Kategoria: albistea

Bilbon, 2014ko otsailaren 11n
 
Osasun arazoak direla eta, Rudolf Buchbinderrek bertan behera utzi behar izan ditu bakarlari gisa eskaini behar zituen emanaldiak, ostegun eta ostiral honetan BOSekin eman behar zituen kontzertuetan. Gure Denboraldi Sinfonikoko egitarau honetan haren ordez arituko den bakarlaria Eldar Nebolsin piano-jotzaile uzbekistandar ospetsua izango da. Bakarlari hori beste zenbait alditan ere izan da BOSen denboraldian. Azken aldia 2012ko martxoaren 22an eta 23an izan zen.
 
Eldar Nebolsinen biografia
Eldar Nebolsin 1974an jaio zen, Tashkenten (Uzbekistan). Bere nazioarteko ibilbidea 1992an hasi zen, Santanderko XI. Paloma O’Shea Nazioarteko Piano Lehiaketa irabazi ostean. Bertan, 17 urterekin besterik ez, Sari Nagusia eta Mozarten pianorako kontzertu baten Interpretaziorik Onenaren Saria lortu zituen. Urtebete lehenago, Espainiara iritsi zen, Dmitri Bashkirov pedagogo eta piano-jotzaile entzutetsuarekin ikastera. 2005ean, ospe handia duen Sviatoslav Richter Saria lortu zuen Moskun.
Maiz kolaboratzen du izen handiko nazioarteko orkestrekin; esate baterako, New York Philharmonic, Chicago Symphony Orchestra, Montrealgo Orchestre Symphonique, Berliner Symphoniker, Deutsches Symphonie-Orchester Berlin, Parisko Orchestre, Erromako Santa Zezilia, Lisboako Gulbenkian, Tokyo Metropolitan Orchestra, Sydney Symphony Orchestra edo Wiener Kammerorchesterrekin, besteak beste, Espainiako orkestra nagusiekin aritzeaz gain. Era berean, sona handiko zuzendariekin egin izan du lan; besteak beste, Mstislav Rostropovich, Ricardo Chailly, Yuri Temirkanov, Leonard Slatkin, Charles Dutoit, Vladimir Ashkenazy, Yakov Kreizberg, Vasili Petrenko, Vladimir Spivakov, Lawrence Foster, Bernhard Klee eta Espainiako batutarik bikainenetako batzuekin.
Piano-jotzaile kontzertista izateaz gain, hainbat errezitaldi eskaini ditu areto ugaritan: Zuricheko Tonhallen, Washingtongo Kennedy Centerren, Torontoko Roy Thompson Hallen, New Yorkeko 92nd Street eta Carnegie Hallen, Municheko Herkuless Saalen, Parisko Chatelet Antzokian, Hanburgoko Musikhallen eta Milanen, Hungarian, Jugoslavian, Luxenburgon eta abar. Eldar Nebolsinek ganberako musikari eskaintzen dio bere jardueraren zati bat. Esparru horretan, punta-puntako bakarlariekin kolaboratu izan du; besteak beste, Julian Rachlin, Alexey Ougrinchouk, Maxim Rysanov, Gustav Rivinius, Denis Goldfeld edo Wolfgang Schmidtekin.
Decca, Universal, Artenova edota Naxos disko-etxeetarako grabatu izan du, eta azken horretako artista esklusiboa da 2006tik. Disko-etxe horrekin grabatu zuen lehenengo albumak, Rachmaninoven Preludioetan oinarritutakoak, kritika bikainak izan zituen nazioarteko prentsan. Gainera, Liszt, Dohnanyi eta Chopinen obrak grabatu izan ditu, eta, hain zuzen ere, Chopini eskaini dizkio bere azken konpaktuak: 2010ean, Chopin Urtea zenez, piano eta orkestrarako obra osoa grabatu zuen Warsaw Philharmonic Orchestrarekin, Antoni Witen zuzendaritzapean. Vasily Petrenko, JoAnn Falletta edo Vladimir Ashkenazy zuzendariekin ere grabatu ditu diskoak.
 
Eldar Nebolsini buruzko informazioa eta argazkiak hemen daude ikusgai:
Información y fotografías de Eldar Nebolsin en:
http://www.musiespana.com/artistas/eldar-nebolsin/biografia_artista/index.html
Eldar Nebolsin playing Clementi and Rachmaninov. Live from Madrid february 2012

MUSIKHAZI 2013-2014

Haurtxoentzako Kontzertuak
 
Gabon Gauetik Urte Berrira
 
Gure egitarauan maiz gonbidatu gisa etortzen den MUSICALMENTE konpainia portugaldar sarituaren eskutik, bueltan dira “Haurtxoentzako Kontzertuak”. Bidaia emozionala, Gabonetako melodia klasikoetatik hasi eta Strausstarren Vienako urte berrira heldu arte.
 
Haurtxoentzako Kontzertuak agertokiaren erdialdeko jolas-gune batean egiten dira. Musikarien inguruan, kuxinak eta aulkiak daude ikusle gazteentzat eta beraien familientzat. Haurtxo gehienei gurasoen altzoan gustatzen zaie musikaz gozatzea, baina ausartenak musikarien artera ere sartzen dira. Ez dago mugarik!

 
Abenduak 28 (Larunbata)
12:00etan – 18:00etan
 
Abenduak 29 (Igandea)
10.30etan  –  12:00etan
Euskalduna Jauregia. A-1 aretoa
 
SARREREN SALMENTA
Prezioa: 7€ orokorra – 6€ (BOSen abonatuak)

 
Ibon Aranbarri BOSeren Zuzendari orokorra eta Patricio Goialde Musikeneren (Euskal Herriko Goi-mailako Musika Ikastegia) kudeatzaile akademikoak Lankidetza Hitzarmena sinatu dute gaur goizean.
Hitzarmenak, hasieran, 4 urteko iraupena dauka, eta bere helburua da BOSen ateak irekitzea Musikeneko ikasleei, praktikak egin ditzaten eta BOSek bere programazioaren barruan antolatzen dituen jardueretan parte hartu dezaten.
Modu horretan, Musikeneko azken ikasturteetako ikasleei orkestra sinfoniko baten barruan lan egitearen benetako esperientzia bizi ahal izango dute, eta horrek ezagutza praktikoa emango die aukeratu duten jarduera profesionala garatzeko orduan, halakorik ezin baita eskoletan jaso.
Gainera, hitzarmena bera erakundeen arteko lankidetzaren adibidea da. Bi erakunde, bakoitza instituzio jakin baten menpekoa, eta egoitzak ere lurralde banatan dituztela, helburu bakarrarekin ari dira lankidetzan: gure herrialdean trebatzen diren musikari berrien prestakuntza hobetzea.
Euskal Herriko Goi-mailako Musika Ikastegiko ikasleek BOSen jarduera hauetan hartu ahal izango dute parte:
a)     Musikeneko ikasleek instrumentista gisa jardungo dute BOSen abonuko kontzertuetan. Ikasleen aukeraketa Musikenen egingo da, hautagai guztiek ezagutuko duten prozedura publikoaren bitartez; modu horretan, interesdun guztien lehia librea bermatuta egongo da.
b)     Musikeneko Zuzendaritzako azken ikasturteetako ikasleek BOSek antolatutako “Kontzertu Pedagogikoak” ekimeneko kontzertuetako batzuk zuzenduko dituzte, eta beste zenbait lan ere egin ahal izango dituzte; esate baterako, BOSen maisu titularraren edo maisu gonbidatuen laguntzaile gisa aritu denboraldiko zenbait egitarautan. BOSek eta Musikenek erabakiko dituzte kontzertu-kopurua eta datak, bien adostasunez.
c)     Musikeneko Zuzendaritzako ikasleek hiru entsegu-egun egin ahal izango dituzte denboraldi bakoitzeko, BOSen orkestrako plantillarekin. Jarduera hori Musikeneko Orkestra Zuzendaritzaren irakasle titularrak koordinatuko du, BOSen zuzendaritzarekin bat etorriz.
d)     Musikeneko Pedagogia Saileko ikasleek BOSek antolatutako “Tailer Pedagogikoak” ekimenean hartuko dute parte, tailer horien arduradunarekin lankidetzan.
Ikasleen partaidetza izango duten BOSen Denboraldiko kontzertuak eta obra zehatzak, bai eta zein atriletan arituko diren ere, definituta daude jada. Egiaztatu daitekeenez, obra guztiak apartekotzat har daitezke, eta musikari profesionaletako askok urteak behar izaten dituzte bertan parte hartu ahal izateko:
 

BOSen Denboraldia 4.

Azaroak 14 eta 15
 
S. Prokofiev: 5. sinfonia, op. 100
 
Tchetuev, pianoa
Günter Neuhold, zuzendaria
 
Entseguak: azaroak 11, 12, 13 eta 14
 
Musikeneko ikasleak:
Klarinete 1
Perkusionista 1 edo 2
Biolin I 1
Biolin II 1
Biolontxelo 1
 
 

BOSen Denboraldia 6.

Abenduak 12 eta 13
 
G. Mahler: 5. sinfonia
 
Ana María Valderrama, biolina
Michel Tabachnik, zuzendaria
 
Entseguak: abenduak 9, 10, 11 eta 12
 
Musikeneko ikasleak:
Txirula 1
Tronpa 1
2 biolin I
2 biolin II
Biola 1
2 biolontxelo
Kontrabaxu 1
 
 

AMAKen ezohiko kontzertua

Abenduak 30
 
G. Verdi: Requiem
 
Carmen Solis, sopranoa;         Mª Luisa Corbacho, mezzosopranoa;
Andeka Gorrotxategui, tenorra;           Ruben Amoretti, baxua
 
Donostiako Orfeoia (J.A. Sainz Alfaro)
Oliver Díaz, zuzendaria
 
Entseguak: abenduak 27, 28 eta 30
 
Musikeneko ikasleak:
Tronpeta 1
 
 

BOSen Denboraldia 12.

Martxoak 27 eta 28
 
D. Shostakovich: 5. sinfonia, op.47
 
Alberto Urretxo, tronboia
Chi-YongChung, zuzendaria
 
Entseguak: martxoak 24, 25, 26 eta 27
 
Musikeneko ikasleak:
Perkusionista 1
 
 

BOSen Denboraldia 13.

Apirilak 3 eta 4
 
H. Berlioz: Sinfonia fantastikoa, op. 14
 
Soo Jung Ann, pianoa
Carlos Miguel Prieto, zuzendaria
 
Entseguak: martxoak 31 eta apirilak 1, 2 eta 3
 
Musikeneko ikasleak:
2 biolin I
2 biolin II
Biola 1
2 biolontxelo
Kontrabaxu 1
Fagot 1
Tuba 1
Harpa 1
 
 
 

BOSen Denboraldia 16.

Maiatzak 15 eta 16
 
G. Mahler: Lurraren abestia
 
Lilli Paasikivi, mezzosopranoa
Michael Weinius, tenorra
Günter Neuhold, zuzendaria
 
Entseguak: maiatzak 12, 13, 14 eta 15
 
Musikeneko ikasleak:
Harpa 1
 
 
 

ERWIN STEINen GURRE-LIEDERREN “ORKESTRAZIO MURRIZTUA”RI BURUZ (1922/1923)

Ulrich Krämer, Berlingo Schölberg Center Ikerketa Zentroko zuzendaria
 
Gurre-ren abestien grabazio hau orkestra "murriztu" baten lanaren moldaketa oinarri zela egin da (proportzio erraldoiko lan honen kasuan, tamaina arrunteko orkestra bat). Erwin Steinek, konpositorearekin elkarlanean, sortu zuen moldaketa hori, Vienako Universal Edition delakorako. Stein Arnold Schönbergen ikasle izan zen 1906. urtean, baina denborarekin konposizioa utzi zuen, ziur asko, Anton Weber eta Alban Berg bezalako ikasle birekin lehiatzeak eragiten zion presioaren ondorioz.Horren ordez, bere ibilbideari ekin zion musika zuzendari gisa (Kapellmeister).1924. urtean, Universal Edition delakoaren orkestra saileko zuzendaritza hartu zuen bere gain, eta argitaletxearen aldizkarietako (“Musikblätter des Anbruch” eta “PultundTaktstock”) editore buru bihurtu zen, hain zuzen ere, "Musika Berria" zabaltzeaz ardura zutenena.Hala, Stein gero eta aktiboago agertzen hasi zen, musika editore gisa.Bere ekarpen inteligenteek, praktika garaikideak aztertu eta bere garaiko musikari buruzko auzi teorikoak aztertuz, bere lagun eta irakasle Schönbergen lanetan berriro arreta jartzera eraman zuten. Izan ere, beti izan zitzaion leial, baita Londresera derrigorrean emigratu behar izan zuenean eta Boosey&Hawkes musika-argitaletxean lana aurkitu zuenean ere.
1920az geroztik, Steinek orkestrako hainbat partitura moderno egokitu zituen, haize-instrumentuetako talde murriztuentzat, hiri txikietan interpretazioa errazteko.Garrantzitsuenen artean, Alban Bergen Wozzeck operaren “Oldenburg Edition” izenekoa dago.
Lan garaikideak egokitzea zen Steinek egiten zuen lan garrantzitsuenetako bat, Schönbergek 1918. urtearen amaieran sortu zuen "Interpretazio Musikal Pribatuen Sozietatea" delakoan. Sozietate horren zuzendaritza artistikoa Anton Weberrek jarauntsi zuen, hura sortu eta handik bi urtera. Finantza-baliabide urriak zirela-eta, lan sinfonikoak moldaketekin baino ezin ziren interpretatu, pianoa lau eskurekin jotzeko eta ganbera taldeetarako.Hala ere, hasiera-hasieratik, beharrizana bertute egiten saiatu ziren, izan ere, hautatutako lanak egoera normaletan posible zena baino are sakonago entseatu zitezkeen talde murritzekin.Zentzu horretan, zuzendariek entseatzeko izan zituzten baldintzak ezin hobeak izan ziren interpretazio-ikuspegitik, eta gaur egun balio duten estandarrak finkatu zituzten.Sozietateak pianoa eta harmoniuma baliatu ohi zituen, garai hartako aretoko orkestratan sortutakoak. Instrumentuok egurrezko haize-instrumentuz osatutako talde baten eta hari laukote edo boskote baten osagarri ziren.Steinek, halaber, instrumentu horiek erabili zituen Gurre-Liederren moldaketan; kendutako egurrezko haize eta metalezko instrumentuak ordezkatzeko balio dute, eta, pianoaren kasuan, hirugarren eta laugarren harpen ahotsak ordezkatzen ditu.Hari, perkusio, zelesta eta harpa biz gainera, Steinen orkestrazio murriztuak, jatorrizko partiturako egurrezko 5 eta 8 haize-instrumentuen eta metalen sekzioko 7 eta 10 instrumentuen aldean, egurrezko 3 eta 4 haize-instrumentu baino ez ditu, eta metalezko 4tik 6ra bitarteko haize-instrumentu; azken horietan, III. zatiko Ehizaldiari gehitutako 5. eta 6. tronpak ad libitum-en jotzen dira. Neurri horrek, itxura batean, Schönbergen iradokizun batera garamatza.
 
 
 
12. EGITARAUA
BOS 90 URTE
 
ARNOLD SCHÖNBERG
(1685-1759)
Gurre-Lieder
Bakarlari, abesbatza eta orkestrarako
Erwin Steinen bertsioa
Jens Peter Jacobsenen testua
 
Waldemar           Torsten Kerl, tenorra
                                                       (StigFogh Andersenek ordezkatuko du)
Tove                   Anne Schwanewilms, sopranoa
Waldtaube           Lilli Paasikivi, mezzosopranoa
Bauer                  Fernando Latorre, baritonoa
Klaus-Narr           Arnold Bezuyen, tenorra
Narratzailea                 Jon Fredric West, tenorra
 
Easo Abesbatza
(Xalba Rallo, zuzendaria)
Andra Mari Abesbatza
(Jose Manuel Tife, zuzendaria)
Araba Abesbatza
(Aitor Sáez de Cortázar, zuzendaria)
 
Bilbao Orkestra Sinfonikoa
Günter Neuhold, zuzendaria
 
 
 

 
 
 
 
 
I. Teil / I. zatia / I.Parte
 
Orchester-Vorspiel / Orkestra Preludioa / Preludio Orquestal
I.          Waldemar                  Nun dämpft die Dämm’rung
II.         Tove                           O, wenn des Mondes Strahlen
III.        Waldemar                  Roß! Mein Roß!
IV.       Tove                           Sterne jubeln
V.        Waldemar                   So tanzen die Engel vor Gottes Thron nicht
VI.       Tove                           Nun sag ich dir zum ersten Mal
VII.      Waldemar                  Es ist Mitternachtszeit
VIII.     Tove                           Du sendest mir einen Liebesblick
IX.       Waldemar                  Du wunderliche Tove!
            Orchester-Zwischenspiel / Orkestra etenaldia / Intermedio Orquestal 
X.        Lied der Waldtaube Tauben von Gurre!
                                               
        ———-
 
II. Teil / II. zatia / II. Parte
 
Waldemar                  Herrgott, weißt du, was du tatest
 
 
III. Teil / III. Zatia / III. Parte
 
Wilde Jagd / Ehiza basatia / La caza salvaje
 
I.          Waldemar                  Erwacht König Waldemars Mannen wert!
II.         Bauer                          Deckel des Sarges klappert
III.        Waldemars Mannen / Waldemarren Menpekoak / Vasallos de Waldemar
Chor / Korua / Coro   Gegrüßt, o König
IV.       Waldemar                  Mit Toves Stimme flüstert der Wald
V.        Klaus-Narr                  Ein seltsamer Vogel ist so’n Aal”
VI.       Waldemar                  Du strenger Richter droben
VII.      Waldemars Mannen / Waldemarren Menpekoak / Vasallos de Waldemar
Coro / Korua / Coro Der Hahn erhebt den Kopf zur Kraht
VIII.     Melodram / Melodrama
Des Sommerwindes Wilde Jagd
Sprecher / Narratzailea / Narrador               
Herr Gänsefuß, Frau Gänsekraut
IX.       Gemischter Chor / Koru mistoa / Coro mixto                    
Seht die Sonne
 

Ikastaroaren edukia
 
Bidaiatzen dugunean, bisitatzen ditugun paisaiei edo hiriei begiratzen diegu eta argazkiak egiten ditugu.
 
Hitzaldi-ziklo honetan, ibilbidea egingo dugu hainbat herrialdetako musiketatik, aditasunez entzutea soinu-begirada bihurtu dadin.
 
Gure bidaia-koadernoan, etxera itzuli aurretik, Italia, Frantzia, Erdialdeko Europa eta Estatu Batuetatik heltzen zaizkigun soinu atsegineko irudiak jasoko ditugu, gure herrikideen soinu-sormenaz gozatzeko.
 
Soinu eta lekuen inguruan egindako behaketa islatzen duten musika-postalak toki bakoitzean sortutako genero eta estiloen adierazgarriak izango dira, eta hiri batzuei betiko lotutako konpositore batzuen piezak bilduko dituzte.
 
Gure ibilbidean bisita gidatuak egingo dira entzumen-pautetatik, eta edozein musikazalerentzat izango dira eskuragarriak, nahiz eta musika-prestakuntzarik ez izan.
 
Datak, ordutegia, lekua eta prezioa
·       6 saio, astearteetan: 2013ko urriak 22 eta 29, azaroak 12, 19 eta 26 eta abenduak 3.
·       19:00etatik 20:15era.
·       Bilboko Arte Ederren Museoko auditoriuma.
·       Izena emateko data: urriaren 7tik (astelehena) aurrera.
·       Prezioa: 45 € (BOSen abonatuak eta Bilboko Arte Ederren Museoaren lagunak)
65 € (Jendearentzat oro har)
 
Plaza-kopurua bete arte.
 
Informazio gehiago eta izen-emateak:
BOSen bulegoak. Euskalduna Jauregia. Abandoibarra etorbidea 4
Tel.: 94 4035 205 – 09:00etatik 14:00etara.

BOSek urriaren 1erako antolatutako ezohiko errezitaldiak “Ez dago sarrerarik” kartela eseki du txarteldegietan irailaren 16az geroztik.
Lang Lang piano-jotzaile txinatarraren errezitaldia ezohikoa eta abonutik kanpokoa da. Errezitaldiak bat egiten du artistak BOSen denboraldian egindako aurreko agerpenaren hamargarren urteurrenarekin. Orduan, etorkizun bikaineko bakarlari gaztea zen, eta Rachmaninoven Hirugarrena lan ahaztezina interpretatu zuen. Orain, berriro izango da gure artean, munduko artista garrantzitsuenetakoa bihurtuta.
 

ESKERRIK ASKO, HIRU MUSIKARI MAITERI
Kontzertu hauek abonamenduko azken kontzertuak dira, eta, bertan, gure orkestrako hiru biolin-jotzaile historikok parte hartuko dute. Emakumezko bi irakaslek eta gizonezko irakasle batek erretiratzeko adina izango dute denboraldiaren amaieran, eta, beraz, erabil bitez lerrook gure agur beroa emateko.
MARÍA MADRU
1982. urtean orkestrarekin lehen harremana izan ondoren, jaioterrira (Errumania) itzuli behar izan zuen, arazo pertsonalak zirela-eta. 1987. urtean hasi zen berriro BOSen behin betiko, zailtasunez beteriko egoera batean. Concertinoa jotzen orkestraren buru izan da ia azken 20 urteotan, eta hurrengo hitzak utzi dizkigu, agur gisa:
“Nire ibilbide profesionalaren amaierara heldu naiz, nire familiaren maitasunik, laguntzarik eta ulermenik gabe urratu ezin nezakeen ibilbidearen amaierara. Pedro Goiricelayari, Anton Amanni, Juan María Betanzosi eta Alicia Gonzálezi nire esker ona eman nahi diet, posible egin baitzuten ni Bilbao Orkestra Sinfonikora itzultzea. Halaber, une latzetan lagundu zidaten eta lagundu didaten aspaldiko eta gaurko lankideei ere eskerrak eman nahi dizkiet, baita Bilboko ikus-entzuleei ere, izan ere, beraien berotasuna beti izan dut lagun eta beti animatu naute.
Eskerrik asko, eta ez adiorik."
ANA ROSA ILLORO
Orkestraren historia bizia. Biolin-jotzaile gisa zuen eserlekutik, BOSen bizitzako 42 urte iragaten ikusi du. Berrogeita hamargarren urteurrenean egon zen, eta, orain urtebete, gure 90. urteurrena ospatu zuen.
Irakasle moduan izan duen bizitza luze-luzean, bost zuzendari titular ezberdinekin aritu izan da: Pedro Pírfano, Urbano Ruiz Laorden, Theo Alcántara, Juanjo Mena eta Günter Neuholdekin, alegia, eta ezin konta ahala aldiz jo du errepertorio handia: adibidea baino ez bada ere, 36 aldiz jo du Dvoráken “mundu berriaren" sinfonia. Ana Rosa da Orkestra 1982. urtean beste herrialde batzuetako musikariei ireki baino lehenagoko etapako azken irakaslea.
RICARDO TALLEDO
Perutarra jaiotzez eta bilbotartzat hartua, bere lagun askorentzat Richi izenaz ezagutzen dena irudi nahastezina izan da azken 30 urteotan lehen biolin-jotzaileen sekzioan, bere adats luzea motots elegante batean jasoa beti. Biolinaz erabat maitemindurik, musikarekiko eta bizitzarekiko gogo bizia bere inguruan zeudenei kutsatzen jakin izan du, baita zuzendari eta bakarlari gonbidatuei ere, beti ematen baitizkiote goraintziak.
Gure eskerrik zintzoena hiruroi, arte eta profesionaltasun urte hauengatik guztiengatik.
 

Osasun-arazoak direla eta, Elisabeth Leonskajak bertan behera utzi behar izan du bakarlari moduan eskaini behar zuen emanaldia, BOSek aste honetako ostegun eta ostiralerako antolatutako kontzertuetan. Bere ordez, Nilolai Demidenko piano-jotzaile errusiar ospetsuak joko du gure denboraldi sinfonikoko programa honetan.
 
Nilolai Demidenkoren biografia
Nikolai Demidenkok Dimitri Bashkirovekin ikasi zuen Moskuko Kontserbatorioan. 1976an, Montrealgo Nazioarteko Piano Lehiaketan saritu zuten, eta, 1978an, Tchaikovsky Lehiaketan. Gaur egun, Surreyko Unibertsitateko irakasle gonbidatua da, eta 2008. urteaz geroztik bizi da Espainian.
Nikolai Demidenkok munduko orkestra nagusiekin jo izan du, eta, euren artean, honako hauexek nabarmentzen dira: Londresko Filarmonikoa, Londresko Sinfonikoa, Israelgo Filarmonikoa, Eskoziako BBCko Sinfonikoa, Danimarkako Errege Orkestra, Sao Pauloko Sinfonikoa, Singapurreko Sinfonikoa, Suediako Irratiko Sinfonikoa, San Petersburgeko Filarmonikoa, Salzburgeko Kamerata Akademikoa eta Varsoviako Sinfonikoa. Horrez gain, honako zuzendari hauen zuzendaritzapean lan egin du: Sir Andrew Davis, Andrey Boreyko, Vladimir Fedoseyev, Thierry Fischer, Daniel Harding, Manfred Honeck, Mariss Jansons, Gianandrea Noseda, Gerad Schwarz, Yuri Termikanov eta Osmo Vanska.
Era berean, honako hiri hauetan eskaini ditu emanaldiak: Amsterdam, Toronto, Virginia, Praga, Hong Kong, Sydney, Adelaida, Brisbane, San Francisco, San Petersburg, Vancouver eta Zagreben, besteak beste. Bestetik, honako leku hauetako jaialdietan parte hartu du: Salisbury, Sintra, Cambridge, Hanty Mansijsk, Pariseko Chopin, Dusznicki eta Valldemossa, baita Osloko Ganbera Musikaren Jaialdian ere. Gainera, Nikolai Demidenkok Municheko Herkulessaalen jotzen du urtero. 2001. urtean, errezitaldiaren bidez egin zuen New Yorkeko debuta, eta Los Angeles Performing Arts Centerren eskaini zuen emanaldia. Londresen, ordea, sarritan jotzen du Wigmore Hallen. Bertan, hainbat emanaldi egin ditu, eta, euren artean, “Gramophone Sarietako Irabazleen Jaialdian”, “Chopin Zikloan” eta Barbicanen eskainitakoak nabarmentzen dira.
Nikolai Demidenkok honako musikagile hauen lanen diskoak grabatu ditu Hyperion disko-etxearekin: Bach-Busoni, Chopin, Clementi, Liszt, Medtner, Mussorgsky, Prokofiev, Rachmaninov, Schubert eta Schumann. Horrez gain, Chopin, Medtner, Scriabin, Chaikovski eta Weber musikagileek piano zein orkestrarako sortutako kontzertuak ere grabatu ditu, baita Prokofieven kontzertuen integrala ere, Londresko Orkestra Sinfonikoarekin. Beethovenen Diabelli bariazioak. Bere grabazioek Grammophone Saria (Medtner, piano eta orkestrarako 2. kontzertua) eta Classic CD Saria (Tchaikovsky eta Scriabinen kontzertuak) irabazi dituzte. Chopinen lanen inguruan egin duen grabazioak Diskoen Kritikako Sari Alemaniarra jaso du. 2008. urtean, Chopinen 24 preludioak eta si minorreko 3 sonata grabatu zituen Onyx Classicsentzat, eta Grabazio Berrirako Chopin Sari Berezia eman diote horregatik.
Bere azken konpromisoen artean, honako emanaldi hauek nabarmentzen dira: Salzburgeko Kamerata, Deutsche Kammerphilharmonie, Royal Philarmonic, Frantziako Orkestra Nazionala, Galesko BBC, Londresko Orkestra Sinfonikoa, Sao Pauloko Orkestra Sinfonikoa, Hallé Orchestra eta Erromako Santa Zezilia Orkestra. Era berean, honako hauexekin eman ditu kontzertuak: Bournemoutheko Sinfonikoa, Israelgo Filarmonikoa, Helsinkiko Filarmonikoa, Royal Liverpool eta San Petersburgeko Filarmonikoarekin, Termikanovekin batera.
Denboraldi honetan, honako hauexekin jo du: BBC Walesko Orkestra Nazionala, Budapesteko Jaialdiko Orkestra, Danimarkako Sinfoniko Nazionala, San Petersburgeko Filarmonikoa, Melbourneko Sinfonikoa, Frantziako Orkestra Nazionala eta Singaporeko Sinfonikoarekin, besteak beste. Halaber, Ingalaterran eta Irlandan egin du bira, Pragako Sinfonikoarekin.
 
Nikolai Demidenko – Chopin Piano Concerto No.1 in E minor Op. 11 (Mvt 2)

Eraskin bat erantsi da hemen

Eraskin bat erantsi da hemen