Denboraldi honetan ere (dagoeneko, 32 dira), Musikahazi izango dugu, askotariko eskaintza paregabe eta inklusiboarekin: haurtxoentzako kontzertuak, kontzertuak familian, kontzertu didaktikoak, musika- eta gizarte-tailerrak, dantza, entsegu orokorretarako bisitak eta beste hainbat jarduera, zaren modukoa zarela ere, zurekin bat datorren erara musikaz goza dezazun bermatzeko. Ez galdu aukera.
Egilea: trek
VII. BOSlariak
Beste denboraldi batez, BOSlariak itzuli da, ganbera-musikaren hastapenerako, praktikarako eta hobekuntzarako prestakuntza-programa aurrekaria, musikari amateurrentzat. Horren bitartez, BOSek musikaren praktika suspertu nahi du musika profesionalaren kanpoko gizarte-esparruetan, eta, halaber, orkestrako irakasleen eta zaleen arteko loturak ezarri nahi ditu, horrenbestez, agertokiaren eta publikoaren arteko banaketa desagerraraziz.
Kontzertuak haurtxoentzat “Soinu leunak”
0 eta 3 urte bitarteko haurtxoentzat
Aurten ere, eta gure jarduera didaktikoaren barruan, aurreko edizioetan hainbeste arrakasta izan duen kontzertua eskainiko diegu entzuleei.
Hona hemen ikuskizunaren fitxa:
“Soinu leunak”
Txikiak direla-eta, pentsa liteke instrumentu handiek ez dituztela haurtxoak erakartzen. Baina ez! Tubaren soinua gozoa eta eztia da. Gil Gonçalves jotzeko prestatzen denean, haur eta heldu askok belarriak ixten dituzte, beldurrez, burrunba itzela entzungo dutelakoan. Baina, egiaz, espero ez bezalako soinu leuna egiten du: peluxezko elefantea balitz bezala.
Musicalmente konpainia
Alberto Roque y José Lopes. saxofoiak
Pedro Santos, , eskusoinua
Isabel Catarino y Cristiana Francisco, ahotsa
Inesa Markava, dantzari
Gil Gonçalves, tuba
Paulo Lameiro, ahotsa eta zuzendaritza
Datak eta orduak:
Azaroak 22
18:00etan
Azaroak 23
12:00etan
17:30ean
Azaroak 24
10:30ean
12:00etan
Lekua: Euskalduna Jauregia. (Bilbo) OB aretoa
Prezioak: Orokorra: 10 €
BOSen abonatuak: 8 € (Leihatilan)
Edukiera: 220 ikusle (55 haurtxo + 3 lagun gehienez haurtxoko)
Kontzertuak berrogeita bost minutu irauten du gutxi gorabehera.
Sarrerak datorren urriaren 28an salgai jartzea espero dugu.
Garrantzitsua: Aretora sartzen diren pertsona guztiek (haurtxoek barne) sarrera aurkeztu beharko dute.
BOS-EN «KONTZERTUAK BIZKAIAN» IZENEKO BIRA (irailean) ETA KONTZERTU SOLIDARIOA
Iraileko lehen astean, Bilbao Orkestra Sinfonikoak jarraitu egingo du Bizkaian zehar egiten duen udako bira tradizionalarekin; hilabete honetan, Getxon eta Santurtzin arituko da. Gainera, kontzertu solidarioa egingo du Caritasekin.
Aste honetan, Bizkaian zehar egiten dugun udako bira tradizionala amaituko dugu, Getxon (irailak 4) eta Santurtzin (irailak 6) kontzertua eskainita.
Orkestra Rafael Sánchez Araña zuzendariaren gidaritzapean arituko da; Las Palmasko Orkestra Sinfonikoaren zuzendari titularra da, baita Kanaria Handiko Orkestra Filarmonikoaren zuzendari titularra den Karel Mark Chichon maisuaren zuzendari laguntzailea ere.
Barakaldoko saxofoi-jotzaile Patricia Allerrek ere hartuko du parte, bakarlari gisa; Bizkaiko Foru Aldundiak beka bat eman zion, eta Iberian Quartet taldeko kidea eta musika-irakaslea ere bada.
Kontzertu solidarioa
Irailaren 5ean (osteguna), Joan Santuen elizan, BOSek kontzertu solidario batean hartuko du parte, Caritasen alde, Rafael Sánchez Arañaren zuzendaritzapean. Sarrera doakoa izango da, leku-kopurua bete arte, eta bildutako dohaintza guztiak Caritas Bizkaiari emango zaizkio.
KONTZERTUAK BIZKAIAN, PROGRAMA: IRAILAK 4 ETA 6
José María Usandizaga, Hassan eta Melihah, Fantasia dantza
Claude Debussy, Saxofoi eta orkestrarako rapsodia
Piotr Ilich Tchaikovsky, 1. sinfonia sol minorrean, op. 13 “Neguko ametsak”
Zuzendaria: Rafael Sánchez-Araña
Bakarlaria: Patricia Aller, saxofoia
KONTZERTU SOLIDARIOA, PROGRAMA: IRAILAK 5
José María Usandizaga, Hassan eta Melihah, Fantasia dantza
Piotr Ilich Tchaikovsky, 1. sinfonia sol minorrean, op. 13 “Neguko ametsak”
Zuzendaria: Rafael Sánchez-Araña
KONTZERTUAK BIZKAIAN, DATAK: IRAILAK 4, 5 ETA 6
Getxo. Irailak 4. Getxo Antzokia. 19:30ean
Kontzertu solidarioa. Irailak 5. Joan Santuen eliza. 20:00ean
Santurtzi. Irailak 6. Serantes Kultur Aretoa. 20:30ean
BOSEN «KONTZERTUAK BIZKAIAN» IZENEKO BIRA
Aste honetan, BOSek hasiera emango dio Bizkaian zehar egiten duen udako bira tradizionalari. Aurtengo abuztuan, Bermeo, Lekeitio eta Karrantzan (Pozalaguako auditoriuma) arituko dira
Bilbon, 2019ko abuztuaren 5ean
Aste honetan, Bizkaian egiten dugun udako bira tradizionalak Bermeora (abuztuak 8), Lekeitiora (abuztuak 9) eta Karrantzako Pozalaguako auditoriumera (abuztuak 10) eramango gaitu. Bertan, lehen aldiz jardungo dugu, egitarau berezi batekin; horren baitan, Linareseko Lucía Marínen zuzendaritzapean arituko da gure orkestra. Marín gorabidean dagoen zuzendari arrakastatsua da, eta Musikenen jaso du prestakuntza. Bilboko txirula-jotzaile Natalia Sánchezek ere parte hartuko du, bakarlari gisa; Bizkaiko Foru Aldundiak beka bat eman zion.
Irailean, birak Getxo eta Santurtzira eramango gaitu, beste egitarau batekin.
KONTZERTUAK BIZKAIAN, PROGRAMA: ABUZTUAK 8, 9 ETA 10
Stamitz, Carl. Txirula eta orkestrarako kontzertua, Sol maiorrean, op. 29
Dvorak, Antonin. 8. sinfonia Sol maiorrean, op. 88 [antzinako 4.a.]
Zuzendaria: Lucía Marín
Bakarlaria: Natalia Sánchez, txirula
KONTZERTUAK BIZKAIAN, DATAK: ABUZTUAK 8, 9 ETA 10
Bermeo. Abuztuak 8. Andra Mari eliza. 20:00etan.
Lekeitio. Abuztuak 9. Andra Mari basilika. 22:00etan.
Karrantza. Abuztuak 10. Pozalaguako auditoriuma. 20:30ean.
Agurra Denboraldi bikain bati
Joan den ekainaren 7an (ostirala), agur esan genion 2018-2019 denboraldiko egitarau sinfonikoari, Denboraldi bikain honi berealdiko bukaera emateko balio izan zuen egitarau paregabe batekin.
BOSek eskerrak eman nahi dizkie hori gauzatu duten pertsona guztiei: publikoari, musikariei, langile teknikoei… eskerrik asko, guztioi!
Gainera, gonbit egin nahi dizuegu udan BOSez gozatzen jarrai dezazuen; izan ere, denboraldia amaitu dugun arren, BOS ez da geldirik geratuko, eta Bizkaiko eta zenbait lekutako agertokietan zehar arituko da, interes handiko proiektuak gauzatzen. Gurekin etorriko zarete?
Ekainean, José María Usandizagaren “Mendi-Mendiyan” konposizio handia interpretatuko dugu, Bilboko Arriaga antzokian eta Donostiako Kursaalen. Horrez gain, Luis de Pablo bilbotar konpositorearen “La caída de Bilbao” lana ere interpretatuko dugu, Arriaga antzokian.
Ekainean, José María Usandizagaren “Mendi-Mendiyan” konposizio handia interpretatuko dugu, Bilboko Arriaga antzokian eta Donostiako Kursaalen. Horrez gain, Luis de Pablo bilbotar konpositorearen “La caída de Bilbao” lana ere interpretatuko dugu, Arriaga antzokian.
Abuztuan, “Kontzertuak Bizkaian” ekimenak Bermeora, Lekeitiora eta Pozalaguako auditoriumera (Karrantza) eramango gaitu, lehenengo aldiz. Abuztu amaieran, ostera, tradiziozko hitzordua izango dugu publikoarekin, Bilboko Aste Nagusian.
Irailean, “Kontzertuak Bizkaian” ekimenari ekingo diogu berriro, eta Getxora eta Santurtzira joango gara. Era berean, urteko ohiko hitzordua izango dugu, Musikagileaken musika garaikidearen zirkuitua eskaintzeko. Irailaren 27an izango da, Campos antzokian.
Espero dugu udaz gozatuko duzuela, eta ez ahaztu datorren Denboraldirako harpidetzea: abonu osoak ekainaren 24tik aurrera egongo dira salgai.
Uda zoriontsua izan!
Bilbao Orkestra Sinfonikoaren 19-20 denboraldiaren aurkezpena
BOSen 2019-2020 Denboraldi Sinfonikoa aurkezteko prentsaurrekoa ikus dezakezu zuzenean.
Apirilaren 15an izango da, 10:00etan, Bilbao Orkestra Sinfonikoaren entseguetarako aretoan. Egitarau berria ezagutu eta “modu birtualean” bertan izan nahi duten guztiek prentsaurrekoa zuzenean ikusi ahal izango dute; izan ere, gure webgunearen eta Facebookeko gure orriaren bitartez emitituko da denbora errealean.
Gainera, prentsaurrekoa amaitutakoan, denboraldi berriko informazio guztia eskuragarri izango da gure webgunean.
ARRAKASTA “MADAMA BUTTERFLY” EMANALDIAN, OMANEN
Castell de Perelada jaialdiak Maskatera eraman duen opera-emanaldietako lehenengoak 7 minututik gorako txaloak jaso ditu
Bilbon, 2018ko urtarrilaren 18an
Urtarrilaren 17an (osteguna), 19:30ean, Maskateko Royal Opera House entzunareto zoragarriaren pezoian, “Madama Butterfly” operaren emanaldia hasi zen, Bilbao Orkestra Sinfonikoaren eskutik. Bi ordu geroago, emanaldia amaitu zen, eta entzuleek 7 minututik gora iraun zuen txalo-zaparrada eskaini zuten.
Pertsiar Golkoko herrialde horretara bertaratu diren 170 pertsonek interpretatu dute Castell de Pereladak eta Deutsche Oper am Rhein operak lankidetzan produzitutako obra hau, Joan Antón Rechik sinatutakoa; 2017ko udan estreinatu zen, Pereladan, orduan ere BOS pezoian zegoela.
Abeslarien buru Uruguaiko María José Siri sopranoa dugu; berarekin batera, honakoak aritu dira: Roberto Aronica, Pinkertonen rolean; George Gagnidze, Sharplessen rolean; Veronica Simeoni, Suzukiren rolean, eta Intermezzo abesbatza. Pezoian BOS egon da, guztiak Marco Armiliato maisuaren zuzendaritzapean.
Lehenengo emanaldi honen ostean, Oriol Aguilàk, Castell de Perelada jaialdiaren zuzendariak, adierazi du Bilbao Orkestra Sinfonikoak “emanaldi zoragarria” eskaini duela.
Datu interesgarri gisa, duela mende bat idatzitako libreto originala aldatu da, herrialdearen kulturara egokitzeko, eta piezaren une batean agertzen den “whisky” hitza “jengibre” hitzarekin ordezkatu dute. Eszenografian ere aldaketa bat egin da, eta Pereladako emanaldian agertzen zen Ipar Amerikako banderaren ordez oihal bat jarri da, agertokian herrialdeen banderarik ez delako erakutsi behar.
Omanera bertaratu diren orkestrako 73 kideek bigarren hitzordua izango dute entzuleekin bihar, larunbatean, bigarren emanaldian.Emanaldiaren ondoren, Bilborako itzulera-bidaia egingo dute, astelehen eguerdian.
BOSek Omanera bidaiatuko du, Madama Butterfly interpretatzeko
Orkestra Omanera abiatuko da ostiral honetan, eta Maskateko Royal Opera House-n jardungo du, Pereladako Jaialdiak bertara eramandako G. Pucciniren «Madama Butterfly» operaren bi emanaldietan parte hartzeko
Bilbon, 2019ko urtarrilaren 8an
Ostiral honetan, BOSek Omanera bidaiatuko du, eta urtarrilaren 17an eta 19an Maskateko Royal Opera House-n jardungo du, Pereladako Jaialdiak bertara eramandako G. Pucciniren Madama Butterfly operaren bi emanaldietan parte hartzeko.
Musikarien buru Uruguaiko María José Siri sopranoa dugu; berarekin batera honakoak arituko dira: Roberto Aronica, Pinkertonen rolean; George Gagnidze Sharplessen rolean; Veronica Simeoni, Suzukiren rolean, eta Intermezzo abesbatza. Pezoian BOS egongo da, guztiak Marco Armiliato maisuaren zuzendaritzapean.
Joan Antón Rechik sinatutako Deutsche Oper am Rhein-en koprodukzioa da Butterfly hau, eta Castell de Peralada jaialdian estreinatu zen 2017ko udako edizioan, orduan ere BOSen partaidetzarekin.
Oraingoan, BOSeko 73 musikarik bidaiatuko dute, agenda beteta, publikoarentzako bi emanaldiak eskaintzeko, bai eta bost entsegu egiteko ere.
Bilbon ez gauden bitartean, gure denboraldi sinfoniko honetan bi orkestra sinfoniko gonbidatu izango ditugu gurean. Aste honetan, urtarrilaren 10ean eta 11n, Gaztela eta Leongo Orkestra Sinfonikoa izango dugu gurekin. Datorren astean, Nafarroako Orkestra Sinfonikoaren txanda izango da; zehazki, urtarrilaren 17an eta 18an. Hurrengo denboraldietan bisita itzuliko diegu.
DENBORALDI HONETAKO KONTZERTUAK FAMILIAN PROGRAMA HASI DA
Bi proposamen interesgarri, musika familian gozatzeko egokiak, 6 urtetik gorakoentzat. Horietako lehenengoa gaztelaniaz da, eta “¡Vaya día de per…cusión!” izena du. Irratsaio tankera duen istorio dibertigarria da: “esatariak”, BOSen perkusio-sekzioko kide guztiekin batera, familia hau eratzen duten askotariko instrumentuak aurkeztuko dizkigu.
Bigarren proposamena euskaraz da, eta “Peer Gynt”-en, inoiz nagusi egin ez zen pertsonaia bihurri eta ameslariaren, abentura nahiz zorigaitzetan barrena eramango gaitu.
GEHIAGO IRAKURRI: