Kategoria: albistea

Apirilaren 24an, BOSen 2017-2018 denboraldi berria aurkezteko prentsaurrekoa egin zen Euskalduna Jauregian. Bertan izan ziren Ibon Arambarri, BOSen zuzendari nagusia; Erik Nielsen, Bilbao Orkestra Sinfonikoaren zuzendaria, eta Borja Pujol, BOSen zuzendari teknikoa.

Prentsaurrekoaren bideoa (zuzenean eman zen, gure online kanalen bitartez):

“Somos tu orquesta. Zure orkestra gara” lelopean, denboraldi zirraragarria aurkeztu zen. Frantziako eta Euskal Herriko musikaren arteko harremana izango da denboraldiaren ildo nagusia, eta hauxe izango da bere irudia:

 

Arriagatik hasi eta, Ravel ere barne hartuta, gaur egun arte, euskal konpositore askok bidaiatu dute Parisera, ikasketak egin eta konposatzeko. Modu berean, konpositore frantziarrak euskal tradizioan oinarritu dira beren obrak konposatzeko. Piernéren musika eta Ramuntchoren legenda jorratuko ditugu, baita Saint-Saens eta bere “Organo” sinfonia, Berlioz eta bere Sinfonia Fantastikoa, eta Dukas eta bere Sinfonia Don ere. Iparraldeko konpositore Ravelekin itxiko dugu denboraldia, haren heriotzaren 80. urteurrena gogora ekartzeko kontzertu monografiko batekin.
Era berean, ahozko musika ere protagonista izango da, maila goreneko abeslarien eskutik: Hanna-Elisabeth Müller, Johannes Martin Kränzler eta Alice Coote. Eta Gabonetako Kontzertu tradizionala ere bai, Bilboko Abesbatzarekin.
Entzute handiko bakarlariak arituko dira, hala nola, Christian Zacharias pianista eta zuzendaria eta Truls Mørk biolontxelo-jotzailea; era berean, dagoeneko ospea eskuratu duten interpretatzaile gazteak ere arituko dira: Benjamin Grosvenor piano-jotzailea, Edgar Moreau biolontxelo-jotzailea, Ray Chen biolin-jotzailea eta tronpeta-musika garaikidearen ikur handia den Pacho Flores.
Ibilbide luzeko Giancarlo Guerrero eta John Axelrod zuzendariak, besteak beste, Martin Nagashima eta Alondra de la Parra zuzendari gazteekin arituko dira.

Larunbat honetan, apirilaren 8an, egingo da musikari amateurrei zuzendutako ganberako musikaren hastapeneko, praktikarako eta hobekuntzarako trebakuntza-programaren laugarren edizioko amaierako kontzertua.

Kale Nagusiko BBK Aretoan, BOSek musikari amateurrei zuzendutako ganberako musikaren hastapeneko, praktikarako eta hobekuntzarako trebakuntza-programaren laugarren edizioaren barruan trebatu diren ganberako taldeak aurkeztuko ditu bi kontzertutan (12:30etan eta 18:30etan).

12:30tako kontzertuan antzeztuko diren obrak honako hauek dira: J. S. Bach, Ariel Ramírez, Sergei Prokofiev, Francis Lai, Haendel, Saint-Saëns, Haydn, Fynk, Brahms, Joplin, Grieg, Narciso Gómez y Sändstrom

18:30tako kontzertuan berriz, antzeztuko diren obrak honako hauek dira: Telemann, Bartok, Vivaldi, Schumann, Chopin, Dvorak, Granados, Kleynjans, Ravel, Carlos Ibarra y Bernstein.

Esperientzia honen emaitza larunbat honetan entzun ahal izango dute BBK Aretora doazen guztiek, eskainiko diren bi kontzertuetan. Sarrera doakoa izango da, gonbidapenarekin, plaza-kopurua bete arte.

Informazio gehaigo: https://bilbaorkestra.eus/conciertos/concierto-de-clausura-del-programa/

BOSek Musika-Música 2017 jaialdian eskainiko dituen kontzertuetan, II biolinen ataleko lehenengo atrilean izango da noizbehinka gurean gonbidatu gisa izaten dugun musikari bat: Vicente Cuevas.

Baina oraingoan, BOSera egindako bisitak oso balio berezia dauka: BOSeko gainerako kideekin batera, Mahler eta Dvorák interpretatuko ditu, eskuetan harribitxi mitiko bat duela: 1691ko Antonio Stradivari “Auer” biolina.

Instrumentua Roger eta Huguette Duboisek laga diote, Partita Shoah Biolin Solorako eta Tenplu Sakratua obra grabatzeko. Duboistarrak Canimex Taldearen jabeak dira, eta Quebecen (Kanada) dute egoitza. Holokaustoaren oroimenari eskainitako diskoa da; helburu bakar horrekin egiten den lehen lana da. Musika Jorge Grundmanena da; izan ere, musikari madrildar horren aitona-amonak Varsoviako ghettoan hil zituzten naziek. Obra horretako mugimendu bakoitza kontzentrazio-eremu eta ghetto bakoitzari eskainita dago.

Apirilean aurkeztuko den diskoa grabatu ondoren, Vicente Cuevasek biolin hori erabili ahal izango du hainbat hilabetetan. 1691ko Antonio Stradivari “Auer” biolinak izen hori dauka, zeren, tradizioari jarraiki, 300 urteko instrumentu paregabe horiei beren jabe edo erabiltzailerik ospetsuenaren izena jartzen zaie. Leopold Auer biolin-jotzaile juduarena izan zen aipatutako biolina. Errusiako eskolaren aitzindaria izan zen, eta, gainera, XX. mendeko biolin-jotzaile judu handi askoren irakaslea ere izan zen.

Bilbon lehen aldiz gozatu ahal izango dugu bere soinuaz, BOSek Musika-Música programaren barruan eskainiko dituen hiru kontzertuetan: Gustav Mahlerren 2. sinfonia (osteguna eta larunbata) eta Dvoráken Biolontxelorako kontzertua (larunbata).

 

Disneyren klasiko musikalak, sekula entzun ez dituzun bezala.

Ekoizpen paregabe honi esker, ikusle guztiek gozatuko dute Disneyren filmik enblematikoenetako kantu eta irudiez; besteak beste, tartean izango dira Pocahontas, Aladdin, Lehoi erregea, Oihaneko liburua, Mary Poppins, Karibeko piratak, Sirenatxoa, Frozen… Eta beste sorpresa asko! Izan ere, Disney in Concert: Magical Music from the Movies ikuskizunak nazioarteko ikusleak ere hunkitu ditu, mundu osoko hainbat hiritatik igaro ostean, Bajo el Mar, Suéltalo edota Bella y Bestia bezalako abesti ezagunekin.

Bi emanaldi eskainiko dira Bilbon, urtarrilaren 4an, Euskalduna Jauregian. Ezin dituzu galdu. Paco Arrojo, Diego Rodríguez, Judith Tobella eta Julia Möllerren zuzeneko ahotsak entzun ahal izango dira, eta, beraiekin batera, Bilbao Orkestra Sinfonikoa arituko da, Arturo Díez Boscovichen gidaritzapean eta Gurutze Beitia aurkezle dela.

Aktoreak:

Aurkezlea: Gurutze Beitia
Bakarlariak: Paco Arrojo, Julia Möller, Judith Tobella eta Diego Rodríguez.
Musika-zuzendaritza: Arturo Díez Boscovich

Iraupena:

Ordu 1 eta 30 minutu (atsedenik gabe).
Ikuskizun hau ez da gomendagarria 8 urtetik beherakoentzat.

%10eko deskontua BOSeko abonatuentzat

 

Zatoz BOSera Bizkaiko Kultur Txartelarekin, eta goza ezazu musikarik onenaz, prezio murriztuetan.

Ordaindu 28€ eta erosi 40€

Aurreztu ezazu 12 €, BOSen aurkeztutako Bizkaiko Kultur Txartel bakoitzarekin.

Nahi beste BKT ekar ditzakezu.

---

NOLA ERABILI BKT AURTENGO DENBORALDIAN

• Eros ezazu B motako zure BKT.
• Sarrera solteak eskuratu nahi badituzu: joan zaitez Euskalduna Jauregiko leihatiletara, eta, bertan, sarrerak emango dizkizute BKTen ordez, aldez aurretik diferentzia ordainduta.
• Nahierarako Abonua edo CrediBOS txartela eskuratu nahi baduzu: joan zaitez BOSen egoitzara, eta, bertan emango dizugu, aldez aurretik diferentzia ordainduta.

NOLA ERABILI BKT DATORREN DENBORALDIRAKO

• Erosi zure B motako BKTa(k), 2016ko abenduaren 12tik 2017ko urtarrilaren
  28ra bitartean.
• Eraman zure B motako BKTa(k) BOSera, 2016ko abenduaren 12tik 2017ko urtarrilaren 31era bitartean.
• La BOS se hace cargo de tu/s BKT, y te entrega un recibo.
• BOS arduratuko da zure BKTaz (edo BKTez), eta ordainagiri bat emango dizu.
• 2017ko irailean, abonuaren prezioaren eta aurkeztutako BKTen balioaren arteko diferentzia kobratuko dizugu.

---

28 € ORDAINDU  – 40 € EROSI

Aurreztu 12 €, BOSen aurkezten duzun Bizkaiko Kultur Txartel bakoitzarekin

BKT 1 = 12 €-ko dtua.
2 BKT = 24 €-ko dtua.
3 BKT = 36 €-ko dtua.
4 BKT = 48 €-ko dtua.

---

BKTen Baldintzak

B motako BKTak erosteko epea 2016ko abenduaren 12an hasiko da, eta 2017ko urtarrilaren 28an amaituko da.

BKTak trukatzeko epea 2016ko abenduaren 12an hasiko da, eta 2017ko urtarrilaren 31n amaituko da.

Kreditu-txartel bakoitzarekin, B motako 6 BKT eros ditzakezu gehienez.

Erosketaren eta BKTaren balioaren arteko diferentzia ez da diruz itzuliko.

---

GARRANTZITSUA

Nahi beste BKT ekar ditzakezu.

Kreditu-txartel bakoitzarekin, B motako 6 BKT eros ditzakezu gehienez (B motako 6.000 BKT egongo dira eskuragarri).

Erosleei ez die eskudirurik itzuliko erosketaren eta BKT balioaren arteko aldeari dagokionez

BKTaren gaineko informazioa:

www.bizkaia.eus/bizkaikokulturtxartela

MUSIKA HURBILETIK

IX. zikloa

Musika XX. mendean: aniztasuna eta kolorea

Irakaslea: Mercedes Albaina

 

Ikastaroaren edukia

XX. mendea baliabide musikalen zabalkunde handi baten lekuko izan da: ehundura irekiak, melodia berriak, inspirazio tribaleko erritmo zorrotzak, ausardia harmonikoak, esperimentazio tinbrikoa, fusio estilistikoak, esparru arkaikora itzultzea eta berrikuntzara jauzi egitea. Gauzak ez errepikatzeko gogoak biderkatu egin zituen musikaren kontzepzio berriak, eta horrek eragin handia izan zuen garai hartako kontzientzia artistikoan. Ondorioz, helburu estetikoen eta soinu-profilen sorta ia infinitua agertu zen.

Hitzaldi-ziklo honen bitartez, hizkera musikalak XX. mendean izandako dialekto nagusietako batzuetara hurbilduko gara: posterromantizismoa, estetika inpresionista, espresionismoa, jazza, zinemarako musika, ekialdeko sentsualtasuna, neoklasizismoa, minimalismoa, esperimentalismoa, mundu erdiko folkloreak… Azken batean, musika hainbat eratara agerrarazi zuen guztia: amorratua eta utopikoa, basatia eta hunkigarria, sutsua eta futurista, nazionalista eta kosmopolita; paradoxikoki, independentea eta bere garaiaren gatibu.

 

Egunak, ordutegia, lekua eta prezioa

• 6 saio, astelehenetan: urriaren 24 eta 31n; azaroaren 7, 14 eta 28an; eta abenduaren 5ean.
• 19:00etatik 20:15era.
• Bilboko Arte Ederren Museoko auditoriuma.
• Izena emateko eguna: urriaren 10etik (astelehena) aurrera.
• Prezioa:
• 45 € (BOSen abonatuak eta Bilboko Arte Ederren Museoaren lagunak)
• 65 € (jendearentzat, oro har)

Plaza-kopurua bete arte.

 

Informazio gehiago eta izen-emateak

BOSen bulegoak. Euskalduna Jauregia. Abandoibarra etorbidea 4

Tel.: 94 403 52 05 – Ordutegia: astelehenetik ostiralera, 09:00etatik 14:00etara

 

 

“Kontzertuak Bizkaian” jarduerak Lurraldeko bost udalerritara eramango du Orkestra abuztuan eta irailean

Orkestra Lurralde Historiko osora hurbiltzeko filosofiari eutsita, eta Bizkaiko Foru Aldundiak udan antolatutako jardueren barruan, BOSek “Kontzertuak Bizkaian” programa hasiko du astelehenean Plentzian, eta Lurraldeko bost udalerritan izango da abuztuan eta irailean.

Gure Orkestraren helburu nagusienetako bat da bere jarduera Bizkaiko bazter guztietara hurbilaraztea. Horretarako, gure Bilboko egoitzan egin ohi ditugun jarduerak Lurralde osotik egiten ditugunekin uztartzen ditugu.

Orain dela hainbat denboraldi, eta Bizkaiko Foru Aldundiak antolatutako jardueren barruan, “Kontzertuak Bizkaian” jarduera jarri genuen abian, abuztuan eta irailean Lurraldeko hainbat udalerri bisitatzeko asmoz, orkestra osoaren formatuan eta bakarlari eta zuzendari gazteek lagunduta. Ekimenak izan duen harrera onak, hala udalerrien aldetik nola publikoaren aldetik, udako hitzordu ohikoa bihurtu du, luzaroan irauteko asmoarekin.

Kontzertuak iralian

Udalerriak

2016/09/7         Getxo, Areetako Geltoki Plaza, 19:30
2016/09/9         Santurtzi, Serantes Kultur Aretoa, 20:30

 

Egitaraua

F. Chopin: 1. kontzertua piano eta orkestrarako mi minorrean, Opus 11

I. Tchaikovsky:  4. sinfonia fa minorrean, Op. 36, TH 27 

J. Brahms:  1. dantza hungariarra sol minorrean 

 

Adrian Hodor, pianoa

Unai Urrecho, zuzendaria