269
Egun
Kontzertuak
Musika denontzat da
20:30. 00:00 h.
Santanderreko Nazioarteko 66. Jaialdia
2017ko abuztuaren 2a
Lekua: Argenta Aretoa · Santanderreko Jaialdien Jauregia · 20:30
Bilbao Orkestra Sinfonikoak Santanderreko Nazioarteko 66. Jaialdia inauguratuko du, beste batzuetan ere BOSeko lankidea izan den Rubén Gimenoren zuzendaritzapean, denentzako errepertorio batekin.
Richard Wagner: Holandar alderraia operako obertura
Antonin Dvorák: 1. dantza eslaviarra Do maiorrean, Op 46
Giuseppe Verdi: La forza del destino operako obertura
Franz von Suppé: Dichter und Bauer operako obertura
Pietro Mascagni: Cavalleria Rusticana operako intermezzoa
Goachino Rossini: La gazza ladra operako obertura
Goerges Bizet: Carmen operako 1. suitea.
Rubén Gimeno, zuzendaria
Zuzeneko emanaldia Gamazo aldean jarritako kanpoko pantailan eta transmisioa streaming bidez.
0
Ordu
53
Minutu
20
Segundu
Gertakarien egutegia
Erlazionatutako ekitaldiak
Denboraldia 2020-2021
19
Eka
2021
Teatro Arriaga. LOS NIBELUNGOS – La muerte de Sigfrido
Lekua: Teatro Arriaga Antzokia Bilbao
FITXA
Orkestra: Bilbao Orkestra Sinfonikoa – BOS.
Zuzendaria: Nacho de Paz.
URTE EROAK, 1920KO HAMARKADA… ARRIAGAN
Fritz Langek 1924an ekin zion bere zinema-proiekturik handienetako bati: Die Nibelungen (Nibelungoak / Los nibelungos) lanari. «Nibelungoen kanta» poema epikoa du inspirazio-iturri, eta bi filmez osatuta dago: Siegfrieds Tod (Sigfridoren heriotza / La muerte de Sigfrido) eta Kriemhilds Rache (Krimildaren mendekua / La venganza de Krimilda). Arriaga Antzokiak eta Bilbao Orkestra Sinfonikoak eskainiko duten kontzertu berezian, BOSek, Nacho de Pazen zuzendaritzapean, Siegfrieds Tod lehenengo filmeko musika interpretatuko du, filma pantaila handian ematen den bitartean.
Bizitza bera baino handiagoa, Europa iparraldeko Erdi Aroko kondairetan inspiratua eta espresionismo alemaniarraren iruditeria deigarriarekin aberastua, Sigfridoren Heriotza ikuskizun itzela da. Sigfridoren kontakizuna aurkezteko, Fritz Langek ahalik eta gehien aprobetxatu zituen zinemako berrikuntzak eta Decla-Bioscop ekoiztetxeko artisten ikuspegi sortzailea. Zuhaitz izugarriak, altxorrez betetako haitzuloak eta hirurogeita hamar hankako dragoia eskala naturalean eraiki zituzten estudioko lantegietan. Efektu berezietako teknikariek formatu eta trikimailu optiko berriak asmatu zituzten ekintzaren perspektiba estudioa bera baino askoz handiagoa zen uneetarako. Emaitza hunkigarria da, batetik, XIII. mendeko intrigazko kondaira kontatzen digulako, eta, bestetik, 700 urte beranduago filma egiteko erabili ziren baliabide tekniko magikoengatik.
Alemaniako zinema mutuaren goreneko lanetako bat da, eta Gottfried Huppertz konpositoreak sortu zuen soinu-banda. Huppertzen musika duela gutxi entzun dugu Arriagan, Metropolis filmaren emanaldiko kontzertuan, eta haren konposizioak indarra ematen die eszena eta pertsonaiei. Estreinaldiaren mendeurrena betetzeko hiru urte besterik falta ez direnean, zaharberritutako filmari eta Alemaniako Cinematexen gordetako partitura berreskuratzeari esker, zinemako harribitxia Arriaga antzokiko pantaila handian ikusiko dugu zuzeneko orkestra-soinuarekin.