Kategoria: albistea

Gure konpositore unibertsalaren jaiotzaren bigarren mendeurrena ospatzeko, BOSek bilbotarrari buruzko kontzertu didaktikoa prestatu du. Fernando Palacios musika-pedagogian adituak idatzitakoa da ipuina, lehenago ere Sherezade, Pulcinella edo Animalien inauteria lanetarako testuak ere idatzi dituena. Juanito Arriagaren bidaiak izenburua duen (horrela deitzen zuten senitartekoek) ipuin honek, besteak beste, musikari gazten abenturak kontatzen dizkigu, 16 urte baino ez dituela Parisera ikasketak osatzera doan mutiko baten abenturak, alegia. Abentura handiak, XIX. mendearen hasiera aldera.

Ipuin musikalen helburua gazteenak narrazioari adi egotea eta hitzekin batera musika entzun dezaten lortzea da. Kasu honetan aukeratutako musika txatalak Esklabo zoriontsuak oberturakoak, Obertura op.1-ekoak eta Orkesta handirako Sinfonia Ren lanetakoak dira.

Ipuin honekin disko-liburua kaleratu da, AgrupArte euskal argitaletxearen disko-liburuen bilduman.

BOSek erabaki du obra honexekin hasiera ematea aurtengo Kontzertuak Familian denboraldiari. Aukera paregabea da neska-mutikoek Arriaga izandako beste ume horren musika entzun dezaten.

Familian entzuteko kontzertu hau datorren larunbatean izango da, azaroaren 20an, 12:30etan, Euskalduna Jauregiko Antzoki aretoan. Sarreraren prezioa 4 euro da, eta BOSen abonatuentzat 3 euro. Sarrerak salgai daude dagoeneko (BBK-n, BOSen ganberako kontzertuen sailean).

Zuzendaria Pether Thomas izango da, eta narratzailea Ana Hernández.

Egilea: Juan Crisóstomo de Arriaga bilbotarra duela 200 urte jaio zen, eta Parisen hil zen, 20 urte bete aurretik. Haren obrak argi erakusten digu Parisko Kontserbatorioko irakasle izatera heldu zen gaztearen baitan konpositore handi bat bazela.

Arriagak, bizitza laburrean, edertasunez eta goxotasunez betetako obrak utzi zizkigun. Haien artean, koartetoak dira nabarmenenak, erreferentziako obrak ganbera-musikan.

Ostegunean, azaroaren 11n, BOSen webgunearen zerbitzariak hacker kurdu batzuen erasoa jasan zuen. Eraso horrek, Orkestraren webguneaz gain, beste webgune askori eragin zien, eta, hain zuzen ere, ekintza hauek egin zituzten:
•                Webgune horietako guztietako artxiboak hondatu zituzten, eta, ondorioz, erabiltzaileak ezin ziren orrialdeetara sartu.
•                Hackerrek log-artxibo guztiak ezabatu zituzten, arrastorik ez uzteko.
Log-artxiboak eta beste artxibo kritiko batzuk ezabatzerakoan, zerbitzariaren sistema eragilea ezin erabiltzeko moduan utzi zuten, eta, beraz, zerbitzuek ez zuten funtzionatzen.
Erasoa gertatu zen unetik, webgunearen arduradun teknikoak lanean aritu izan dira sortutako arazoak konpontzeko, eta atzo, asteazkena, hilaren 17an, BOSen webgunearen zerbitzua berriz jarri zen martxan.
Horrelako eraso gehiago gerta ez dadin, beste zerbitzari bat prestatzen ari gara, webgunearen migrazioa egiteko; izan ere, oraingoa ezin da segurtasun osoz konpondu, eta laster beste zerbitzari horretara eramango ditugu edukiak. Une horretara arte, gure webguneak ezegonkortasun eta moteltasun arazoren bat izan dezake, baina gure bisitariek ez dute inongo segurtasun arazorik izango.
Gure webgunera sartzen diren erabiltzaileei barkamena eskatzen diegu, azken egunotan gure web orria “desagertu” egin delako eta, webgunea zerbitzari berrian instalatu arte, zerbitzuak zenbait gorabehera izan ditzakeelako.
BOSen webguneak 23.598 bisita izan ditu aurten, eta 75.000 orrialde baino gehiago bistaratu dira. Atzo, lineatik kanpora 5 egun igaro ostean, zerbitzua berriz martxan jartzen hasi zenean, bisiten kopurua 120ra heldu zen.

Zer nahi dugu?

Musikagileek musikari kolore jakin bat emateko erabiltzen dituzten tresnak ezagutzea: harmonia, melodia, erritmoa, tonalitatea, tinbrea. Horiei esker, musika era bizian, nostalgikoan, sutsuan, poetikoan… hartzen dugu.
Entzunaldi aktiboa ahalbidetzea, musikaz gehiago gozatzeko.
Kontzeptu horien bitartez, estetika musikalari buruzko gaiak aztertzea, Bilboko Arte Eder Museoaren lanen proiekzioetan oinarrituz

Nori dago zuzenduta?

Musika zaletasuna duen eta zaletzeko interesa duen edozeini. Ez da behar prestakuntza berezirik.
Musikaren mundua hobeto ezagutu eta mundu horretaz gehiago gozatu nahi izatea baino ez da behar.

Nola antolatzen sa Zikola?

6 saio, urriaren 27an, azaroaren 3, 10 eta 17an eta abenduaren 1 eta 15an (asteazkenak) Mercedes Albaina adituaren eskutik.
Ordutegia: 19:15etik 20:30era.
Lekua: Bilboko Arte Eder Museoko auditorioa.
Gonbidapena BOSen entsegu orokorretara.

Inskripzioa

Urriaren 13tik (asteazkena) aurrera.
6 saioen prezioa:

40 €: BOSen abonatuak eta Bilboko Arte Eder Museoaren lagunak.
60 €: publikoa orokorrean.

Plaza-kopurua bete arte.

Informazio gehiago eta inskripzioa

En las oficinas de la BOSen bulegoak
T.: 94 403 52 05
Palacio Euskalduna Jauregia
Abandoibarra etorbidea 4
Ordutegia/Horario 9:00 – 14:00 BOSen eta Bilboko Arte Eder Museoaren arteko lankidetza

Eraskin bat erantsi da hemen

Eraskin bat erantsi da hemen

Paquito D’Rivera ha aplazado su gira europea. Por lo tanto el concierto que tenía previsto ofrecer junto con la BOS el próximo 19 de octubre en el Teatro Arriaga de Bilbao ha sido suspendido.

Para aquellos que ya hayan adquirido entradas para este concierto, informarles que el importe de las mismas será devuelto en la propia taquilla en el caso de haber sido alquiridas en ésta, mientras que el importe de las adquiridas por otros canales de venta será reembolsado automáticamente en la cuenta bancaria en la que fue cargado.

El horario de las taquillas del Teatro Arriaga es de lunes a domingo de 11:30 h a 14:00 horas por la mañana. Por las tardes, abren lunes, martes, sábados y domingos de 17:00 a 19:00 h, y miércoles, jueves y viernes, de 17:00 h a 20:30 horas.

Manuel López Pardiñas Euskal Herriko Elkargoko notario jaunak egindako zozketan, “Bidaiatu Bartzelonara BOSekin” promozioaren irabazlea eta hiru ordezkoak zehaztu dira.
Emaitzak honakoak izan dira:
•    Sariaren irabazlea: Natividad Buruaga Larrauri andrea (parte-hartzaileen zerrendako 104. zenbakia)
•    Lehenengo ordezkoa: José Ramón Urrutia Aguirre jauna (parte-hartzaileen zerrendako 503. zenbakia)
•    Bigarren ordezkoa: Joseba A. Irusta Goietxe jauna (parte-hartzaileen zerrendako 264. zenbakia)
•    Hirugarren ordezkoa: María del Carmen Larburu Sánchez jauna (parte-hartzaileen zerrendako 284. zenbakia)
BOS irabazlearekin harremanetan jarriko da, eta irabazleak sariari uko egiten badio, ordezkoekin jarriko da harremanetan, hurrenkerari jarraituz, bidaia honetan gurekin etorriko den pertsona aurkitu arte.
Promozioaren baldintza nagusiak gogorarazten dizkizuegu:
Sari bat (1) zozketatuko da. Bartzelonarako bi lagunentzako bidaia bana izango dira, hiru egun eta bi gauekoak. Saria BOSeko abonatuentzat izango da soilik.   
Hauek dira bidaiaren ezaugarriak:
   
•    Joan-etorriko 2 txartel, turista-mailan, Bartzelonarako hegaldi erregularrean, Bilboko aireportutik irtenda.
•    2 gau Bartzelonako NH PODIUM hotelean, ohe eta gosari erregimenean, gela bikoitzean.
•    2 sarrera BOSek Bartzelonako L’Auditorin emango duen kontzerturako (maiatzaren 29an, 19:00etan).    

Hauek dira bidaiaren baldintzak:

1)    Bidaia 2010eko maiatzaren 28tik 30era bitartean egingo da.
2)    Titular irabazleak eta bidaide gisa berak izendatutako pertsonak baino ez dute izango bidaia egiteko aukera.
3)    Sarian sartutako kontzeptuetatik at dagoen eta sariarekin erlazionatuta dagoen beste edozein gastu gehigarri irabazleak berak ordainduko du.
4)    Irabazleak bere identitatea egiaztatu beharko du BOSen aurrean, hala eskatzen badiote.
5)    BOS salbuetsita geratzen da parte-hartzaileek bidaian izan dezaketen edozein ustekaberen gaineko erantzukizunetatik.
6)    BOSek hegaldiaren erreserba edota ostatu mota aldatzeko eskubidea dauka.
7)    Irabazleak, hala nahi izanez gero, sariari uko egin ahal izango dio. Irabazleak sariari uko egiten badio, ez du inongo konpentsaziorik jasoko horren truke.
8)    BOSek erabakiko du sariak ekitaldi publikoan emango diren eta gertakari hori grafikoki jasoko den. Kasu horretan, ekitaldiko irudiak www.bilbaorkestra.com webgunean edo beste komunikabide edo komunikazio-euskarri batzuetan argitaratu ahal izango lirateke (BOS arduratuko litzateke horretaz), eta irabazleak onartu egin beharko luke hori.   
9)    Irabazleari modu nominalean emango zaio saria. Titular irabazleak eta laguntzaile gisa berak izendatutako pertsonak baino ez dute izango sarirako aukera. Sariaren titularrak ezin izango dio saria beste inori laga edo trukatu.
10)    Parte-hartzaile bakoitzak sari bakarra baino ezin izango du irabazi, formularioa behin baino gehiagotan bete badu ere.

Ring batek osatutako eszenatokian arituko da BOSen hari taldea, 6 urtetik gorakoentzat gomendatutako Kontzertua Familian honetan. Alegiazko boxeolariak zortzi musikagile handi izango dira; izan ere, beraien lan ederrenetako batzuen zatiak interpretatuko dira:

Antonio Vivaldi: Alla rustica (Presto)
Benjamin Britten: Sinfonia sinplea (Pizzicatto)
Wolfgang Amadeus Mozart: Divertimento in D- KV 136 Allegro (c. 13 – 36)
Johann Sebastian Bach: Brandemburgoko kontzertua, 3. zk., 1. mugimendua
Béla Bartok: Dantza errumaniarrak (II. Brâul, I. Joc Cu Bâta, IV- Buciumeana, V – Poarga Românesca)
Astor Piazzolla: Tangoa
Pablo Sarasate: Zapateado
Edvuard Grieg: Suite Holberg (V Rigaudon, Praeludium)

Musika-borroka honen narratzailea Belén Otxotorena izango da, eta Javier Irigoienek eta Belén Otxotorenak berak idatzitako testua aurkeztuko dute.

Generoa: Opera

Maiatzak 15tik 16ra

Txekiar Errepublikako Leos Janácek konpositorea XX. mendeko musikaren ordezkaririk aipagarrienen artean agertzen da, eta “Diario de un desaparecido” estreinatu zuen Brnoko Antzokian, 1921. urteko apirilaren 18an kontzertu bertsioan eta, 1926ko urrian bertsio eszenikoan, Liublianan. Tenore, mezzosoprano, emakumeen koru (3 ahots) eta pianorako egindako abestien zikloa da, Ozef Kaldaren poemetan oinarritua. Orain eskainiko dizuegun produkzioa Madrilgo Errege Antzokian estreinatu zen 2008an, bertsio eszenikoan.

Bilbon, 2010eko apirilaren 22an

Orkestraren 2010-2011 denboraldi sinfonikoa aurkezteko prentsaurrekoan, Bilbao Orkestra Sinfonikoaren zuzendaritzak jakinarazi du akordioa lortu duela Neuhold maisuarekin, BOSen zuzendari artistiko eta titular gisa egiten duen lana hiru urte gehiagoz luzatzeko, gaur egun daukan kontratuaren hiru urteez gain.
Maisua oso pozik agertu da, bai BOSen arduradun politiko eta teknikoekin lortutako koordinazioagatik, bai zuzendaritza lanetan daramatzan ia bi urteetan Orkestrarekin egin duen lanagatik; era berean, taldearen eta zuzendariaren artean lortutako elkar ulertze handia nabarmendu du. Bere hitzetan, Orkestran egin nahi duen lana, eraginkorragoa izan dadin, “su geldoan” egin beharrekoa da; izan ere, hori da orkestra sinfonikoa bezalako erakunde baten helburuak lortzeko era bakarra.

Günter Neuholden curriculuma:
http://www.bilbaorkestra.com/esp/prensa.php

Iker Sánchez, zuzendaria
Irunen jaio zen 1976an, eta bertan hasi zen tronpeta-eskolak jasotzen. Donostian, Bordelen eta Munichen espezializatu zen, eta, besteak beste, Euskadiko eta Bilboko Orkestra Sinfonikoekin edo Müncher Symphoniker-ekin kolaboratu du. 2004an, orkestra-zuzendaritzari ekitea erabaki zuen.
 
2007tik 2009ra, Bilbao Orkestra Sinfonikoaren zuzendari laguntzailea izan zen. Harrezkero, egitarau askotan zuzendu du BOS, kontzertu didaktikoetatik hasi eta abonuko denboraldian egindako aurkezpenera arte.
 
BOS ez ezik, Euskadiko Orkestra Sinfonikoa, Tenerifeko Orkestra Sinfornikoa, Donostiako Ganbera Orkestra (orkestra honekin Talde Gazteen bigarren sari nazionala jaso zuen 2007an), eta Gasteizko Ganbera Orkestra zuzendu ditu, eta bakarlari moduan ere aritu da, Terence Blanchard edo Paty Austinen mailako bakarlariekin batera. Denboraldi honetan, halaber, Asturiasko Printzerriaren Orkestra Sinfonikoa zuzenduko du, bai eta JONDE ere.
   
Zuzendari arloan, prestakuntza handia dauka; izan ere, ikastaro ugari egin ditu maisu handiekin, besteak beste, Jesús López Cobos, Arturo Tamayo eta Enrique García Asensiorekin. Era berean, Parisko IRCAMek antolatutako ikastaroa ere egin du, Peter Eötvos eta Szolt Nagy zuzendariekin, Luxenburgoko Philarmonique Orchestrerekin.
 
 
2008/09 denboraldiaz geroztik, EIO (Euskalherriko Ikasleen Orkestra) Orkestra Sinfonikoaren zuzendaria da. EIO Euskal Herriko Kontserbatorioetako ikasleek osatutako orkestra da.