Larunbat honetan, maiatzaren 21ean, BOSek, Musikahazi jarduera didaktikoen programako beste zenbait berrikuntzaren artean, bere lehenengo Kontzertua Denontzat eskainiko du. Kontzertu didaktikoak baino harago doazen kontzertuak dira. Izan ere, kontzertu didaktikoak umeentzat beren-beregi pentsatutako lanak dira; bertan, musikak narrazio bati ematen dio protagonismoa, narrazio hori izanik argumentuaren hari nagusia. Alabaina, Kontzertuak Denontzat ekimenean, hasierako planteamendua oso bestelakoa da.

Larunbat honetako kontzertua, musika, eta soilik musika, izango da protagonista. Modu horretan, musikarekin batera entzun ahal izango den narrazioak zeregin bakarra dauka: lanaren zirrikituetan sakontzen lagundu, besterik ez; horretarako, musikari eta egiturari buruzko gakoak emango dizkigu, bai eta egileari eta garaiari buruzko datuak ere, entzuten ari garen lana hobeto ulertu ahal izateko.

Kontzertu hau maiatzaren 21ean izango da, 12:30ean, eta 8 urtetik 99 urtera bitarteko publikoarentzat dago gomendatuta. 600 lagunentzako lekua dago, eta sarreren prezioa gainerako jarduera didaktikoenen berbera izango da. Hau da, 4 euro sarrera bakoitzeko (3 euro, BOSeko abonatuentzat).