Kontzertuak
AY, BABILONIO QUE MAREA
Arriaga Antzokia. 19:00 h.
1917.urtean, hitz berri bat jaso zuen Gaztelaniaren Hiztegiak: sicalipsis. Hitzaren jatorria bilatzen baduzue, RAEk azalduko dizue sorkuntza arbitrarioa dela, baina akademiako kide batzuen iritziz etimologia grekoa du. (Interneten bilaketa erraza eginda segituan jakingo duzue hitz horrek zer kontzeptu batzen dituen). Erreferentzia horretatik abiatuta iritsi gara genero sikaliptikora, XX. mendearen hasieran Madrilgo agertoki herrikoietan modan jarri zen horretara. Irudika ditzagun ordukako antzerki-arratsalde haiek, txotisa, Gran Via kalea, sortzen hasiak ziren anarkisten elkarteak monarkiarekin bizikidetzan, greba-jarduera eta langileen mugimendua, eta, bien bitartean, La corte de Faraón zarzuelaren estreinaldia, Putifar jenerala eta Jose kastoa protagonista zituena. Taberna, kafetegi, sereno eta piztutako farolek jantzitako gauak izango ziren, ziur.
Gau honetan, lizunkeria jator eta naturalez betetako orduko gau haiek gogoratu nahi ditugu. Musikak, berezko duen oroitarazteko boterearen bidez, erdi ilunpean egoten ziren dantza-aretoetara eramango gaitu, barre egin eta vaudeville kutsuko gozamen lotsagabearekin bat egiteko prest zegoen jendez betetako lekuetara. Eta, batez ere, Arriaga antzokiak gau dibertigarriarekin itxi nahi du denboraldia, alaitasuna agertokitik besaulki-patiora eramanez. Horretarako, Zarzuela handietako konposizio ahaztezinekin osatu da errepertorioa. Arriaga antzokira etorriko diren entzuleentzat ezagunak izango dira Zarzueletako pieza isekari eta lizunak, guztion memorian gordeta dauden Zarzueletako piezak baitira, besteak beste, Los sobrinos del Capitán Grant, El dúo de la africana, La Gran Vía, Luisa Fernanda eta La corte de Faraón Zarzueletakoak eta genero sikaliptiko esan zitzaionaren beste bitxi batzuetakoak.
Zuzendaritza musikala: Iker Sánchez Silva
Bakarlariak: Vanessa Goikoetxea, Andeka Gorrotxategi, Itziar de Unda, Andrea Jiménez, Christopher Robertson.
Abesbatza: Sociedad Coral de Bilbao
Orkestra: Bilbao Orkestra Sinfonikoa (BOS)
Produkzioa: Teatro Arriaga
DATAK
Ezagutu hemen harpidedunak BOS izatea abantaila guztiak
Gertakarien egutegia
Erlazionatutako ekitaldiak
Bach: Pasioa pasioz
Lekua: Euskalduna Jauregia Bilbao
Ana Quintans, sopranoa
Rodrigo Carreto, tenorra
José Coca Loza, baxua
Peter Harvey, baxua
San Juan Bautista Abesbatza (Basilio Astúlez, zuzendaria)
Carlos Mena, zuzendaria eta kontratenorra
JOHANN SEBASTIAN BACH (1685 – 1750)
Pasioa San Joanen liburutik, Oratorioa bi zatian, bakarlari, abesbatza eta orkestrarako BWV 245
I
1. zenbakitik 20.era
II
21. zenbakitik 68.ra
BOSLARIS XII – Amaierako kontzertua
Lekua: Juan Crisóstomo de Arriaga Musika Kontserbatorioa
Musikari-amateurrei zuzenduta dagoen eta ganbera-musikaren arloan hasi, praktikatu eta hobetzera bideratuta dagoen prestakuntza programa aitzindari honekin, BOSek musikaren praktika sustatu nahi du musika profesionaletik aparteko gizarteko esparruetan; era berean, loturak sortu nahi ditu BOSeko irakasleen eta zaleen artean, eszenatokiaren eta publikoaren arteko bereizketa apurtuz.
Falla gogoratuz
Lekua: Euskalduna Jauregia Bilbao
Manuel de Fallaren jaiotzaren 150. urteurrenean, bi musikari bikainen etorriaren iturri izan den cadiztarra gogoratuko dugu: Moisés P. Sánchez piano-jotzailea, jazz-moldea jotzen duena (kasu jazz-hirukotearekin interpretatzen duen ganberako errezitaldiari!) baina musika klasikoaren inguruko prestakuntza jasotakoa; Fallaren omenezko kontzertua estreinatuko dugu egitarauan. Bestetik, Cádizko konpositorearen Fantasía Baética lanaren gainean Francisco Collek egindako orkestrazioa eskainiko dugu. Errepertorio luzean, Beethovenen laugarrena entzungo dugu Nuno Coelhoren batutaren aginduetara.
M. de Falla / F. Coll
Fantasía Baética
M. P. Sánchez
Concierto para piano y orquesta “A Manuel de Falla”
(Estreno Absoluto. Obra por encargo de la Fundación AEOS y la SGAE)
L. van Beethoven
Sinfonía nº 4 en Si bemol Mayor Op. 60
Moisés P. Sánchez, pianoa
Nuno Coelho, zuzendaria
Londres eta Symphonie espagnole
Lekua: Euskalduna Jauregia Bilbao
Atlantikoko ardatza hegoaldetik iparraldera zeharkatzen duen programa. Pablo Sarasate sonatuak inspiratu zuen Edouard Lalo frantziarra, eta horregatik dedikatu zion Symphonie espagnole zoragarria. Vaughan Williamsek Londres hiriaren oroitzapen gorena marraztu zuen haren bigarren sinfonian, eta Ingalaterrako musikaren enblema bihurtu zuen. Horretaz guztiaz gozatuko dugu Catherine Larsen-Maguireren batutaren bidez, errepertorio horren jakitun bikaina baita.
R. V. Williams
The Wasps, Obertura
E. Lalo
Symphonie espagnole
R. V. Williams
Sinfonía nº 2 “A London Symphony”
Ellinor D’Melon, biolina
Catherine Larsen-Maguire, zuzendaria