Kontzertuak
FIDELIO
FITXA
Leonore Elena Pankratova*
Florestan Peter Wedd*
Rocco Tijl Faveyts*
Marzelline Anett Fritsch*
Jaquino Mikeldi Atxalandabaso
Don Pizarro Sebastian Holecek*
Don Fernando Egils Silins
Bilbao Orkestra Sinfonikoa
Coro de Ópera de Bilbao
Musika-zuzendaria Juanjo Mena
Eszena-zuzendaria José Carlos Plaza*
Birjarpenaren eszena-zuzendaria Gregor Acuña-Pohl*
Eszenografia eta argiztapena Francisco Leal*
Jantziak Pedro Moreno*
Koruaren zuzendaria Boris Dujin
Produkzioa Teatro Maestranza de Sevilla
*ABAO-OLBEn debutatuko du
DATAK
- 24 azaroa 2018 Euskalduna Jauregia 19:30 h.
- 27 azaroa 2018 Euskalduna Jauregia 19:30 h.
- 30 azaroa 2018 Euskalduna Jauregia 19:30 h.
- 03 abendua 2018 Euskalduna Jauregia 19:30 h.
Ezagutu hemen harpidedunak BOS izatea abantaila guztiak
FIDELIO
Lekua: Sevillatik gertu, XVIII. mendearen bukaeran
I. EKITALDIA
Estatuko espetxe den gotorleku bateko patioan, Marzelline, Rocco kartzelari zaharraren alaba, lisatu bitartean, aitaren laguntzaile Jaquinorekin hizketan ari da; gizonak neskatxarekin ezkondu nahi du, oso maite baitu. Marzellinek, ordea, ezetz diotso, Fideliorekin maiteminduta dagoelako, alegia, duela gutxitik Roccori bere eginkizunetan laguntzen dionarekin. Alabaina, Fidelio ez da, denek uste duten moduan, mutila, baizik eta mozorroturiko emakumea: Leonore. Florestan senarra salbatzen saiatzeko mozorrotu da horrela, gotorlekuko ziegetan preso dagoelakoan. Rocco eta gezurretako Fidelio errementari bati prezio onean erositako kate pila batekin agertuko dira. Roccok onartu du alaba Fideliorekin ezkontzea, eta, ondorioz, Jaquino oso-oso jeloskor dago. Agurea dirua goraipatzen ari da, ezkontza bat arrakastatsua izan dadin ezinbestekoa dela esanez.
Leonorek Roccorekin joan nahi du presoak ikustera; haien artean, bat berezia da, bere senarra, hain zuzen, bi urte baino gehiago daramatzana preso. Alta, kartzelariak ez dio utziko, gotorlekuko gobernadore Pizarro Jaunak emandako aginduen beldurrez. Pizarro Jaunak bere etsai politiko nagusitzat du Florestan, bere gehiegikeriak salatu zituelako, eta akabatu egin nahi du, baina ez da ausartzen zuzenean egitera; hala, gero eta janari gutxiago emanez hil nahi du. Marzellinek arren eskatuko dio aitari ez uzteko Fideliori ziega ikaragarriak ikusten, jasango ez duelakoan. Halere, Roccok, Fidelioren irmotasuna eta ziurtasuna ikusita, Pizarro Jaunaren baimena lortuko duela hitz emango dio mutikoari.
Martxa militar baten eta soldadu-pelotoi baten ostean, Pizarro Jauna agertuko da. Roccok emango dizkion agirien artean, gutun bat dago, laster barru erregearen ministro Fernando Jauna iritsiko dela dioena. Presoen egoera ikuskatzera dator, ustekabean, gaizki tratatzen dituztela entzun baitu. Hori ikusita, Pizarro Jaunak erabakiko du Florestanekin mintzatzea, Fernando Jaunaren aspaldiko laguna baita. Agindua emango du Sevillako bidetik edozein agertzean tronpeta-hotsez jakinaraz diezaioten, eta Roccori aginduko dio Florestan hiltzeko. Agureak uko egingo dionez, Pizarro Jaunak bere eskuekin egitea erabakiko du, baina Roccok egin beharko du hilobia. Rocco ados agertuko da. Fideliok, Pizarro Jaunak Roccorekin hitz egin ostean alde egin duela ikusita, zer egin nahi duen susmatuko du, eta Pizarro Jaunari dion gorrotoa adieraziko du. Halere, oraindik badu senarra salbatzeko itxaropena.
Fideliok eta Marzellinek behin eta berriz eskatu ondoren, Roccok baimena emango die zenbait presori eguzkia hartzera ateratzeko, erregearen urtebetetzea dela eta. Jaquinok eta Fideliok ziegetako ateak irekiko dituzte.Preso gizagaixoak poz-pozik daude, urteak baitaramatzate argia ikusi gabe. Rocco agertuko da, gobernadorearekin mintzatu ostean; haren baimena lortu du bai Fideliok ziegetara lagun diezaion bai gezurretako mutikoa alabarekin ezkon dadin. Roccok Florestan presoa erailtzeko eta lurperatzeko plana kontatuko dio Fideliori. Jaquinok eta Marzellinek jakinaraziko dute Pizarro Jauna zeharo suminduta dagoela, kartzelariak eskuzabaltasunez jokatu duelako presoekin. Roccok barkamena eskatu beharko du,erregearen urtebetetzea eta Florestanen heriotzaren berebiziko garrantzia argudiatuta, eta presoak berehala itzuliko dira beren ziegetara.
II. EKITALDIA
1. eszena
Florestan egoera tamalgarrian dago ziegan, ahul eta eldarnio betean. Bere patuaren gainean hausnartzen ari dela, Leonore emaztea ikusten ari dela irudituko zaio, zerura eramateko aingeru bihurtuta, baina azkar asko galduko du konortea berriro. Fideliok eta Roccok, ziegara gerturatuta, presoa oraindik bizirik dagoela egiaztatuko dute, eta hilobia egiten hasiko dira. Fideliok, Roccoren baimenaz, ardo apur bat eta ogi-puska bat eskainiko dizkio gizon akituari, eta, ahotsarengatik, bere senarra dela konturatuko da. Pizarro Jauna agertuko da, erailketa gauzatzeko prest, baina Fideliok, pistola eskuan, eragotzi egingo dio, eta benetan nor den jakinaraziko du. Une horretan, Fernando Jauna datorrela iragartzeko tronpeta-hotsa entzungo da, eta gobernadoreak ziegatik alde egingo du, Rocco atzetik duela; orduan, senar-emazteek elkar besarkatu eta beren alaitasuna adieraziko dute.
2. eszena
Gotorleku kanpoan, Fernando Jauna eta herritarrak daude, presoak agertzeko zain, pixkanaka askatzen ari baitira. Roccoren atzetik, Leonore eta Florestan datoz; kartzelariak Leonore benetan nor den aditzera emango du, bai eta Pizarro Jaunaren planaren berri ere. Agintaria bere burua zuritzen saiatuko da, arrakastarik gabe. Fernando Jaunak, hiltzat zuen laguna ezagututa, alkaidea atxilotzeko aginduko du, eta Leonoreri senarraren bilurrak irekitzeko ohorea emango dio. Denek ospatuko dituzte bikotearen maitasuna eta emaztearen fideltasuna, istorioak amaiera zoriontsua izan dezan ahalbidetu dutenak.
Gertakarien egutegia
Erlazionatutako ekitaldiak
Cámara 07
Lekua: Euskalduna Jauregia
I
BOSen hari eta perkusio ensemblea
Actea Jiménez, perkusioa
Samuel García, biolina
David García, biolina
Leire Moreno, biola
Diego Val, biolontxeloa
Carolina Bartumeu, biolontxeloa
ARVO PÄRT (1935)
Fratres
DANIEL WOHL (1980)
Exchange
BOSen hari-laukotea
Samuel García, biolina
David García, biolina
Leire Moreno, biola
Carolina Bartumeu, biolontxeloa
ANTON VON WEBERN (1883 – 1945)
Langsamer Satz
II
BOSen hari-seikotea
David García, biolina
Samuel García, biolina
Isabel Aragón, biola
Asier Arabolaza, biola
Diego Val, biolontxeloa
Jaime Puerta, biolontxeloa
JOHANNES BRAHMS (1858 – 1924)
1. Seikotea Si bemol Maiorrean Op. 18
I. Allegro ma non troppo
II. Andante ma moderato
III. Scherzo: Allegro molto
IV. Rondó: Poco allegretto e grazioso
Samy Moussa eta Dvoráken 7. sinfonia
Lekua: Euskalduna Jauregia
Oso ustekabe atsegina izan da azken urteotan Samy Moussaren musika ezagutzea eta ikus-entzuleekin duen konexio onaren lekuko izatea. Bere lana ezagutzen jarraitu ahalko dugu Adrano biolinerako kontzertuaren bidez, Karen Gomyo bikainaren eskutik; gainera, zuzendari-lanetan arituko da Nielsenen musikarekin eta Antonin Dvoráken 7. sinfonía kartsuarekin.
Samy Moussa, zuzendaria
Karen Gomyo, biolina
I
CARL NIELSEN (1865 – 1931)
Helios obertura Op. 17
ANTONIN DVORAK (1841 – 1904)
Erromantza biolin eta orkestrarako fa minorrean Op. 11*
Karen Gomyo, biolina
SAMY MOUSSA (1984)
Kontzertua biolin eta orkestrarako “Adrano”**
I.
II. Cadenza
III.
IV. Epilogue
Karen Gomyo, biolina
II
ANTONIN DVORAK (1841 – 1904)
7. sinfonia re minorrean Op. 70
I. Allegro maestoso
II. Poco Adagio
III. Scherzo (Vivace)
IV. Finale (Allegro)
*Lehen aldiz BOSen eskutik
**Estreinaldia Espainian
Pahud eta Mahlerren 5. sinfonia
Lekua: Euskalduna Jauregia
Emmauel Pahud aspaldi kokatu zen txirularen esparruko gailurrean. Bere ibilbidean ziztu bizian gertatu da dena 22 urte zituela Berlingo Filarmonikoan bakarlari-plaza lortu zuenetik; bera zuzenean entzun dutenek diote bere musika amasaren luzapena bezalakoa dela. Zuzendari-titular gisa egindako ibilbideari agur esaten hasteko, Erik Nielsenek Mahlerren S. sinfonía eskainiko digu, eta haren gailurrez, haranez eta adagietto ederraz gozatuko dugu.
Abono:
XX Century Classics
C. Nielsen: Flauta eta orkestrarako kontzertua
W.A. Mozart: Andante do maiorrean, flauta eta orkestrarako K. 315
G. Mahler: 5. sinfonia do minor sostenituan
Emmanuel Pahud, xirula
Erik Nielsen, zuzendaria
Erik Nielsenek Heroi bizitza bat zuzenduko du
Lekua: Euskalduna Jauregia
Ein He/denleben zuzendari-lana da. Richard Straussek berak zuzendu zuen lehen emanaldian; hala ere, beste zuzendari handi bati eskainita zegoen, Mengelberg zuzendariari eta Concertgebouweko orkestrari, hain zuzen ere. Nielsenek poema sinfoniko izugarri hau aukeratu du titular gisa denboraldi honetan emango duen azken kontzerturako. Programa osatzeko, Schönberg eta Saint-Saëns musikagileen beste bi pieza ezagun izango ditugu entzungai, eta aipatzekoa da Alexandre Kantorow karismadunaren presentzia.
Charla preconcierto
2024/04/26 • 18:00 • Euskalduna. 5H Aretoa Terraza
A. Schonberg: Orkestrarako bost pieza, op. 16
C. Saint-Saëns: Piano eta orkestrarako 5. kontzertua Fa maiorren, 103. op. “Egiptoarra”
R. Strauss: Heroiaren bizitza bat, op. 40
Alexandre Kantorow, pianoa
Erik Nielsen, zuzendaria