraldiko bosgarren egitaraua ikusteko aukera emango diegu Euskalduna Jauregira joan ezin duten pertsona guztiei. Kontzertuaz gozatzeko aukera izango dute, agertokiaren erdian “kokatuta” eta gure musikariek inguratuta baleude bezala.

BOSen eta Fair Saturday Fundazioren arteko lankidetzari esker, osteguneko 12.00erako kontzertuaren 360º-ko grabazio honek, interpretazioa etxetik disfrutatzea ahalbidetzen du eta momentu bakoitzean nahi duzuen ikuspuntua aukeratu, orkestraren erdian bazeundete bezala, musikariak eta zuzendaria ikusteko biratuz.

21:00ean hasiko da kontzertuaren emanaldia, eta gure YouTubeko orritik  jarraitu ahal izango da. Bertara errazago sartzeko, lotura zuzenak egongo dira gure Facebook eta Twitterreko orrietan.

Proba ezazu gure orkestraz gozatzeko modu berri hau.

 

Programa 05. Beethovenek etxea bedeinkatu du.

LUDWIG VAN BEETHOVEN (1770 – 1827)

txearen Sagarapena, Obertura Op. 124

RAMÓN LAZKANO

Hitzaurre Bi, piano eta orkestrarako kontzertua

LUDWIG VAN BEETHOVEN

8. sinfonia Fa Maiorrean Op. 93

 

Alfonso Gómez, pianoa
Erik Nielsen, zuzendaria.

.

 

Dur: 60’ (aprox.)

Azaroaren 9ko ganbera kontzertua bertan behera geratu da

Gaurko, 2020ko azaroaren 9ko, ganbera kontzertuan parte hartzekoak ziren zenbait musikariren bat-bateko berrogeialdia dela-eta, zoritxarrez, bertan behera utzi behar izan dugu kontzertua.

Erosketa egiteko erabilitako bide berberak erabiliz egingo da sarreren itzulketa.

Barkatu eragozpenak.

Ostiral honetan, azaroaren 6an, 19:30ean, eser zaitez eta piztu gure YouTubeko kanala, eta senti zaitez Bilbao Orkestra Sinfonikoaren bihotzean

360º bideo mota dela eta, aurreikusi baino denbora gehiago behar izaten ari gara prozesatzeko. Emisioan kalitaterik handiena eskaintzeko asmoz, emanaldia bihar ostiralera atzeratu beharrean ikusten gara, gaurko aurreikusita geneukan ordu berean: 19: 30ean.

Ostiral honetan gure Denboraldiko hirugarren egitaraua ikusteko aukera emango diegu Euskalduna Jauregira joan ezin duten pertsona guztiei. Kontzertuaz gozatzeko aukera izango dute, agertokiaren erdian “kokatuta” eta gure musikariek inguratuta baleude bezala.

BOSen eta Fair Saturday Fundazioaren elkarlanari esker, kontzertua 360 º-ko kamera bat baliatuta emango da, musikarien interpretazioa etxetik ikusteko. Gainera, une oro aukeratu ahal izango duzu orkestraren zer ikuspuntu ikusi nahi duzun, eta biratu ahala musikariak eta zuzendaria ikusteko, orkestraren erdian bazeunde bezala.

19:30ean hasiko da kontzertuaren emanaldia, eta gure YouTubeko orritik (youtube.com/OrquestadeBilbao) jarraitu ahal izango da. Bertara errazago sartzeko, lotura zuzenak egongo dira gure Facebook eta Twitterreko orrietan.

Proba ezazu gure orkestraz gozatzeko modu berri hau.

 

LUDWIG VAN BEETHOVEN

Kontzertua biolin eta orkestrarako Re Maiorrean Op. 61

4. sinfonia Si bemol Maiorrean Op. 60

Clara-Jumi Kang, violín.
Pablo González, director.

Iraup.: 60’ (g.g.b.)

Bilbao Orkestra Sinfonikoak ez die kobratuko udalerrien arteko mugikortasun murrizketak eragindako pertsonei.

Lehendakariaren urriaren 26ko 36/2020 Dekretuak udalerrien arteko mugikortasuna mugatzen du, eta bizilekua finkatuta dugun udalerritik kanpoko  kultur ikuskizunetara joatea ez du baimentzen. Gaur egungo egoera epidemiologikoak eragindako prebentzio-neurri honen xedea da gure udalerritik irtetea eta beste udalerri batzuetako jendearekin nahastea saihestea. Ondorioz, gure kasuan, Bilborekin mugakideak ez diren udalerrietan* bizi diren gure abonatuek ezin izango dute joan programatutako kontzertuetara, aipatutako debekuak irauten duen bitartean.

Debekuak irauten duen bitartean ez diegu kobratuko eragindako kontzertuei dagokien abonamenduaren zatia, eta beraien sarrerak baliogabetuko ditugu. Libre geratutako sarrerak salgai jarriko dira.

Gure abonatuei eskerrrik asko fideltasuna erakusteagatik eta egoera ulertzeagatik, ziurgabetasun garai hauetan.

 

* Hauexek dira Bilborekin mugakideak diren udalerriak: Alonsotegi, Arrigorriaga, Barakaldo, Basauri, Erandio, Etxebarri, Galdakao, Loiu, Sondika, eta Zamudio.